چاکسازی گەوران گۆڕانکاری لە کاتی سەردانیکردن دەکات
وەزارەتی گواستنەوەی عێراق دەڵێت، لەدوای گرژی و ئاڵۆزییەکان، لە ئێستادا بارودۆخی ئاسمانی وڵات ئاسایی بووەتەوە و ژمارەی گەشتی فڕۆكەكان زیاتر لە ٧٠٠ گەشتی تێپەڕاندووە لە رۆژێکدا.
سەرۆکی پارتی و سەرۆکی پەرلەمانی عێراق دەڵێن، پێویستە لە چوارچێوەی دەستور و بە رەچاوکردنی بنەماکانی هاوبەشی و هاوسەنگی کێشەکان چارەسەربکرێن و مووچەی هاوڵاتییانی هەرێم تێکەڵ بە ناکۆکییەکانی نێوان لایەنە سیاسیەکان و هەردوو حکومەتی فیدڕاڵ و حکومەتی ماوەبەسەرچوو نەکرێت.
پەیامنێری ئێن ئاڕ تی دەڵێت، بەهۆی پێنەدانی مووچەکانیانەوە، دکتۆران و کارمەندانی نەخۆشخانەی شەهید پێشڕەو لە چەمچەماڵ بایکۆتی دەوامیان کردووە و دەشڵێن، تا مووچەکانیان پێ نەدەن دەوام ناکەن.
چاکسازى گەورانی هەولێر دەڵێت، رۆژانی ســەردانیکردنی سزادراوان لـــە رۆژانی چــــوارشــەمەوە گـــۆڕدراوە بۆ رۆژانی پێـــنجشـــەمە.
پەیامنێری ئێن ئاڕ تی دەڵێت، لەسەر رێگای کنگربان و کارێز لە نزیک سنووری کفری ، رووداوێکی ھاتوچۆ روویدا و بەھۆیەوە پێنج کەس برینداربوون، کە چواریان ئەندامی یەک خێزانن.
دەسەڵاتی فڕۆکەوانی تورکیا قەدەغەی بەکارهێنانی ئاسمانی تورکیای بۆ گەشتەکانی فڕۆکەخانەی سلێمانی تاوەکو ٦ی تشرینی یەکەمی ئەمساڵ درێژکردەوە.
سەرۆکی حکومەتی ماوەبەسەرچوو و سەرۆکی پەرلەمانی عێراق هاوڕابوون لەسەر ئەوەی نابێت بە هیچ شێوەیەک پرسی مووچە، تێکەڵ بە هیچ کێشە و ناکۆکییەکی سیاسی بکرێت و مووچەخۆرانی هەرێمی کوردستان باجی ئەو ناکۆکییانە بدەن و پێویستە لە زووترین کاتدا ئەو کێشەیە چارەسەر بکرێت.
وەزارەتی پەروەردە ئاگادارى سەرجەم قوتابیان و خوێندکارانى پۆلی ۱۲ى ئامادەیی دەکاتەوە رۆژانە لە رێگەی لیکێکەوە پرسیار و وەڵامى تاقیکردنەوە وزاری خولی یەکەم بڵاودەکرێتەوە.
چاوگێک لە حکومەتی ماوەبەسەرچوو بە ئێن ئاڕتی وت، ئەو رەشنوسەی لە نێوان شاندی هەرێم و بەغدا ئامادەکراوە گفتوگۆی لەسەر کراوە و هەرێم داوای کردووە ٥٠ هەزار بەرمیل نەوت رادەستی سۆمۆ بکات و کۆمپانیاکانیش ئامادەن ئەو بڕە هەناردە بکەن، تا بەغدا پارەی مووچە بنێرێت.
میدیاکانی تورکیا دەڵێن، شاندێکی دەم پارتی بۆ دیداری ئۆجەلان سەردانی ئیمراڵی دەکەن و بڕیارە سەبارەت بە پرۆسەی ئاشتی و پرسی چەکدانانی پەکەکە گفتوگۆ بکەن.
وەزارەتی کشتوکاڵی هەرێم دەڵێت، حکومەتی ماوەبەسەرچوو رەزامەندیداوە کە لەلایەن دوو کۆمپانیاوە گەنمی ماوەی جوتیارانی ناوخۆی هەرێم بە چەند مەرجێک وەربگیرێت، بۆ هەر تۆنێک گەنمی پلە یەک ٥٥٠ هەزار دینار و بۆ گەنمی پلە دوو بڕی ٥٢٥ هەزار دینار وەردەگیرێت.
کەشناسی هەرێم دەڵێت، شەپۆلی خۆڵبارین کۆتایی دێت و ناوچەکانى هەرێم جگە لە گەرمیان، لە خوار ٤٠ پلەی سیلیزییەوە دەمێننەوە.
وەزارەتی بەرگری ئەمریکا دەڵێت، لە ساڵی داهاتوودا ١٣٠ ملیۆن دۆلار بۆ هاوکاری هەسەدە و سوپای سوریای ئازاد تەرخان دەکەن، وتیشی، بەردەوام دەبن لە پاڵپشتیکردنی هاوپەیمانەکانیان لە سوریا.
چاوگێکی ئەمنی بە ئێن ئاڕ تی راگەیاند، تەرمی هاوڵاتییەک لە رێگایەکی نێوان ناحیەی بنەسڵاوە و دارەتوو بە کوژراوی دۆزرایەوە.
ئەمڕۆ دوا تاقیکردنەوەی پۆلی ١٢ی ئامادەیی ئەنجامدەدرێت، تیایدا زیاتر لە ١١٥ هەزار قوتابی بەشدارن.
زۆر کەس ئارەزوو دەکەن پسکیت بکەنە ناو چاکانیانەوە، وەک خوویەکی بەیانیان پێش ئەوەی دەست بە ڕۆتینی ڕۆژانەیان بکەن بەڵام پسپۆڕان هۆشداری دەدەن لە مەترسییە تەندروستییە ئەگەرییەکانی ئەم کارە باوە.
هەر ئۆنسەیەک زێڕ لە بازاڕەکانی جیهاندا، بە سێ هەزار و ٣٣٦ دۆلار مامەڵەی پێوەدەکرێت، نرخی مسقاڵێک زێڕی عەیارە ٢١یـش بە ٦٦١ هەزار دینارە.
دوای هەوڵەکانی رێکخراوی ئۆپیک پلەس بۆ زیادکردنی بڕی هەناردەی نەوت نرخەکەی لە بازاڕە جیهانییەکاندا رووی لە دابەزین کردووە، ئەمڕۆ نرخی بەرمیلێک نەوتی خاوی برێنت بە ٦٨ دۆلار و ٣٠ سەنت مامەڵەی پێوەدەکرێت و بەراورد بە دوێنێ کەمتر لە یەک دۆلار دابەزی.
سەرۆک وەزیرانی عێراق دەڵێت، بەردەوامبوون لەسەر بوونیادنانی دامەزراوەكانی دەوڵەت و پاراستنی نەتەوەكان و دامەزراوەكان لە مەترسییەكان.
ملیاردێری جیهانی و بەڕێوەبەری پێشووی ئاژانسی کارایی حکومەتی ئەمریکا دوای پەسەندکردنی پڕۆژە یاسای کەمکردنەوەی باج لە کۆنگرێس پارتێکی نوێی سیاسی بە ناوی پارتی ئەمریکا راگەیاند و دەشڵێت، ئەو پارتە ئازادیتان بۆ دەگەڕێنێتەوە.
بەڕێوەبەرایەتیی گشتیی هاتووچۆی عێراق دەڵێت، هەر دەستکارییەک لە ئۆتۆمبێلەکان یان گۆڕینی شێوە و رەنگیان بکرێت قەدەغەیە و دەشڵێت، ئەوانەشی ئەو کارەبکەن بە بڕی ١٠٠ هەزار دینار سزا دەدرێن و دەبرێنە دادگا.
نێچیرڤان بارزانی لە لێدوانێکیدا لەبارەی کێشەکانی هەرێم و بەغداوە دەڵێت، پێویستە گیانی برایەتی و لێکتێگەیشتن لە نێوان گەلی عێراقدا هەبێت.
سەرۆکی ئەمریکا دەڵێت، کاردانەوەی ئەرێنی حەماس بۆ ئاگربەست لە غەززە کارێکی باشە و دەشڵێت، رەنگە لە چەند رۆژی داهاتوودا رێککەوتن لەبارەی غەززەوە بکرێت.
وەزارەتی بەرگریی عێراق دەڵێت، بەردەوامن لە هەوڵەکانیان بۆ بەرەوپێشبردنی سیستمی بەرگریی ئاسمانیی وڵاتەکە و هیچ کۆسپ و رێگرییەک نییە لەوبارەیەوە.
وتەبێژی تەندروستی زاخۆ دەڵێت، ئەم ئێوارەیە کرێکارێک لە کاتی کارکردن، لەسەر باڵەخانەیەک لە زاخۆ کارەبا گرتی و بەهۆی سەختی برینەکەیەوە گیانی لەدەستدا.
لەسەر مووچەی هەرێم چاوگێکی ئاگادار بە ئاژانسێکی عێراقی وتووە، بەهۆی دروستکردنی ئاستەنگەوە لەلایەن دەسەڵاتدارانی هەرێمی کوردستان، کۆبوونەوەکانی بەغدا و هەولێر بەرەو ئاڵۆزی چووە، دەشڵێت بڕیارە لە کۆبوونەوەی سێشەممەی ئەنجومەنی وەزیرانی عێراقدا بریارێک لەسەر مووچەی هەرێم بدرێت.
سەرۆک کۆماری تورکیا دەڵێت، ئەم هەفتەیە لەگەڵ شاندی دەم پارتی كۆدەبنەوە و دەشڵێت، بەیەکەوە تورکیای بێ تیرۆر بنیاد دەنێن.
لە وەڵامی وەزارەتی ناوخۆی عێراقدا، وەزارەتی ناوخۆی حکومەتی ماوەبەسەرچوو دەڵێت، لە ساڵانی رابردووش كە بە دەیان جار هەرێم بەر پەلاماری درۆن و مووشەكەكان دەكەوت و هیچ کەسێکیش لەسەر ئەو کارە سزا نەدراوە، هەست دەکەن جۆرێك لە پەردەپۆشكردن و خۆدزینەوە لە بەرپرسیارێتی هەیە لەلایەن حکومەتی فیدڕاڵەوە.
هاتووچۆی گەرمیان دەڵێت، لە ناو شاری کەلار و لە ئەنجامی دوو رووداوی هاتووچۆ، دوو کەس برینداربوون و گواسترانەوە بۆ نەخۆشخانە.
وەزارەتی دەرەوەی سوریا لیستی نرخی نوێی ڤیزای بۆ وڵاتەكەی بڵاوكردەوە، نرخی ڤیزا بۆ عێراقییەکان بۆ یەک مانگ ٥٠ دۆلارە.