ئاگادارییەکی بەپەلە بۆ خاوەن ئۆتۆمبێلە بێ سەرەتاکان؛ هەفتەیەک مۆڵەتییان هەیە
وتەبێژی وەزارەتی گواستنەوەی عێراق دەڵێت، بڕیارە ئەمساڵ سێ فڕۆکەخانەی نێودەوڵەتی نوێ لە وڵاتەکەدا بکرێتەوە، وتیشی، لە رێی ٢٦ پڕۆژەوە فڕۆکەخانەی نێودەوڵەتی بەغدا فراواندەکرێت.
قائیمقامییەتی سلێمانی دەڵێت، لە مانگی شەشی ئەمساڵدا بە بڕی ٦١ ملیۆن دینار سزای پێبژاردنی ئەو شوێنانە دراوە كە سەرپێچی رێنماییەكانیان كردووە و ٢١ شوێنی كاریش داخراون.
نوێنەری تایبەتی سكرتێری گشتیی نەتەوە یەكگرتووەكان لەگەڵ سەرۆکی پارتیدا کۆبووەوە، بە گوێرەی راگەیەندراوی نوسینگەی سەرۆکی پارتیش، باسیان لە پەیوەندییەکانی نێوان هەرێم و بەغدا کردووە.
لیژنەی ئەمنی هەڵەبجە مۆڵەتی هەفتەیەک دەداتە خاوەن ئۆتۆمبێلە بێ سەرەتاکان بۆ ناساندنی ئۆتۆمبێلەکانیان و بڕیاریشدرا چوونیان بۆ ناو سەنتەری شار و شوێنە گشتییەکان و ناوچە گەشتیارییەکان قەدەغە بکرێت.
کاردانەوەکانی رفاندن و ئەشکەنجەدانی سیپان ئامێدی لەلایەن هێزێکی پارتییەوە بەردەوامە و پارێزەرێکی راوێژکاریش لە ناڤینی ئێن ئاڕتیدا وتی، ئەو کارەی بەرامبەر سیپان ئامێدی کراوە بۆ ئەرشکردنی پەرلەمان و کەمکردنەوەی شکۆیەتی، وتیشی، پارێزبەندی لە هەرێمی کوردستان تەنها بۆ پەرلەمانتارانی دەسەڵاتە.
نیوەڕۆی ئەمڕۆ درۆنێكی بۆمبڕێژکراو لە سنووری گەرمیان كەوتە خوارەوە، بەپێی زانیارییەکان هیچ زیانێكی گیانی و ماددی نەبووە.
مونزیر ئیبراهیم لە بەردەم سەرۆک کۆماری عێراق سوێندی یاسایی خوارد و وەک سەرۆکی نوێی دادگای باڵای فیدراڵی دەستبەکاربوو.
سەرۆکایەتی شارەوانی سلێمانی دەڵێت، لە سبەینێوە کاری قیرتاوکردنی شەقامی بازنەیی مەلیک مەحمود تەواودەکرێت و بەوهۆیەوە بەشێکی شەقامەکە بەربەست دەکرێت.
فەرمانگەی دەستەبەری کۆمەڵایەتی کەرکوک دەڵێت، لەمانگی حوزەیرانی رابردوودا ٩٦ پڕۆژەی کاری نوێ لەدەستەبەری کۆمەڵایەتی تۆمارکراون و کرێکارانی ئەو پرۆژانە دەتەوانن سوود لە مافی خانەنشینی ئارەزوومەندانە ببینن.
وەزیری ئەوقاف و کاروباری ئاینی هەرێم وتی، هەرێم پابەندە بە رادەستکردنی داهاتی نەوتی و نانەوتی بەڵام بەغدا بەردەوام کێشە بۆ هەرێم دروستدەکات. وتیشی، ئۆپۆزسیۆن رۆڵی خراپە و هەوڵی لەناوبردنی قەوارەی هەرێم دەدات.
وەزارەتی پێشمەرگەی دەڵێت، رۆژی یەکشەممە ٦ـی تەمموز هاوکاریی هاوپەیمانان بۆ مانگی شەش بەسەر هێزەکانی پێشمەرگە دابەشدەکرێت.
سەرۆکی فراکسیۆنی نەوەی نوێ لە پەرلەمانی کوردستان دەڵێت، تەواوی فراکسیۆنەکە لەسەر هێڵن بۆ چارەسەرکردنی کێشەی مووچە. وتیشی، ئەوەی ئەم جووت حزبە بەرامبەر خەڵکی دەیکەن ئەوپەڕی بێویژدانی و بێڕەوشتییە. پەرلەمانتارێکی پێشووی نەوەی نوێش دەڵێت، ئەم دەسەڵاتە لەسەر حسابی گیرفانی خەڵک بوون بە ملیاردێر و مووچە دابەش ناکەن.
ده‌سته‌ی خانەنشینی عێراق خەرجکردنی پاداشتی کۆتایی خزمەتی بۆ ئەو فەرمانبەرانە راگەیاند، کە له مانگی تەمموزی ئه‌مساڵەوە خانه‌نشینكراون.
کەشناسی هەرێم دەڵێت، خۆڵبارین بەردەوام دەبێت و پلەکانی گەرما کەمێک بەرز دەبنەوە. کەشناسی عێراقیش رایگەیاند، لە چەند رۆژی داهاتوودا ئەگەری هەندێک نمە باران لە هەرێمی کوردستان هەیە.
بەڕێوەبەری بەرگری شارستانی سۆران بە ئێن ئاڕ تی وت، رۆژی شەممەی داهاتوو گەڕان بۆ تەرمی ئاڤێستا دەکەن و ئەگەر نەدۆزرایەوە هەڵمەتەکە کۆتایی دێت و هەر لەوێ نوێژی مردووی بە غایبی لەسەر دەکرێت.
دوو کامێرای دیکەی تۆمار کردنی سەرپێچی لە دوو شەقامی جیاوازی هەولێر بەشێوەی تێست کەوتنە کار و لە ١٠ـی مانگەوە سەرپێچییەکان تۆمار دەکەن.
بەهۆی دابەزین و کەمبوونەوەی ئاوی بەنداوی موسڵ، خانووە ژێر ئاوکەوتووەکانی گوندێکی سنوورەکە دەرکەوتنەوە.
گه‌شتیارێكی كورد کە ویستوویەتی گه‌شتى وڵاتى ئه‌ڵمانیا بكات، لەناو فڕۆکەکەیدا تووشی جه‌ڵته‌ى دڵ بووە و تیمى فڕۆكه‌وانیش به‌ناچارى فڕۆكه‌كه‌یان وەستاندووە.
هەر ئۆنسەیەک زێڕ لە بازاڕەکانی جیهاندا، بە سێ هەزار و ٣٥٠ دۆلار مامەڵەی پێوەدەکرێت بەراورد بە دوێنێ نرخەکەی نزیکەی ١١ دۆلار بەرزبووەتەوە، نرخی مسقاڵێک زێڕی عەیارە ٢١یـش بە ٦٦٢ هەزار دینارە.
ئێران هاوکارییەکانی لەگەڵ ئاژانسی نێودەوڵەتی وزەی ئەتۆم راگرت و بەوهۆیەشەوە نرخی نەوت لە بازاڕەکانی جیهاندا بەرزبووەوە و نرخی بەرمیلێک نەوتی خاوی برێنت بە ٦٨ دۆلار و ٦١ سەنت مامەڵەی پێوەدەکرێت و بەراورد بە دوێنێ نرخەکەی زیاتر لە دۆلارێک بەرزبووەتەوە.
به‌بۆنه‌ی یادی حه‌وتی موحه‌ڕه‌مه‌وه، سبه‌ینێ پێنجشه‌ممه له ژماره‌یه‌ك پارێزگای عێراق كرایه پشوو، تا ئێستاش له هیچ شارێكی هه‌رێم نه‌كراوه‌ته پشوو.
له به‌شێكی ناوه‌نده‌كانى خوێندن ئاماده‌كاریی ده‌كرێت بۆ تۆماركردنى ناوى قوتابیانى نوێ بۆ پۆلی یه‌كه‌مى بنه‌ڕه‌تى و بۆ ئه‌م مه‌به‌سته‌ش پێویسته ئه‌و منداڵه‌ى بۆ خوێندن تۆمار ده‌كرێت له‌كاتى ناو تۆماركردنه‌كه ئامادەبێت.
ئێران هاوکاریەکانی لەگەڵ ئاژانسی نێودەوڵەتی وزەی ئەتۆم راگرت و بەوهۆیەشەوە نرخی نەوت لە بازاڕەکانی جیهاندا بەرزبووەوە، ئەمریکاش هۆشداری دەدات.
کاردانەوەکانی هێرشکردنە سەر سیپان ئامێدی، پەرلەمانتاری نەوەی نوێ لەلایەن هێزێکی پارتییەوە و رفاندن و ئەشکەنجەدانی بەردەوامە و رێکخراوی مافەکانی مرۆڤیش لە کوردستان، بەتوندی ئیدانەی رفاندن و هێرشکردنە سەر پەرلەمانتارەکەی نەوێی نوێیان کرد و داوا دەکەن، بە زووترین کات تۆمەتباران دەستگیر بکرێن.
لەگەڵ دەستكردن بە دابەشكردنی چوارەم بەشەخۆراكی ئەمساڵ، دابەشكردنی بەشە ئاردی پێنجەم بەسەر هاوڵاتیاندا دەستیپێكرد و وەزارەتی بازرگانی عێراق دەڵێت، ئاردێكی بەپێزە و كوالێتی بەرزە.
وەزارەتی گواستنەوەی عێراق دەڵێت، بەنیازن ئەمساڵ سێ فڕۆکەخانەی نێودەوڵەتی نوێ لە وڵاتەکەدا بکەنەوە، کە بریتین لە فڕۆکەخانەیەکی تر لە موسڵ و پڕۆژەکە هەریەکە لە پارێزگاکانی کەربەلا و ناسرییەش لە خۆدەگرێت.
سه‌رۆكی تیمی میدیایی كۆمسیۆنی باڵای سه‌ربه‌خۆی هه‌ڵبژاردنه‌كانی عێراق دەڵێت، نزیكه‌ی هەشت هەزار كه‌س خۆیان بۆ ٣٢٩ كورسی په‌رله‌مانی عێراق كاندید كردووه، ده‌شڵێت، دوو رۆژی دیكه وردبینیی ناوه‌كانیان ته‌واو ده‌كات و دواتر ده‌نێردرێت بۆ لایه‌نه په‌یوه‌ندیدار.
هەرچەندە هاوین و گەرمایە بەڵام بارانی بەخوڕ و لافاو واز لە پاکستان و هندستان ناهێنێت و بەهۆیانەوە لەماوەى هەفتەیەکدا زیاتر لە ٧٠ کەس گیانیان لەدەستداوە زیاتر لە ١٠٠ کەسى دیکە برینداربوون.
دوای بەرزبوونەوەی بەهای دۆلار بەهۆی هێرشەکانی نێوان ئیسرائیل و ئێرانەوە، ئەمڕۆ دۆلار لە بازاڕەکانی هەرێم نزمترین ئاستی بەرامبەر بە دینار لە ماوەی ئەمساڵدا تۆمارکرد.
بەڕێوەبەری گشتی بازرگانی هەرێم دەڵێت، تا ئێستا نزیكەی لە ٧٠٪ـی هاوڵاتیانی هەرێم پسوڵەی فۆڕمی خۆراكیان پڕكردووەتەوە، دەشڵێت، ئەگەر رێژەكە نەگاتە ٨٥٪، ئەوكات ١٥ رۆژ ماوەی پڕكردنەوەی فۆرمەكە درێژ دەكرێتەوە.