شاسوار عەبدولواحید: هیچم نییە لێی بترسم بۆیە وەک بەرپرسانی هەرێم هەڵنەهاتووم
چای سەوز دەوڵەمەندە بە دژە ئۆكسان و دژی نەخۆشییە درێژخایەنەكانی جەستەیە، وەكو شێرپەنجە و شەكرە و نەخۆشییەكانی دڵ.
سەرۆکی جوڵانەوەی نەوەی نوێ لەسەر هەڵهاتنی بەرپرسانی هەرێم و مانەوەی خۆی لە هەرێمی کوردستان دەڵێت، ئەو هیچی نییە لێی بترسێت و بەرپرسانی هەرێم هەر لە شاخیش رایان دەکرد.
لە رووداوێکی هاتووچۆدا لەسەر رێگای شارەزوور ـ سەیدسادق کەسێک گیانی لەدەستدا و سێ کەسی دیکەش برینداربوون.
سەرۆکی ئەمریکا دەڵێت، سەرۆکی فەڕەنسا هەڵەیە و کۆبوونەوەی گروپی حەوتی بەجێنەهێشتووە تاوەکو بگەڕێتەوە و کار لەسەر ئاگربەستی نێوان ئیسرائیل و ئێران بکات و دەشڵیت، هیوادارن بەرنامە ئەتۆمییەکەی ئێران نەهێڵن.
لە ئێوارەی دوێنێوە شەپۆلێکی چڕی خۆڵبارین بەشێکی ناوچەکانی هەرێمی کوردستانی گرتووەتەوە و کەشناسی عێراقیش دەڵێت، ئەمڕۆش کاریگەری خۆڵبارینەکە بەردەوام دەبێت.
ئێران نزیکەی ٣٠ موشەکی بالیستی ئاراستەی تەلئەبیب کرد و میدیاکانی ئێران دەڵێن، بە درێژایی ئەمڕۆ بە موشەک هێرش دەکرێتە سەر ئیسرائیل.
كۆبوونەوەی نائاسایی پەرلەمانی عێراق ئەمڕۆ بەڕێوەدەچێت، ئامانجی كۆبوونەوەكەش بۆ تاوتوێكردنی هێرشەكانی ئیسرائیلە بۆ سەر ئێران.
جێگری سەرۆکی پەرلەمانی عێراق دەڵێت، هەرچی زووە پێویستە کێشەی مووچە چارەسەر بکرێت چونکە مووچەخۆرانی هەرێم تەواو بێزار و نیگەرانن لەبڕینی مووچەکانیان.
وه‌زیری به‌رگری ئه‌مریكا دەڵێت، واشنتن له‌گه‌ڵ ئێران به‌دوای چاره‌سه‌ری ئاشتیانه‌ی قه‌یرانه‌كاندایه، دەشڵێت، سیاسه‌تی وڵاته‌كه‌ی له ناوچه‌كه به‌رگرییه و هیچ نیازێكی نییه هێرش بكاته سه‌ر تاران.
هەر ئۆنسەیەک زێڕ لە بازاڕەکانی جیهاندا، بە سێ هەزار و ٣٩٣ دۆلار مامەڵەی پێوەدەکرێت و بەراورد بە دوێنێ نرخەکەی نزمبووەوە، نرخی زێڕی عەیارە ٢١یش بە ٦٨١ هەزار دینارە.
دوای دەستپێکردنی هێرشەکانی نێوان ئێران و ئیسرائیل، لە چەند رۆژی رابردوو نرخی نەوت بۆ ٨٪ بەرزبووەوە، ئەمڕۆش بە ٧٣ دۆلار و ٧٨ سەنت مامەڵەی پێوەدەکرێت و بەراورد بە دوێنێ نرخەکەی نزیکەی دوو دۆلار دابەزی.
سەرۆکی ئەمریکا دەڵێت، پێویستە هەموو کەسێک دەستبەجێ تاران جێبهێڵێت و دەشڵێت، پێویستبوو ئێران رێککەوتنی ئەتۆمی واژۆ بکردایە.
سەرۆک وەزیرانی عێراق و میری قەتەڕ پەیوەندییەکی تەلەفۆنییان ئەنجامدا و جەنگی ئێران و ئیسرائیل و پێشێلکردنی سەروەری خاکی عێراقیان تاوتوێکرد.
وەزارەتی ناوخۆی هەرێم راگەیەندراوێك لەبارەی هەوڵەكانی بۆ گەڕاندنەوەی ئەو هاوڵاتیانەی هەرێم كە لە وڵاتانی تر گیریانخواردووە، بڵاودەكاتەوە و داوایان لێدەكات سەردانی نزیكترین نوسینگەی نێردە دیبلۆماسییەكانی توركیا بكەن لەو وڵاتانەی كە تێدا گیریان خواردووە، راستەوخۆ ڤیزای ترانزێتی سێ رۆژیان پێدەدرێت بۆ گەڕانەوە بۆ وڵاتی توركیا، دواتر بە رێگەی ووشكانی بۆ هەرێمی كوردستان.
ئاژانسی فەرمی ئێران دەڵێت، ئێران شەپۆلێکی دیکەی مووشەکی ئاراستەی ئیسرائیل کردەوە.
وەزیری دەرەوەی ئێران دەڵێت، سەرۆکی ئەمریکا دەتوانێت بە یەک پەیوەندی تەلەفۆنیی هێرشەکانی ئیسرائیل بۆسەر ئێران رابگرێت و سەرۆک وەزیرانی ئیسرائیل بێدەنگ بکات.
وەزیری گواستنەوە و گەیاندنی عێراق دەڵێت، وڵاتی قوبرس رەزامەندیی دەربڕیوە لەسەر تێپەڕینی فڕۆکە عێراقییەکان بە ئاسمانی وڵاتەكەیدا، بۆ گواستنەوەی عێراقییەکان لە لوبنان و تورکیا و جۆرجیا بۆ فڕۆکەخانەی نێودەوڵەتیی بەسڕە. دەشڵێت، سبەینێ گەشتەکان دەستپێدەکەن.
سەرۆکی ئەمریکا دەڵێت، ئێران لە ململانێ لەگەڵ ئیسرائیلدا سەرکەوتوو نابێت و پێویستە بگەڕێتەوە سەر مێزی دانوستاندن "پێش ئەوەی کار لە کار بترازێت."
ئاگرێك لە کەمی ئاوارەکان لە هەولێر كەوتووەتەوە و چەند كابینەیەكی نیشتەجێبوونی ئاوارەكان سووتاون و بەپێی زانیارییەکانیش کەسێک بەهۆی ئاگرەکەوە برینداربووە.
وەزارەتی تەندروستی هەرێم دەڵێت، حاڵەتێکی دیکە بە نەخۆشی تای خوێنبەربوون لە هەرێمی کوردستان تۆمارکرا، ئەویش پیاوێکی دانیشتووی شاری سلێمانییە، دەشلێت، لە ئێستادا لەژێر چاودێری پزیشکی لە نەخۆشخانە خەوێندراوە و چارەسەر وەردەگرێت و تا ئێستا باری تەندروستی جێگیرە.
بەگوێرەی زانیارییەکان، تەواوی بەرپرسانی باڵای پارتی و یەکێتی هەرێمی کوردستانیان بەجێ هێشتووە و خۆیان حەشارداوە.
حاجییانی كوردستان، كە بڕیاربوو بە فڕۆكە بگەڕێنەوە، لەڕێگەی وشكانییەوە گەیشتنەوە هەرێمی كوردستان و بڕیاریشە تا ئەمشەو سەرجەم حاجیانی دیكە كە ژمارەیان زیاتر لە هەزار حاجییە، بە رێگەی وشكانی بگەڕێنرێنەوە.
وەزیری دەرەوەی عێراق دەڵێت، پێشێلکردنی ئاسمانی عێراق قبوڵنەکراوە، هۆشداریش دەدات لە قەیرانی وزەی جیهانی لە ئەگەری داخستنی گەرووی هورمز.
بینای رادیۆ و تەلەفزیۆنی فەرمیی سەدا و سیمای ئێران لەلایەن سوپای ئیسرائیلەوە کرایە ئامانج.
رۆژنامەیەکی ئەمریکی دەڵێت، ئیسرائیل چەند مانگێکە بە قاچاخ و بەشێوەى پارچە پارچە فڕۆکەی بێفڕۆکەوانی بۆمبڕێژکراوى گەیاندوەتە ناو ئێران لە رێگەی جانتا و بارهەڵگر و کۆنتێنەرو کەشتیەوە و بەشێکى ئەو کەلوپەلانە وەک کاڵاى بازرگانى مامەڵەی پێوەکراوە و ئەوانەى بارەکانیان گواستووەتەوە ئاگاداری ئەوەنەبوون ئەو بارانە پارچەى درۆنن و دەبرێنە ناو ئەو وڵاتەوە.
نوسینگەکانی زانیاری هاوڵاتییان لەباره‌ى دەرھێنانی کارتی زانیاری ئاگادار دەكەنەوە و جەختیش دەكەنەوە بۆ پارەدانی رسومات بە كاش پارە وەرناگیرێت، بەڵكو پێویستە لەرێگەی کارتی بانكی بێت.
سەرۆک وەزیرانی ئیسرائیل دەڵێت، هێزی ئاسمانی ئیسرائیل ئاسمانی تارانی کۆنترۆڵ کردووە و پێویستە دانیشتوانی تاران چۆڵ بکەن.
وەزارەتی خوێندنی باڵای عێراق ١٠٠ کورسی خوێندنى ماستەر و دکتۆرا لە زانکۆکانى ناوەڕاست و باشوورى عێراق بۆ پێشکەشکارانى هەرێمى کوردستان تەرخاندەکات.
قائیمقامی سلێمانی دەڵێت، رووبەڕووی دۆخێکی نەخوازراو بونەتەوە کە وشکەساڵییە، دەشڵێت، هەموو هەوڵی خۆیان بەکارده‌هێنن بۆئەوەی لە وەرزی هاویندا ئاوی پاک بۆ خواردنەوەو ئاودانی باخ و سەوزاییەکان دابین بکەن.
دادگای فیدراڵی عێراق دەڵێت، بڕگەی هەشتەم لە ماددەی ٣٥ـی یاسای خانەنشینیی یەكگرتوو ژمارە ٩ـی ساڵی ٢٠١٤ نا دەستووریە.