سبەی لە عێراق دەست بەدابەشکردنی مووچە دەکرێت؛ مووچەی هەرێم کەی دەگات؟
ئەمینداری گشتی یەکگرتوو دەڵێت، بارودۆخی ناوچەکە واناخوازێت پێکهێنانی حکومەت بەم شێوەیە دوا بکەوێت.
ناوەندی ستراتیژی بۆ مافەکانی مرۆڤ لە عێراق دەڵێت، لە هەڵبژاردنی داهاتووی پەرلەمانی عێراق نۆ ملیۆن هاوڵاتیی لە دەنگدان بێبەشدەبن.
کەمێک پێش ئێستا گەشتیارێکی عەرەب لە بەنداوی ئاقوبان لە سنووری شەقڵاوە خنکا. وتەبێژی بەرگری شارستانی هەولێریش بە ئێن ئاڕ تی راگەیاند، بە کەمتر لە دوو کاتژمێر لە لايەن تيمی ژێر ئاوی قەنديل تەرمەکەی دۆزرایەوە.
چاوەروان دەکرێت سبەىنێ بەغدا دەست بە دابەشکردنى مووچەی مووچەخۆرانی بکات، بەڵام تا ئێستا حکومەتى کاربەڕێکەر لیستى مووچەى رادەستی بەغدا نەکردووە.
وەزارەتی تەندروستی عێراق دەڵێت، لەمساڵدا ١٤ حاڵەتی تای خوێنبەربوون تۆمارکراون و بۆ رێگریکرن لە زیاتر بڵاو بوونەوەشی رێکاریان گرتووەتەوەبەر، هەرێمیش رایگەیاند، تا ئێستا هیچ حاڵەتیک تۆمار نەکراوە.
وەزیری دەرەوەی ئێران ڕایگەیاند، ئەمڕۆ نزیکەی چوار کاتژمێر دانوستانی ناڕاستەوخۆیان لەگەڵ ئەمریكا هەبووە و کۆبوونەوەیەکی باش و پێشکەوتوو بوو كە توانیویانە بگەنە لێكتێگەیشتنی باشتر لەسەر بارەی كۆمەڵێك ئامانجەوە، دەشڵێت، 'چوارشەممە تیمە تەنكنیكیەكان لە عوممان جارێكی دیكە كۆدەبنەوە و رۆژی شەممەی داهاتوش گەڕی سێیەمی دانوستانەكان بەڕێوەدەچێت و ئێمە نە گەشبینین بەم دانوستانە و نە ڕەشبینیشین.
وەزیری بەرگری عێراق لە میانەی بەشداری كردن لە ١٣ـەمین پێشانگای ئاسایش و بەرگری و پیشەسازی سەربازی و ئاسایشی ئەلیكترۆنی رایگەیاند، هەوڵەكان بەردەوامن بۆ بەرزكردنەوەی ئامادەیی ئەمنی بۆ دەستەبەركردنی ئاسایشی نیشتمانی .
قوباد تاڵەبانی دەڵێت، گفتوگۆکانی پێکهێنانی کابینەى نوێی حکومەت بە ئاراستەیەکی باشدا دەڕۆن و وتیشی، نیەتی باش هەیە بۆ رێککەوتن لەسەر پێکهێنانی حکومەتێکی کارا.
بەبۆنەی هاتنی جەژنی هەستناوەی کریستیانەکانەوە روسیا بڕیاریدا بۆ ماوەیەکی کاتی ئاگربەست لە رۆژهەڵاتی ئۆکرانیا رابگەیەنێت.
لەبارەی دەنگۆی پشووی قوتابخانەکان وەزارەتی پەروەردەی هەرێم رایگەیاند، پشووەکە تەنها بۆ خوێندنی سریانییەکانە.
گەڕی دووەمی دانوستانی ئێران و ئەمریكا لە رۆمای پایتەختی ئیتالیا بەنێوەندگیریی وڵاتی عومان کۆتاییهات. میدیاکانی ئێران دەڵێن، ئەرێنی بووە و ئاژانسەکانیش وتیان، ئەنجامێکی ئەوتۆی نەبووە.
سەرۆک وەزیرانی عێراق رایگەیاند، هەڵاوسان لە عێراق دابەزینی بەخۆیەوە بینیوە، وەبەرهێنانی بیانی فراوانتر بووە و هەروەها ئاسایشی خۆراکیش بەدیهاتووە. دهشڵێت، عێراق پهره به پیشەسازییە سەربازییەکانی خۆی دەدات.
میدیا جیهانییەکان بڵاویان کردەوە، لە وڵاتی کۆنگۆی دیموکرات کەشتیەکی گەشتیاری سووتا و بەهۆیەوە ١٥٠ کەس گیانیان لەدەستدا و چەندین کەسیش بێسەروشوێن بوون.
منداڵە یەکەمەکان زیرەکترینن بەهۆی ئەو هاندانی دەروونییەی کە پێش هاتنی خوشک و برایەکی دیکەیان پێدەبەخشرێت.
ئەندامێکی لیژنەی نەوت و غاز لە پەرلەمانی عێراق رایگەیاند، رۆژانە نزیکەی ١٨٠هەزار بەرمیل نەوتی خاو لە هەرێمی کوردستانەوە بە قاچاخ دەبرێت و وتیشی، ساڵانە داهاتی نەوتی قاچاخی هەرێم بە نزیکەی چوار ملیار دۆلاری دەخەمڵێنرێت.
چاوگێک لە حکومەتی کاربەڕێکەر بە ئێن ئاڕ تی وت، لیستی مووچەی مانگی چوار ئامادەیە و سبەینێ لەگەڵ دەستپێکردنەوەی دەوام رادەستی بەغدا دەکرێت.
وتەبێژی وەزارەتی دەرەوەی ئێران لەگەڵ ویلایەتە یەكگرتووەكانی ئەمریكا رایانگەیاند، ئاشتیی بەردەوام لە دیالۆگی راستگۆیانە لە نێوان گەلان لە دایک دەبێت، نەک سەپاندنی هێز.
حوسییەکان رۆژی رابردوو فڕۆکەیەکی بێفڕۆکەوانی ئەمریکییان لە یەمەن خستەخوارەوە، ئەوەش شەشەمین فڕۆکەی بێفڕۆکەوانیە لە جۆری (MQ-9 Reaper) کە لەلایەن حوسییەکانەوە بخرێتە خوارەوە.
کەشناسی رایگەیاند، بەپێی پێشبینییەکان شەپۆلی سەرما کۆتاییهاتووە و پلەکانی گەرما دەستدەکەن بە بەرزبوونەوە، باسی لەوەشکردووە، لە سبەینێوە شەپۆلێکی خۆڵبارین عێراق و بەشێکی ناوچەکانی هەرێمی کوردستان دەگرێتەوە.
بەهای دۆلار بەرامبەر دینار دابەزی و ئەمڕۆ لە بازاڕەکانی هەرێم ١٠٠ دۆلار بە کەمتر لە ١٤٨ هەزار دینار مامەڵەی پێوەکرا.
کەشناسی هەرێم رایگەیاند، ئەمڕۆ ئاسمان ساماڵ دەبێت و پلەکانی گەرماش تا ٣ پلەی سیلیزی بەرز دەبنەوە لەگەڵ بوونی بایەکی بەهێز بەتایبەت لە رۆژهەڵات و باکور.
میدیاکانی ئەمریکا بڵاویانکردەوە، ئۆکرانیا بە رێژەی ٩٠٪ رازیبووە بە پێشنیارەکەی ترەمپ بۆ ئاشتی.
ئەمڕۆ دووەم خولی دانوستانەکانی ئەمریکا و ئێران سەبارەت بە بەرنامە ئەتۆمییەکەی تاران دەستپێدەكەنەوە، ئەوەش دوای هەفتەیەک لە خولی یەکەم، کە هەردوولا بە دانوستانێكی بونیادنەر وەسفیان کرد.
بڕیاربوو ئەمڕۆ کۆمپانیا نەوتییەکان و هەرێم و بەغدا کۆببنەوە بەپێی زانیارییەکانی ئێن ئاڕ تی کۆبوونەوەکە دواخرا، هەروەها ئەوەشی زانیبوو کە کۆبوونەوەکە بە فشاری ئەمریکا ئەنجام دەدرا
نرخی زێڕ چەند رۆژێکە لە بازاڕەکانی جیهاندا بەرزبووەتەوە و ئۆسنەیەک لەو کانزا زەردە بە سێ هەزار و ٣٢٧ دۆلار مامەڵەی پێوەدەکرێت و بەراورد بە دوێنێ نرخەکەی لە جێگیریدایە.
دوای ئەوەی نرخی نەوت لە ماوەی رابردوودا بە شێوەیەکی بەرچاو رووی لە دابەزین کردبوو، ئەمڕۆ نرخی نەوت لە بازاڕەکانی جیهاندا بە ٦٧ دۆلار و ٩٦ سەنت مامەڵەی پێوەکرا کە بەراورد بە دوێنێ لە جێگیریدایە.
پسپۆڕانی بواری خۆراک سوودە سەرسوڕهێنەرە تەندروستییەکانی ئایسکرێمیان ئاشکراکردووە، بەتایبەتی کاتێک بەراورد دەکرێت بە شیرینیەکانی تر کە بێ بەشن لە ماددە خۆراکییەکان.
ئەندامێکى لیژنەى دارایی پەرلەمانى عێراق دڵنیایی دەدات، ئەگەر خشتەى بودجەش نەنێردرێت حکومەت دەتوانێت یاسای بودجەى سێ ساڵە جێبەجێبکات و پێشبینیش دەکات، لە ماوەی دوو مانگی داهاتوودا سەرەی مووچە و پلەبەرزکردنەوەی فەرمانبەران دەستپێبکاتەوە.
وتەبێژی بەرگری شارستانی سۆران بە ئێن ئاڕ تی راگەیاند، لە گەڕەکی ئیسقەڵا لە سۆران ئاگر کەوتۆتەوە و بەهۆیەوە چوار کەس بریندار بوون.
ئۆکرانیا سزای بەسەر سێ کۆمپانیای چینیدا سەپاند، ئەوەش دوای رۆژێک لە وتەكانی سەرۆکی ئۆكرانیا كە چینی بە دابینکردنی چەک بۆ رووسیا تۆمەتبار کرد.