سروە عەبدولواحید: جگە لە پارتی ٢٠٠ پەرلەمانتاری سەرجەم فراکسیۆنەکانی پەرلەمانی عێراق واژۆیان کۆکردووەتەوە بۆ هەڵبژاردنی سەرۆککۆمار
سەرۆکی فراکسیۆنی نەوەی نوێ رایگەیاند، ٢٠٠ پەرلەمانتار واژۆی کۆکردووتەوە بۆ دانیشتنی هەڵبژاردنی سەرۆک کۆمار جگە لە پارتی کە واژۆیان نەکردووە و نایانەوێت دانیشتن بکرێت.
سەرۆکی ئەنجومەنی باڵای دادوەریی عێراقدەڵێت، هەوڵی هەندێک لە گرووپە چەکدارەکان بۆ بڕیاردانی تاکلایەنە لە پرسی جەنگ و ئاشتی دا، هەڕەشەیەکی مەترسیدارە بۆ سەر سەروەریی دەوڵەت و دەشڵێت، ئەنجامدانی چالاکیی جەنگی لەلایەن ئەم گرووپانەوە پێشێلکردنی دەستوورە.
لە چەند رۆژی رابردوودا شەپۆلێکی باران بارینی چڕ سەرجەم پارێزگا و ناوچەکانی هەرێمی کوردستانی گرتووەتەوە، بەوهۆیەوە کەشناسی هەرێم بڕی باران بارینی لە ٢٤ کاتژمێردا بڵاوکردەوە و زۆرترین بڕ لە دهۆک باریوە کە ٤٨.٥ ملمە.
وەزیری خوێندنی باڵا دەڵێت، ماوەى مانەوەى خوێندکاران و قوتابیانى هەرێم کە لە زانکۆکانى ئێران دەخوێنن بۆ ١٥ـی نیسانی ٢٠٢٦، درێژکرایەوە.
جارێکی دیکە بە درۆن هێرشکرایەوە سەر هەرێم و لە هەولێر درۆنێک لە ناوچەیەکی نیشتەجێبوون کەوتە خوارەوە و لە سلێمانیش لەدوای کاتژمێر دوو ٣٠ خولەکی بەرەبەیانەوە دوو درۆن ئاڕاستەی شارەکە کراون و تێکشکێندراون.
ناوەندى هەماهەنگیى قەیرانەکانى هەرێم دەڵێت، بەهۆی لافاوەوە چەندین پڕۆژە زیانیان بەرکەوتووە و لە سۆران منداڵێک گیانی لەدەستداوە.
وەزارەتی کارەبا رایگەیاند، هەناردەی غاز بۆ وێستگەکانی بەرهەمهێنانی کارەبا کەم بووەوە.
وەزارەتی نەوتی عێراق پلانی ستراتیژی بۆ هەناردەکردنی نەوت لە ڕێگەی سوریا و تورکیاوە و رایگەیاند، ئامادەکارییان بۆ جێبەجێکردنی پڕۆژەیەکی نوێی گواستنەوەی نەوت بەرەو بەندەری بانیاسی سووری دەستپێکرد و هەوڵدەدەنهەناردەکردن لە ڕێگەی بەندەری جەیهانی تورکیاوە بۆ نزیکەی ٦٥٠ هەزار بەرمیل لە رۆژێکدا زیادبکەن.
پەیامنێری ئێن ئاڕ تی رایگەیاند، هێرشکرایە سەر فەوجی دووی، لیوای ٦١ـی حەشدی شەعبی لە ناو شاری دوبز و زیانی گیانی نەبووە.
بەرگری شارستانی هەولێر کۆمەڵێک رێنمایی بڵاوکردەوە بۆ هاوڵاتییان لە کاتی درووستبوونی لافاودا.
قائیمقامیەتی کەلار هۆشداری دەداتە هاولاتیان و رایگەیاند، پێشبینی شەپۆلێکی بەهێزی بارانبارین دەکرێت و داوا لە هاولاتییان دەکەن بۆ کاری زۆر پێویست نەبێت لە ماڵەوە نەچنە دەرەوە.
وتەبێژی دەم پارتی دەڵێت، سبەی شاندی ئیمراڵی دەمپارتی سەردانی زیدانی ئیمڕاڵیدەکات و چاوی بە عەبدوڵا ئۆجالان دەکەوێت، دەشڵێت، هەمووارکردنی یاساکانی تورکیا دواخراوە بۆ مانگەکانی حوزەیران و تەموز.
هاتووچۆی سۆران رایگەیاند، رووداوێکی هاتووچۆ لە جۆری وەرگەڕان لەرێگای هامڵتۆن نزیک گوندی بەرزێوە روویداوە و بەهۆیەوە منداڵێکی تەمەن شەش ساڵان گیانی لەدەستداوە.
ئاژانسی هەواڵی تەسنیم رایگەیاند، ئێران شەوی رابردوو بە فەرمی وەڵامی خۆی بۆ پێشنیاری ١٥ خاڵیی ئەمریکا لە رێگەی نێوەندگرانەوە نارد، ئیران ئێستا چاوەڕوانی وەڵامی لایەنی بەرامبەرە بۆ هەڵوێستی خۆی لەسەر پێشنیاری ئەمریکا.
وەزارەتی بەرگریی عێراق رایگەیاند، ئەمڕۆ لە گوندی فاخرەی سەر بە كەركوك درۆنێكیان خستەخوارەوە کە بە ئاستێکی نزم دەفڕی و زیانی گیانی نەبوو.
سەرۆکی یەکێتی مامۆستایان بە ئێن ئاڕ تی راگەیاند، داوا دەکەن لایەنە پەیوەندیدارەکان هەڵسەنگاندنی تەواو بکەن بۆ بارودۆخەکە و ئەوکاتە بڕیار بدەن بۆ دەستپێکردنەوەی دەوامی فەڕمی یان درێژکردنەوەی پشووەکان، لەو بارەیەوە راپرسییەکیان دەستپێکردووە و سبەینێ ئەنجامەکەی بە فەڕمی رادەگەیەنن.
دۆناڵد ترەمپ لە چاوپێکەوتنێکدا وتی، ئێران دەیەوێت رێککەوتن بکات بەڵام نایانەوێت بیڵێن. سەرۆکی پەرلەمانی ئێرانیش دەڵێت، هەر وڵاتێکی ناوچەکە هاوکاریی ئەمریکا و ئیسرائیل بکات بۆ داگیرکردنی دوورگەی خارگ دەیکەنە ئامانج.
کەشناسیی هەرێم بڕی بارانبارینی ٢٤ کاتژمێری بڵاوکردەوە و دەڵێت، لە سنووری کەلار زۆرترین بڕی باران باریوە لەسەر ئاستی هەرێم.
شەوی رابردوو کوژاندنەوەی گشتی کارەبا لە هەرێمی کوردستان روویدا و وەزارەتی کارەباش وتی، کێشەکە تەکنیکی بووە و دوای چەند کاتژمێرێک چارەسەریان کردووە.
بەپێێ زانیارییەکانی ئێن ئاڕ تی، کەسێک لە گوندی تەرجیلی سەر بە ناحیەی لەیلان، ئاو بردی و تا ئێستاش بێسەروشوێنە.
چاوگێک لە دارایی هەرێم دەڵێت، رێکارە داراییەکان بۆ رادەستکردنی ١٢٠ ملیارەکە دەستیپێکردووە و لیستی مووچەش ئامادەکراوە تا رادەستی بەغدا بکرێت.
کەشناسی رایگەیاند، ئەمڕۆ ئاسمان بە گشتی هەوری باراناوی دەبێت، نمە باران و بارانی مامناوەند کە هەندێک جار تەزرە و هەورەبرووسکەی لەگەڵ دەبێت سەرجەم ناوچەکانی هەرێم دەگرێتەوە و بەفرێکی کەم لە هەندێک لە ناوچە شاخاوییە سنوورییەکان دەبارێت.
بەرەبەیانى ئەمڕۆ مەبەست سەردار، رۆژنامەنووس و میدیاکار بە رووداوێکی سەختی هاتوچۆ، لە شارى سلێمانى گیانی لەدەستدا.
ئاژانسی رۆیتەرز رایگەیاند، بەهۆی بەردەوامی جەنگی دژی ئێران و داخستنی گەروی هورمز، عێراق بەرهەمهێنانی نەوتی لە كێڵگەكانی باشوور بە رێژەی ٨٠٪ كەمكردووەتەوە.
بەهۆی نالەباریی کەشوهەواوە، سەرۆک وەزیرانی عێراق بڕیاریدا سبەینێ پێنجشەممە، لە سەرجەم دامەزراوە حکومییەکاندا بکرێتە پشووی فەرمی و دەوامکردن رابگیرێت. هاوکات پشووەکە تەنها لە عێراقە و هەرێمی کوردستان ناگرێتەوە.
سەرۆک وەزیرانی عێراق و سەرۆکی فەرەنسا، لە پەیوەندییەکی تەلەفۆنیدا، جەختیان لەسەر گرنگیی دۆزینەوەی چارەسەری ئاشتییانە بۆ قەیرانەکانی ناوچەکە و پاراستنی ئاسایشی ئابووری و وزە لەسەر ئاستی جیهانی کردەوە.
وەزیری دەرەوەی ئێران، جەختی لە شکستی ستراتیژیی ئەمریکا و ئیسرائیل کردەوە لە جەنگەکەیاندا دژی تاران و رایگەیاند، گەرووی هورمز لە ژێر کۆنترۆڵی ئێراندایە و تەنانەت دوای جەنگیش بە رێکاری تایبەت بەڕێوە دەبرێت.
سەرۆکایەتیی شارەوانیی سلێمانی، لە رێگەی تیمی فریاگوزاریی خۆیەوە، ئاگادارییەکی بەپەلەی ئاراستەی دانیشتووانی سنووری ماستەرپلانی شارەکە کرد سەبارەت بەو شەپۆلە بارانبارینەی کە چاوەڕوان دەکرێت لە رۆژانی داهاتوودا ناوچەکە بگرێتەوە.
وتەبێژی کۆشکی سپی رایگەیاند، دۆناڵد ترەمپ ئامادەیە قورسترین بۆردوومان لە مێژوودا ئەنجام بدات ئەگەر تاران مل بۆ رێککەوتن نەدات، جەختیشی کردەوە کە سەرەڕای بەردەوامیی دانوستانەکان بە سەرپەرشتی جەی دی ڤانس، بەڵام ئارامیی واشنتن سنووردارە و پێویستە تاران دان بە شکستی سەربازیی خۆیدا بنێت.
وتەبێژی قەرارگەی خاتەمولئەنبیا رایگەیاند، دۆخی گەرووی هورمز گۆڕانکاریی ریشەیی بەسەردا هاتووە و ناگەڕێتەوە بۆ دۆخی جاران، جەختیشی کردەوە کە تاران یاسا و رێسای نوێی بۆ هاتوچۆی دەریاوانی لەو گەرووە ستراتیژییەدا داناوە.