بە ڤیدیۆ؛ ئۆتۆمبێلێک لە ناو تونێلی پێشڕەو ئاگری گرت
بەرپرسی دەستەی کارگێڕیی مەکتەبی سیاسیی پارتی رەتیدەکاتەوە تاوەکو ئێستا هیچ رێککەوتنێک لە نێوان پارتی و یەکێتی هەبێت بۆ پرسی سەرۆک کۆماری عێراق.
لە ساڵنامەی کۆچیدا شەوی بەرات، دەكەوێتە ١٥ـەمین رۆژی مانگی شەعبان، واتە ١٥ رۆژ پێش مانگی رەمەزان، لە نوێژی شێوان دەست پێدەكات و بە نوێژی بەیانی رۆژی دواتر كۆتایی دێت، بەو پێیەش بێت شەوی بەراتی ئەمساڵ دەکەوێتە شەوی دوو لەسەر سێی مانگی شوبات واتە شەوی دوو شەممە لەسەر سێ شەممەی داهاتوو.
سەرۆک وەزیرانی عێراق لە کۆبوونەوەیەکدا لەگەڵ باڵیۆزی ئیتاڵیا لە عێراق، پابەندبوونی عێراقی بۆ هەوڵەكانی سەقامگیری و رێگریكردن لە فراوانبوونی ململانێكان دووپاتکردەوە.
مەسعود بارزانی رایگەیاند، "داوا لە حکومەتی سووریا و هەسەدە دەکەم پابەندی ئاگربەست بن و پشت بە دیالۆگ ببەستن". دەشڵێت، "پێویستە کۆمەڵگەی نێودەوڵەتی بەرپرسیارێتی خۆی جێبەجێ بکات".
ئاژانسی رۆیتەرز دەڵێت، پڕۆسەی گواستنەوەی چەکدارانی زیندانیکراوی داعش لە سوریاوە بۆ عێراق خاوبووەتەوە، ئەوەش بەهۆی ئەوەی عێراق داوای کاتی زیاتری کردووە بۆ وەرگرتنەوەی چەکدارەکان.
خوێندکارانی پۆلی ١٢ـی زانستی لە دژی بڕیارێکی وەزارەتی پەروەردە گردبوونەوە و دەڵێن، داواکارن وەک ساڵانی رابردوو هەژمارکردنی کۆنمرەی وانەی کوردی و عەرەبی ئارەزوومەندانە بێت، پەرلەمانتارێکی نەوەی نوێش دەڵێت، "وەک فراکسیۆنی نەوەی نوێ پشتگیری تەواوی خوێندکاران دەکەین و لەگەڵ ئەوەدانین هیچ بڕیارێک بدرێت کە لە بەرژەوەندی خوێندکاراندا نەبێت".
دوای بڕیارەكەی حكومەتی عێراق بۆ ناردنی نزیكەی ٥٠ ملیۆن لیتر نەوت بۆ هاوڵاتیانی هەرێم، لە هەولێر و دهۆك دابەشكردن دەستیپێكرد و بڕیارە سبەینێش نەوتە ١٠٠ لیترییەكە لە شاری سلێمانی دابەشبكرێت بەنرخی ٣١ هەزار دینار.
دەنگی تەقینەوەیەکی بەهێز لە شاری بەندەر عەباس بیسترا و میدیاکانی ئێرانیش دەڵێن، لەناو باڵەخانەیەکدا روویداوە و لێکۆڵینەوە لە رووداوەکە دەستیپێکردووە.
سەرۆکی هاوپەیمانی دەوڵەتی یاسا رایگهیاند، "دەست لەو مافە هەڵناگرین كە گەلی عێراق دەیانەوێت متمانە بەو كەسانە بكەن پێیان وایە دەتوانن سەركردایەتی عێراق بكەن".
بەڕێوەبەرایەتیی نەخۆشخانەی ژنان و لەدایکبوونی هەولێر، ئامار و ژمارەی لەدایکبوونی ساڵی رابردووی بڵاوکردەوە و بەپێی ئامارەکان، زیاتر لە ١٦ هەزار حاڵەتی لەدایکبوونی سروشتی و نەشتەرگەری تۆمار کراوە.
دوای ئەوەی لە میدیاکانەوە بڵاوکرایەوە کە نوری مالیکی، لە کاندیدبوون بۆ سەرۆک وەزیران کشاوەتەوە، چاوگێک بە ئێن ئاڕ تی وت، ئەو هەواڵانە دوورە لە راستییەوە.
زێڕ و زیو هاڕەیان کرد و لە ماوەی دوو رۆژی رابردوودا، هەر مسقاڵێک زێڕ زیاتر لە ١١٠ هەزار دیناری لێبووەتەوە، نرخی هەر کیلۆیەک زیویش زیاتر لە هەزار دۆلار دابەزیوە.
لە گوندى خەتێى خۆشناوەتى، نۆ ئەندامی ئەندامى خێزانێک بە هۆکارێکى نادیار رەوانەى نەخۆشخانەکراون و کەسێکیان گیانى لەدەستداوە.
کەشناسی هەرێم دەڵێت، ئهمڕۆ ئاسمان هەوری تەواو دەبێت لە زۆربەی کاتەکانیشدا لە سنووری دهۆک و ناوچەکانی باکووری هەرێم نمەباران دەبێت، سبهینێش ئاسمان هەوری باراناوی دەبێت نمەباران و بارانی مامناوەند لە زۆربەی ناوچەکاندا دەبێت.
فەرمانگەی راگەیاندنی پەرلەمانی عێراق، بەرنامەی کاری کۆبوونەوەی ژمارە (٧)ـی بۆ رۆژی یەکشەممەی داهاتوو بڵاو کردەوە، بە پێی کارنامەکە، بڕیارە لەم کۆبوونەوەکەدا پرۆسەی هەڵبژاردنی سەرۆک کۆمار بەڕێوەبچێت.
تەرمی شەهید ئەحمەد هێمن لە رۆژئاوای کوردستانەوە گەڕێندرایەوە شاری کەرکوک و لە دوایین مەنزڵگەی خۆی لە گۆڕستانی رەحیماوا بەخاک سپێردرا.
فهرماندهى گشتیى هێزهكانى سوریاى دیموكرات (ههسهده) زانیاریى گرنگ لهبارهى رێكهوتنى نوێیان لهگهڵ حكومهتى سوریا ئاشكرادهكات و دەڵێت، "بهگوێرهى رێککەوتنەکە، پێویستە هێزەکانی سوپای عەرەبیی سوریی، لەدەوروبەری کۆبانێ و حەسەکە بکشێنەوە"، دهشڵێت، "ئهمریكا و فهرهنسا بهشداربوون لهكۆبوونهوهكان و بهرپرسیارێتى جێبهجێكردنى ئهم ڕێكهوتنەش لهئهستۆى ئهواندایه".
جێگری پێشوی سەرۆکی پەرلەمانی عێراق دەڵێت، بەهۆی رووداوە خوێناوییەکانی ئەم دواییانەی سوریا و هێرشی گروپە چەکدارەکان بۆ سەر رۆژئاوا، بەهەستکردن بە بەرپرسیارێتی بانگەوازێک کە بە زمانەکانی عەرەبی و ئینگلیزی و کوردی نوسراوە، ئاراستەی کۆمەڵگەی نێودەوڵەتی دەکەن، کە واژۆی ٢٠٥ پەرلەمانتاری ئێستا و پێشووی عێراقی لەسەرە.
ئاژانسی سانا لە زاری چاوگێک لە حکومەتی کاتی دیمەسق بڵاویکردەوە، وەزارەتی ناوخۆی سوریا، مەروان عەلی وەک فەرماندەی نوێی ئاسایشی ناوخۆ لە پارێزگای حەسەکە دەستنیشان کرد.
وتەبێژی بەرگری شارستانی سۆران بە ئێن ئاڕ تی راگەیاند، کەمێک پێش ئێستا هاوڵاتیەک بەهۆی کەوتنەخوارەوەی ئەسانسۆرێک گیانیلەدەستدا.
هاتووچی سۆران دەڵێت، لە رێگای سۆران- خەلیفان نزیک گەلیی عەلی بەگ، رووداوێکی سەختی هاتووچۆ رووویدا و کەسێک گیانیلەدەستدا و شەش کەس برینداربوون.
مەسرور بارزانی دەڵێت، هیوادارین رێککەوتنی نێوان هەسەدە و سوریا ببێتە مایەی ئاشتی و ئازادی زیاتر و سەقامگیری و پێشکەوتن بو هەموو سوریا و بە تایبەتی ناوچە کوردییەکان.
خۆپیشاندان لە زۆربەی شار و شارۆچکەکانی کوردستان بۆ پشتگیریکردنی کورد لە رۆژئاوای کوردستان بەڕێوەچوو و هاوڵاتیانیش دەڵێن، خۆپیشاندان و پشتگیریەکان کاریگەری ئەرێنی لەسەر هەڵوێستی وڵاتان هەبووە لەبارەی رۆژئاواوە.
کەشناسی دەڵێت، ئەمڕۆ ئاسمان بە گشتی هەور دەبێت دوانیوەڕۆ نمە باران و بارانی مامناوەند بە پچڕپچڕی لە زۆربەی ناوچەکان دەبارێت، هەروەها لە ناوچە سنووریەکان بەفر بارین دەبێت، لە شەودا کاریگەری دابارین لە زۆربەی ناوچەکان لاواز دەبێت و بارانبارین تەنها لە ناوچە شاخاویەکان و ناوچە سنوریەکان بەردەوامی دەبێت.
بەرپرسی پەیوەندییەکانی دەرەوەی بەڕێوەبەرایەتیی خۆسەر لە پەیامێکدا وتی، سوپاسی ئەمریکا و فەرەنسا دەکەن بۆ نێوەندگیریی لە رێککەوتنی نێوان هەسەدە و حکومەتی سوریا و ئامانجی سەرەکییان گەڕانەوەی ئاوارەکانە.
هاتووچۆی سلێمانی دەڵێت، بەهۆی نزمبوونەوەی پلەی گەرما و دروستبوونی تەمێکی زۆر لە شاری سلێمانی و دەورووبەری، داوا لە شۆفێران دەکەن پابەندی یاسا و رێنماییەکانی هاتووچۆبن.
نێردەى ترەمپ بۆ کاروبارى سوریا، لە پەیامێکدا رێککەوتنی نێوان حکومەتی سوریا و هەسەدەی بە وەرچەرخانێکی مێژوویی و قووڵ وەسف کرد لە کاروانی ئاشتی و یەکپارچەیی سوریادا.
هەسەدە دەقی رێککەوتنەکەی نێوانیانی لەگەڵ حکومەتی سوریا بڵاوکردەوە و بەپێی رێککەوتنەکە هیزکان یەکدەخرێن و لەوناوچانەی بەریەککەوتن هەیە دەکشێنەوە.
هەسەدە دەڵێت، ئێوارەی دوێنێ هێزەکانیان ئۆپەراسیۆنێکی داعشیان تێکشکاند کە هێرشیان کردبووە سەر گەڕەکەکانی غوێران و نەشوە.
نێردەی تایبەتی ئەمەریکا لە عێراق دەڵێت، دەنگۆی دوورخستنەوەی لە پۆستەكەی وەك نێردەی تایبەتی ئەمریكا بۆ عێراق دوورە لەراستییەوە.