ئەحمەد داودئۆغڵو: بڕیاری خۆهەڵوەشاندنەوەی پەکەکە سەقامگیری بۆ ناوچەکە دەهێنێت
لەسەر پرۆسەی ئاشتی لە تورکیا، ئەحمەد داود ئۆغڵو بە ئێن ئاڕ تی وت، پشتگیری تەواوی پرۆسەکە دەکەن دەشڵێت، بڕیاری خۆ هەڵوەشاندنەوەی پەکەکە دروست بووە و سەقامگیری بۆ ناوچەکە دەهێنێت.
وەزارەتی دادی عێراق ئازادکردنی سێ هەزار و ٤٤١ زیندانی راگەیاند کە یاسای لێبوردنی گشتی دەیانگرێتەوە و وتیشی، لێبوردنەکە بەشێکە لەو رێکارە یاساییە بەردەوامانەی کە بەڕێوەبەرایەتییەکە پەیڕەوی دەکات.
لیژنەی دارایی لە پەرلەمانی عێراق لە بارەی مووچەوە دڵنیایی دەدات و دەڵێت، هیچ مەترسیەک لەسەر مووچە نییە و دۆخەکە لەژێر کۆنترۆڵدایە، لەبارەی دابەزینی نرخی نەوت و کاریگەری لەسەر مووچەش دەڵێت، دەبێت بە پشبەستن بە پسپۆڕان دەستکاری نرخی نەوت بکرێت لە بودجەدا.
بەهۆی پابەندنەبوون بە رێنماییە تەندروستییەکان و بوونی پاشماوەی قرتێنەرەکان تێیدا قایمقامیەتی سلێمانی چێشتخانەیەکی لە گەڕەکی سەرچنار داخست.
بەڕێوەبەرایەتی وەرزشی هەولێر رایگەیاند، وەرگرتن و کۆکردنەوەی داهات و رسومات لە هۆڵە وەرزشیەکانی هەرێم و عێراق بەهەموو شێوەیەک قەدەغەیە.
وەزارەتی نەوتی عێراق دەڵێت، ئەو رێکەوتنەی وەزارەتی سامانە سروشتیەکانی هەرێم کردوویەتی پێچەوانەی بڕیارەکانی دادگای باڵای فیدڕاڵیە. دەشڵێت، هەموو ئەو گرێبەستانەی لە بواری وەبەرهێنانی نەوت و غاز دەکرێت دەبێت لە ژێر سەرپەرشتی بەغدا بێت.
وتەبێژی بەرگری شارستانی راپەرین رایگەیاند، لە سنووری ئیدارەی راپەرین وەرزی دروێنەی گەنم و جۆ دەستیپێکرد.
پەیامنێری ئێن ئاڕ تی رایگەیاند، لەژێر فشاردا لە سلێمانی فۆڕمی هەژماری من بە هێزە ئەمنییەکان و بەشێکی دیکەی وەزارەتەکان پڕدەکرێتەوە، دەشڵێت، لەترسی دورخستنەوەیان لەکارکردن نەیانتوانی راستیەکان لەڕێگەی میدیاکانەوە باس بکەن.
سەرۆکی فراکسیۆنی نەوەی نوێ لە پەرلەمانی عێراق دەڵێت، سەرۆکی حکومەتی ماوەبەسەرچوو مافی ئەوەی نییە بە بەهای ملیاران دۆلار گرێبەست لەگەڵ کۆمپانیاکاندا ئەنجام بدات، چونکە دەسەڵاتەکەی بەسەرچووە.
کەشناسیی عێراق رایگەیاندووە، لە چەند رۆژی داهاتووی ئەم هەفتەیەدا، پێشبینیی خۆڵبارین و بەرزبوونەوەی پلەکانی گەرما دەکەن.
وتەبێژی کۆمسیۆنی باڵای هەڵبژاردنەکانی عێراق بە ئێن ئاڕ تی وت، نزیکەی ملیۆنێک و ٣٠٠ هەزار دەنگدەر کارتی بایۆمێتریان نوێکردووەتەوە. دەشڵێت، ماوەى دەرهێنان و نوێکردنەوەى بایۆمێتری تاکو ١٥ـی مانگی داهاتوو درێژکراوەتەوە و هاوڵاتیان دەتوانن سەردانیان بکەن بۆ نوێکردنەوەی دەرهێنانی کارتەکانیان.
دەزگای شەهیدانی عێراق رایگەیاند، لە ساڵی ٢٠٠٨ەوە تا ئێستا روفاتی هەزار و ٧٠٠ کەس کە سەرجەمیان کوردن لە گۆرە بەکۆمەڵەکان دەرهێنراون.
بەهۆی لابردنی مێز و عەرەبانەکانییانەوە، بەشێکی کاسبکارانی ناوبازاڕی کەرکوک گردبونەوە و دەشڵێن لە دۆخێکی سەختی ژیاندان و پارێزگار و قائیمقامییەتی شارەکە وەڵامی داواکارییەکانیان نادەنەوە.
چەکدارێکی پارتی لە هەولێر بەناوی مەسرور بارزانییەوە هەڕەشە لە چەند کەسێک دەکات و تەقەیان لێدەکات.
بەهای دۆلار بەرامبەر بە دینار لە بازاڕەکانی هەرێم بە جێگیری مایەوە و ئەمڕۆ ١٠٠ دۆلار بە ١٤٢ هەزار و ٥٠٠ دینار مامەڵەی پێوەکرا.
هاتووچۆی گەرمیان بە ئێن ئاڕ تی راگەیاند، دوو برای تەمەن ١٠ بۆ ١٢ ساڵ، لە کاتی رۆیشتنیان بۆ قوتابخانە، لە رووداوێکی سەختی هاتووچۆدا گیانیان لەدەستدا، هاوکات لە رێگای دەربەندیخان - زەڕایەنیش دوو بارهەڵگر پێکیاندادا و برینداری لێکەوتەوە.
وەزارەتی دارایی عێراق بە ئێن ئاڕ تی راگەیاند، دابەشکردنی مووچەی مانگی پێنج دەستیپێکرد و پێش جەژن مووچەی سەرجەم مووچەخۆرانی عێراق دابەش دەکرێت و ٪١ی مووچەی فەرمانبەرانیش دەبڕدرێت.
دوای بڵاوبوونەوەی ئەو گرتە ڤیدیۆیەی کە هاوڵاتیەکی سنووری شارەزوور لەلایەن پێنج کەسەوە هێرشی دەکرێتە سەر، هاوڵاتیەکە وردەکاری رووداوەکەی بۆ ئێن ئاڕ تی باسکرد و دەڵێت، تۆمەتبارەکان دەناسێت و هەر ئەو شەوە سکاڵای یاسایی لەسەر تۆمارکردوون و ئێستاش هەڕەشەی لێدەکەن کە لە سکاڵاکەی بکشێتەوە.
کەشناسی هەرێم دەڵێت، کەشوهەوای ئەمڕۆ ئاسمان ساماڵ و پەڵەهەور دەبێت، لەگەڵ بوونی تۆزێکی سووک کە لە ناوچەکانی باشووری هەرێم کاریگەری زیاتر دەبێت، پلەکان گەرماش بە بەراورد بە دوێنێ نزم دەبنەوە.
دوای ئەوەی نرخی نەوت لە ماوەی رابردوودا بە شێوەیەکی بەرچاو رووی لە دابەزین کردبوو، ئەمڕۆ نرخی نەوتی برێنت لە بازاڕەکانی جیهاندا بە ٦٥ دۆلار و ٣٣ سەنت مامەڵەی پێوەکرا و بەراورد بە دوێنێ نرخەکەی کەمێک بەرزبووەوە.
ئەمڕۆ هەر ئۆنسەیەک زێڕ لە بازاڕەکانی جیهاندا، بە سێ هەزار و ٢١٧ دۆلار مامەڵەی پێوەکرا و نرخەکەی بەراورد بە دوێنێ نزیکەی ٢ دۆلار بەرزبووەوە و نرخی مسقاڵێک زێڕی عەیارە ٢١ـیش بە ٦٥٣ هەزار دینار مامەڵەی پێوەدەکرێت.
توێژینەوەیەکی ئەم دواییە ئاشکرایکردووە کە خواردنەوە وزەبەخشەکان ئەگەری تووشبوون بە شێرپەنجەی خوێن زیاد دەکات.
بازرگانی بەناوبانگی ئەمریکی ئیلۆن مەسک ڕایگەیاندووە، ڕۆبۆتەکان گۆڕانکارییەکی گەورەی ئابووری دروست دەکەن.
بەرپرسی هەڵبژاردنی یەکێتی لە کەرکوک وتی، بۆ کورد وا باشترە لە کەرکوک و ناوچە دابڕێندراوەکان بە سێ لیست بەشداری هەڵبژاردن بکات. وتیشی، هەوڵی یەک لیستییان لەگەڵ پارتی لەسەر بنەمای عاتیفەی نەتەوەیی لە جێی خۆی نەبووە.
بەڕێوەبەری ناحیەیی رۆڤیا رایگەیاند، لە کاتی کارکردن لە پڕۆژەی جووتسایدی رۆڤیا گۆڕێک کە ئێسک و پروسکی تێدایە دۆزراوتەوە و کارکردن لەو پارەچەیە وەستاوە.
پەیامنێری ئێن ئاڕ تی رایگەیاند، بۆری ئاوی ئیفرازی سێ لەنزیك گوندی دارەبەن شکاوە و چەندین گەڕەک بەهۆی ئەوەوە بێ ئاو دەبن.
دوای ئەوەی سەرۆکی روسیا پەیوەندییەکی لەگەڵ سەرۆکی ئەمریکا ئەنجامدا رایگەیاند، ئەگەری هەیە لەگەڵ ئۆکرانیا رێکبکەون و ئاگربەست ئەنجامبدەن و وتیشی، نەهێشتنی رەگ و ریشەی ململانێی نێوان روسیا و ئۆکرانیا بۆ بەدیهێنانی ئەم کارە زۆر گرنگە.
وتەبێژی وەزارەتی کشتوکاڵ رایگەیاند، داوایان لە بەغدا کردووە لە وەرگرتنی گەنم جیاوازی لەگەڵ جوتیارانی هەرێم و بەغدا نەکرێت و بڕیاریان داوە بنەتۆو بە نرخی پاڵپشتیکراو بۆ جوتیاران دابین بکەن
وەزیری دارایی عێراق رایگەیاند، بە پشتبەستن بە رێنماییەکانی ئەنجومەنی وەزیران گرێبەستی لەگەڵ کۆمپانیای ئێرنست ئەند یۆنگ کردووە بۆ هەڵسەنگاندنی کاری کۆمپانیاکانی بیمەی حکومی.
بەهۆی تاقیكردنەوەكانی قۆناغی ناوەندییەوە، سبەینێ دوو كاتژمێر هێڵەكانی ئینتەرنێت لە تەواوی عێراق رادەگیرێن.