خورشید هەرکی سڵاوی گەیاندە شاسوار عەبدولواحید سەرۆکی جوڵانەوەی نەوەی نوێ
خوێندکارێکی ئامادەیی دوای ١٠ ساڵ پۆلی ١٢ی تێپەڕاند و بە ئێن ئاڕ تی وت،" نەمویست رەنجی دایک و باوکم بە هەدەربچێت و خوێندنەکەم تەواوکرد".
شاندێکی سیاسی و سەربازی رۆژئاوای کوردستان بۆ زامنکردنی مافە دەستوورییەکانی کورد لە سوریا لەگەڵ نێردەی ئەمریکا و فەرەنسا و کاربەدەستانی سوریا کۆبووەوە.
خورشید هەرکی سڵاوی گەیاندە سەرۆکی جوڵانەوەی نەوەێ نوێ و دەڵێت، ئەوان هەمیشە دژی زوڵم و ستەم دەوەستنەوە و هەرکەسێک ستەمکاربێت بە سزای خۆی دەگەیەنن، لە پەیامەکەیدا بۆ شاسوار عەبدولواحید وتیشی، ئەوە ئەو حکومەتەیە کە بە چەکی قورس و زرێپۆش لە هاوڵاتییەکانی خۆی دەدات.
پۆلیسی سلێمانی دەڵێت، کەسێک بە تۆمەتی دزینی مۆبایل، لەلایەن مەفرەزەكانی نوسینگەی نەهێشتنی تاوانی رزگاری دەستگیرکرا، دەشڵێت تۆمەتبار پێشینەی تاوانی هەیە و پێشتر چەندین جار ئەم کارەی دووبارەکردووەتەوە.
پەرلەمانتارێکی فراکسیۆنی نەوەی نوێ بە بنەماڵەى بارزانی و تاڵەبانی دەڵێت، شەرمە بۆتان بەرپرسانی عێراق پێتان دەڵێت، بۆچی مووچەی مووچەخۆران نادەن. دەشڵێت، پارتی و یەکێتی خۆشەویستی نیشتیمان بەخەڵک دەفرۆشنەوە، بەڵام لای ئەوان خۆشەویستی نیشتیمان بریتییە لە بڕینی موچەی خەڵک و دزینی نەوت.
وەزارەتی پلاندانانی عێراق دەڵێت، کۆبوونەوەی وزاری بۆ گفتوگۆکردن لەبارەی کێشەکانی نێوان حکومەتی فیدراڵی و هەرێم بەڕێوەچوو لەبارەی مووچەی هەرێم و تەوتین کردنی و هەناردەکردنەوەی نەوت. دەشڵێت، جەختی لەسەر بەردەوامی گفتوگۆکان دەکەینەوە بە ئامانجی گەیشتن بە چارەسەرکردنی خێرای ئەو بابەتانە.
سەرۆکی پارتی و راوێژکاری ئاسایشی نیشتمانیی عێراق، بیروڕایان لەبارەی پەیوەندییەکانی هەرێم و عێراق و چارەکردنی کێشە و گرفتەکانی نێوان هەردوولا ئاڵۆگۆڕ کرد.
رێکخراوی پاراستنی رۆژنامەنووسان داوای ئازادکردنی تیمەکانی ئێن ئاڕ تی دەکات کە لەلایەن هێزەکانی پارتییەوە دەستگیرکراون.
سەرەڕای ناڕەزایەتی هاوڵاتییان لەسەر گرانی نرخەکەی، کارەبا گرانەکەی حکومەتی ماوەبەسەرچوو لە سلێمانی ١٤١ هەزار هاوبەش کارەبای ٢٤ کاتژمێریان پێگەیشتووە.
پەیامنێری ئێن ئاڕ تی دەڵێت، لە سنووری ئاکرێ لەلایەن ژینگەپارێزانەوە تەرمی منداڵێکی تەمەن پێنج بۆ شەش مانگ لەناو پووش و پەڵاشدا دۆزرایەوە و دواتر رەوانەی نەخۆشخانەی تەندروستی ئاکرێ کرا.
ژمارەیەک فەرمانبەر کە ناویان لە لیستی دامەزراندنی ٥٠٠ کەسەکەی هەڵەبجە بوون گەڕاوەتەوە و فەرمانی دامەزراندنیان لە شارەوانی بۆ دەرکراوە.
سەرۆک کۆماری تورکیا دوای پەیامە ڤیدۆییەکەی رێبەری باڵای پەکەکە دەڵێت، "دەیان ساڵە میللەتی ئێمە چاوەڕێی ئاشتییە و دەبێ پرۆسەکە زوو بەرەوپێش بچێت" و وتەبێژی دەم پارتیش وتی، پەکەکە هه‌نگاوی مێژوویی ناوه و پێویسته هه‌موان گوێ له ئۆجه‌لان بگرن و پێویسته هه‌موو حزبه‌كانی توركیا به‌رپرسیارێتی خۆیان جێبه‌جێ بكه‌ن.
وەزارەتی دادی عێراق ئاماری ئەو کەسانەی بڵاوکردەوە کە لە مانگی حوزەیراندا ئازادکراون و دەڵێت، ژمارەیان زیاتر لە دوو هەزار کەسە.
پۆلیسی دارستانی شارەزوور دوو کەسی بە تۆمەتی ئازاردانی ئاژەڵە کێوییەکان دەستگیرکرد.
دوای دەستگیرکردنی تیمەکانی ئێن ئاڕ تی لەلایەن هێزەکانی پارتییەوە، سەنتەری میترۆ ئیدانەی دەستگیركردنیان دەكات و داوا دەكات دەستبەجێ ئازاد بكرێن، دەشڵێت، هێزە ئەمنییەكان ئاستەنگ بۆ تیمەكانی راگەیاندن دروستدەكەن تا رووماڵەكانیان ئەنجامنەدەن.
لە سنوری پشدەر ئاگر لە کارگەیەکی غاز کەوتەوە و بەهۆیەوە دوو لە کرێکارەکانی کارگەکە سووتان.
هاتووچۆی دهۆک دەڵێت، لە سنووری گوندی بەندا لە پارێزگای دهۆک بارهەڵگرێک وەرگەڕا و شۆفێرەکەی گیانی لەدەستدا، کەسێکیش برینداربوو.
پەیامنێری ئێن ئاڕ تی دەڵێت، شەڕی بەشێک لە عەشیرەتی هەرکی و پارتی لە رێگەی هەولێر ـ گوێر دەستی پێکردووەتەوە و لە ئێستادا عەشیرەتی هەرکی رێگاکەیان لە بەردەم پاڵاوگەی لاناز گرتووە و رێگە نادەن هیچ ئۆتۆمبێلێک لەو رێگایەوە تێپەڕببێت.
قوتابیانی قوتابخانە پیشەییەکانی پۆلی ١٢ گردبوونەوە و دەڵێن، کێشە لە ئەنجامی تاقیکردنەوەکانیاندا هەیە و لە کۆی هەزار قوتابی ٩٠٠ خوێندکاریان تەنها لە وانەی فیزیادا کەوتوون، لە وانەکانی دیکەشدا کێشەیان هەیە و قوتابی تاقیکردنەوەکەی ئەنجامداوە و بە نەهاتوو ناوی نوسراوە.
هاوپەیمانی دەوڵەتی یاسا لەبەر ئەو بارودۆخە ئابوورییە سەختەی کە رووبەڕووی فەرمانبەران دەبێتەوە داوای هەموارکردنەوەی پێوەرەکانی مووچە دەکات بۆ بەدەستهێنانی دادپەروەری کۆمەڵایەتی بۆ فەرمانبەران.
کەشناسی هەرێم دەڵێت، کەشی ئاسمان بە گشتی ساماڵ و پەڵە هەور دەبێت و پلەکانی گەرما کەمێک بەرز دەبێتەوە بەراوورد بە تۆمارکراوەکانی دوێنێ.
نرخی ١٠٠ دۆلار له بازاڕه‌كانی هه‌رێمدا بە ١٤٠ هەزار دینار مامەڵەی پێوەدەکرێت و بەراورد بە دوێنی نرخەکەی بە جێگیری مایەوە.
میدیاکانی سوریا دەڵێن، بەم نزیکانە نێردەی تایبەتی ئەمریکا و سەرۆکی سوریا و فەرماندەی هێزەکانی سوریای دیموکرات کۆدەبنەوە سەبارەت بە جێبەجێکردنی رێککەوتن بۆ یەکخستنەوەی هێزەکانی سوریا.
وەزارەتی کارەبای حکومەتی ماوەبەسەرچوو دەڵێت، ژمارەی بەشداربووان لە پڕۆژەی رووناکی گەیشتوەتە زیاتر لە دوو ملیۆن هاوبەش و دەشڵێت، لە ئێستادا پڕۆژەی رووناکی سەنتەری شاری هەولێر و سلێمانی گرتووەتەوە.
دوای ٢٧ ساڵ رێبەری باڵای پەکەکە پەیامێکی ڤیدیۆیی بڵاوکردەوە و دەڵێت، باوەڕم بە هێزی سیاسەت و ئاشتی کۆمەڵایەتییە نەک چەک، وتیشی لێرەبەدوا كۆتایی بە پەکەکە و خەباتی چەکداری دەهێنین چونکە دان بە هەبوونی گەلی کورددا نراوە.
شەوی رابردوو لە سنووری خەبات، بەشێک لە عەشیرەتی هەرکی دژی پارتی وەستانەوە و شەڕ لە نێوانیاندا دروستبوو، چەندین ئۆتۆمبێل و هەمەری پارتیان تێکشکاند، بەهۆی شەڕەکەشەوە دوو کەس کوژران و ژمارەیەکی دیکەش برینداربوون و تا ئێستاش شەڕ بەردەوامە، هاوکات ستافێکی رۆژنامەوانی ئێن ئاڕ تیش لەلایەن هێزێکی پارتییەوە لە سنووری بەردەڕەش بۆ شوێنێکی نادیار رفێندران.
هەر ئۆنسەیەک زێڕ لە بازاڕەکانی جیهاندا، بە سێ هەزار و ٢٩٤ دۆلار مامەڵەی پێوەدەکرێت، نرخی مسقاڵێک زێڕی عەیارە ٢١یـش بە ٦٥٣ هەزار دینارە.
نرخی بەرمیلێک نەوتی خاوی برێنت بە ٧٠ دۆلار و ٤ سەنت مامەڵەی پێوەدەکرێت و بەراورد بە دوێنێ نرخەکەی نزیکەی دۆلارێک بەرزبووەوە.
پەروەردەی هەرێم، پەڕەی سۆمای هەموو بابەتەكانی تاقیكردنەوە گشتییەكانی پۆلی ١٢ی ئامادەیی بڵاودەكاتەوە كە واژۆ و پەنجەمۆری خوێندكارانی لەسەرە.
كــارتی نیشتیمانی بــۆ ئەو سزادراوانەی نـاو چاكسازیەكـانی هەرێم دەردەهێنرێت كە تاكو ئێستا خــاوەنی ناسنامەی باری شارستانی یاخــود كــارتی نیشتیمانی نین.