بارانبارین دەستپێدەکاتەوە
فەرماندەی هێزەکانی سوریای دیموکرات دەڵێت، هێڵی سوری ئەوان چڕكردنەوەی دەسەڵاتە لە دیمەشق و پاراستنی ناسنامەی هەسەدەیە لەناو سوپای سوریا، دەشڵێت توركیا وردە وردە زمانێكی میانڕەوتر لە بەیاننامە فەرمییەكانیدا بەكاردەهێنێت.
بەپێی پێشبینییەکانی کەشناسی، کەشوهەوای ئەمڕۆ ئەگەرى نمە بارانی هەیە لە بەشێک لە ناوچە شاخاوییە سنوورییەکانى پارێزگاى هەولێر و دهۆک.
کۆميسیۆنی عێراق دەڵێت، بۆ هەڵبژاردن پەرلەمانی عێراق كار بە یاسای هەڵبژاردنی ئێستا دەكەن، باسی لەوەشکرد ٧٧ هەزار دەنگدەر داتاكانیان تازەكردووەتەوە.
بەرپرسی کۆمەڵەی خانەنشینانی هەولێر رایگەیاند، بۆ ئەم مانگە شەش هەزار خانەنشین مامەڵەكانیان تەواو بووە، ئەم مانگە لەگەڵ دابەشكردنی مووچەی مانگی چواردا مووچەیان پێ دەدرێت.
ناوەندی بوومەلەرزەزانیی ئەورووپا و دەریای ناوەڕاست رایگەیاند، کەمێک پێش ئێستا بوومەلەرزەیەک بە گوڕی ٦.٤ پلە تاجیکستانی هەژاندووە.
لە دوای زیاتر لە دوو مانگ زیندانیکردنی ئومێد بەرۆشکی، سزایەکی دیکەی بەسەردا سەپێنرا.
سەرۆکی ئەمریکا دوای گفتوگۆکان لەگەڵ ئێران رایگەیاند، گفتوگۆکانیان لەگەڵ ئێران بە ئاراستەیەکی باش بەرێوەدەچێت، هاوکات راوێژکاری سەرۆکی ئێرانیش دەڵێت، بۆچوونەکان ئەرێنی بووە و کار بۆ چارەسەرکردنی کێشەکان دەکەن.
دوای ئەوەی نرخی نەوت لە چەند رۆژی رابردوودا بە شێوەیەکی بەرچاو رووی لە دابەزین کردبوو، ئەمڕۆ نرخی نەوت لە بازاڕەکانی جیهاندا بە ٦٤ دۆلار و ٧٦ سەنت مامەڵەی پێوەکرا کە بەراورد بە دوێنێ لە جێگیریدایە.
دوای ئەوەی شاندێکی بزوتنەوەی حەماس بەرەو قاهیرە بەرەو قاهیرە رۆیشت بۆ گفتوگۆکردن لەسەر ئاگربەست، بزوتنەوەکە مەرجەکانی خۆی راگەیاند و دەڵێت، بە مەرجی ئاگربەست، بارمتەکانی ئیسرائیل لە كەرتی غەززە ئازاد دەكەن و رۆژێک دواکەوتن واتای چارەنووسێکی نادیارە بۆ بارمتەکان.
وەزیری دەرەوەی روسیا لە کۆڕبەندی دیبلۆماتی ئەنتاڵیا ستایشی سەرۆکی ئەمەریکا دەکات و دەڵێت، تاکە سەرکردەیە لە رۆژئاوا کە کێشەی نێوان روسیا و ئۆکرانیای دەستنیشان کردووە و چارەسەرەکەشی خستووەتە ڕوو.
دەزگای ئاسایشی هەرێم رایگەیاند، بەڕێوەبەرایەتی گشتی ئۆپراسیۆنەکانی ئاسایش بەهەماهەنگی هێزەكانی هاوپەیمانان، پێشمەرگە و كۆماندۆ ئۆپراسیۆنێکیان لە ناوچەی زینانە و دەوروبەری ئەنجامدا بە کێوماڵکردنی سنورەکە و خاپوورکردنی مۆڵگەکانی گروپی تیرۆریستی داعش.
بەمەبەستی جێبەجێكردنی رێككەوتنەكەی نێوان مەزڵوم عەبدی و ئەحمەد شەرع و پاراستنی بەنداوی تشرین لە هێرشە سەربازییەکان، سەرۆكی لیژنەی راسپێردراوی حكومەتی نوێی سوریا سەردانی فەرماندەی گشتی هێزەكانی سوریای دیموكراتی كرد.
لەدوای كۆتایی هاتنی دانوستانەكانی نێوان واشنتن و تاران لە مەسقەتی پایتەختی عوممان، بەهای تمەن گۆڕانکاری بەسەردا هات و بەهاکەی بەرامبەر دۆلار ٦٠٠ هەزار تمەن بەرزبووەتەوە.
کۆشکی سپی راگەیێندراوێکی لەبارەی گفتوگۆی نێوان ئەمریکا و ئێران بڵاوکردەوە و دەڵێت، "گفتوگۆکان لەگەڵ ئێران ئەرێنی و بنیاتنەر بوون".
وەزارەتی ژینگەی عێراق رایگەیاند، پلان و ستراتیژی بۆ بەرەنگاربوونەوەی بیابانبوون و زریانی خۆڵ داڕشتووە و لە ٥٠٪ بۆ ٦٠٪ـی زریانی خۆڵبارین لە دەرەوەی وڵاتەوە سەرچاوە دەگرێت و خۆڵبارینیش لەمساڵدا توند نابێت ئەگەر لە مانگەكانی كۆتایی بەهار باران ببارێت.
لەدوای كۆتایی هاتنی دانوستانەكان لە مەسقەتی پایتەختی عوممان نێردەی سەرۆکی ئەمریکا بۆ رۆژهەڵاتی ناوەڕاست رایگەیاند، دانوستانەکانیان لەگەڵ وەزیری دەرەوەی ئێران ئەرێنی و بنیاتنەر بوون.
دوای ئەوەی سەرۆکی ئەمریکا، باجی بە رێژەی ١٤٥٪ خستە سەر تەواوی كاڵا چینییەكان، لە بڕیارێكی نوێدا كۆمپیوتەر و مۆبایل لەو باجە دەبەخشرێن.
ئەندامێکی شاندی دانوستانکاری یەکێتی بە میدیای حزبەکەی وت، لە ماوەیەکی نزیکدا لەگەڵ پارتی کۆدەبنەوە و وتیشی، کۆبوونەوەی ئەمجارەیان سەبارەت بە دابەشکردنی ئەرکەکان دەبێت.
بەرنامەی نامە ناردنی واتسئەپ لە عێراق تووشی کێشەیەکی تەکنیکی بووە.
سەرۆک وەزیرانی عێراق لەگەڵ سەرۆکی حکومەتی کاربەڕێکەری هەرێم کۆبوونەوە و جەختیان لە گرنگیی پەرەپێدانی هەماهەنگیی بۆ رووبەڕووبوونەوەی ئاڵنگارییەکان کرد.
وەزارەتی دەرەوەی ئێران رایگەیاند، گفتوگۆی ناراستەوخۆی نێوان ئەمریکا و ئێران کۆتایی هات و هەفتەی داهاتوو دەست بە گفتوگۆ دەكەنەوە. میدیاکانی ئێرانیش دەڵێن، وەزیری دەرەوەی ئێران و نێردەی تایبەتی ئەمەریکا له كاتی به‌جێهێشتنی شوێنی دانوستانه‌كان گفتوگۆیه‌كی كورتیان كردووه.
سەرۆک وەزیرانی عێراق کۆتایی بە سەردانەکەی بۆ هەرێم هێنا و گەڕایەوە بەغدا.
وەزیری پیشەسازی عێراق، دانی بە سەختی کێبڕکێی بەرهەمە ناوخۆییەکان نا لەگەڵ کاڵا هاوردەکراوەکانی وڵاتانی دراوسێ بەتایبەت چین، بەهۆی کەمی تێچووی بەرهەمهێنان لەوێ و گرانی تێچووی بەرهەمهێنان لە عێراق.
سەرۆک وەزیرانی عێراق، داوای لە هێزە سیاسیەکانی کوردستان کرد پەلە بکەن لە پێکهێنانی کابینەی نوێی حکومەتی هەرێمی کوردستان.
موقتەدا سەدر داوا لە لایەنگرانی دەکات لە سەرجەم پارێزگاکانی عێراق کارتی بایۆمەتری دەنگیاندانیان نوێ بکەنەوە.
وەزارەتی دەرەوەی ئێران دەستپێکردنی دانوستانی ناڕاستەوخۆی نێوان تاران و واشنتۆنی لە مەسقەت راگەیاند.
وەزارەتی پەروەردەی هەرێم رایگەیاند، پێویستە رۆژی دووشەممە لە سەرجەم ناوەندە حکومی و ناحکومییەکانی خوێندن رێز لە قوربانییانی ئەنفال بگیرێت.
بەپێی خەمڵاندنەکانی کۆمیساریای باڵای پەنابەرانی نەتەوە یەکگرتووەکان، لە دوای رووخانی رژێمی ئەسەد لە ٨ی کانوونی دووەمی ٢٠٢٤، نزیکەی ٤٠٠ هەزار سووری لە وڵاتانی دراوسێ گەڕاونەتەوە و هەر لەو ماوەیەدا زیاتر لە یەک ملیۆن ئاوارە ناوخۆییەکان گەڕاونەتەوە سوریا.
وەفدێکی پەرلەمانی بەریتانیا سەردانی سەرۆکی جوڵانەوەی نەوەی نوێیان کرد لە سلێمانی و باسی دۆخی هەرێم و عێراق و دۆخی سیاسی ناوچەکەیان کرد.
بەڕێوەبەرایەتیی کەرتی دانەوێڵە، پەلەوەری و بەرهەمەکانی تورکیا رایگەیاند، لە چارەکی یەکەمی ساڵی ٢٠٢٥ـدا، عێراق لە ریزبەندیی یەکەمدایە لە رووی هاوردەکردنی دانەوێڵە لە تورکیاوە.