کەشناسی: شەپۆلێکی خۆڵبارین و بارانبارین ئەم ناوچانە دەگرێتەوە
بانکى ناوەندى عێراق دابینکردنى دۆلار بۆ بازرگانان بە نرخى فەرمى بە هۆکارى بەرزبوونەوەى بەهاى دینار بەرامبەر دۆلار دادەنێت، کە بەهۆیەوە خواست لەسەر دراوى بیانى لە بازاڕى رەش کەمبووەتەوە.
كەشناسی عێراق، پێشبینی دەستپێكردنەوەی خۆڵبارین و دابەزینی پلەكانی گەرما و بارانبارین دەكات لە هەرێمی كوردستان و ناوچەكانی تری عیراق. کەشناسی هەرێمیش دەڵێت، لە ئەنجامى دروست بوونى ناجێگیریەک لەسەر ناوچەکە ئەگەرى تاوەباران لە سەر بەشێک لە ناوچە شاخاوییەکان هەیە بەشێوەى نمە بارانی پچڕ پچڕ و هەندێ کات هەورە بروسکەی لەگەڵ دەبێت.
پۆلیسی هەڵەبجە رایگەیاند، لە رووداوێکی هاتوچۆدا لەسەر رێگای هەڵەبجە - سیروان هاوڵاتییەک گیانی لەدەستدا.
ئەمڕۆ گەڕی چوارەمی دانوستانەکانی نێوان ئەمریکا و ئێران لەسەر بەرنامەی ئەتۆمی ئێران لە عومان بەڕێوەدەچێت بەرپرسێکی باڵای ئێران لەو بارەیەوە دەڵێت، ئەمریکا جدی نییە لە دانوستانەکانی لەگەڵ تاران سەبارەت بەرنامەی ئەتۆمیەكەی، ئاشكراشیكردووە، وڵاتەکەی بەكرداريی دەستیکردووە بە ئامادەکاری بۆ سیناریۆی شكستهێنانی دانوستانەكان.
سەرۆکی ئەنجومەنی کۆمسیارانی كۆمیسیۆنی هەڵبژاردنەكانی عێراق دەڵێت، ئامادەن بۆ ئەنجامدانی هەڵبژاردنی پەرلەمانی عێراق لە وادەی دیاریكراودا، وتیشی، هەڵبژاردنەکە بە یاسای ژمارە ١٢ـی ساڵی ٢٠١٨ـی هەموارکراوە بەڕێوەدەچێت.
دوای ئەوەی زێڕ نزیکەی ٢٠٠ دۆلار لە نرخەکەی دابەزی، ئەمڕۆ هەر ئۆنسەیەک زێڕ لە بازاڕەکانی جیهاندا، بە سێ هەزار و ٣٢٦ دۆلار مامەڵەی پێوە کرا.
دوای ئەوەی نرخی نەوت لە ماوەی رابردوودا بە شێوەیەکی بەرچاو رووی لە دابەزین کردبوو، ئەمڕۆ نرخی نەوت لە بازاڕەکانی جیهاندا بە ٦٣ دۆلار و ٩١ سەنت مامەڵەی پێوەکرا و بەراورد بە دوێنێ نرخەکەی لە جێگیریدایە.
سەرۆکی روسیا لەبارەی کێشەکانی رۆژهەڵاتی ناوەڕاست و بەتایبەت فەڵەستین دەڵێت، چاودێریی دۆخەکە دەکەن و هەوڵدەدەن لە داهاتوودا هاوکارییان پێشکەش بکەن، وتیشی روسیا پشتگیری راگەیاندنی دوو دەوڵەتی فەڵەستین و ئیسرائیل دەکات و بەچارەسەری دەزانن.
وەزارەتی پێشمەرگە رایگەیاند، فەرمانی پێدانی زەوی بۆ ژمارەیەكی دیكە لە ئەفسەر و پلەدارانی وەزارەتی پێشمەرگە دەرچوو.
ستافی ئێن ئاڕ تی لە دهۆک لەکاتی گەڕانەوەیان لە کارێکی تایبەتی رۆژنامەنووسی، تووشی رووداوی هاتووچۆ بوون و بەهۆیەوە سێ کەس برینداربوون.
قایمقامیەتی رانیە دەڵێت، کەسێکیان دەستگیر کردووە کە ویستوویەتی مانگایەکی تووشبووی نەخۆشی تەبەقە بە گۆشتفرۆشەکان بفرۆشێت.
سەرەڕای راگەیاندنی ئاگربەست لەنێوان پاکستان و هیندستان، دەنگی تەقینەوە لەسەر سنوورەکانی نێوان ئەو دوو وڵاتە بیستراوە.
ئه‌ندامێكی لیژنەی تەندروستیی پەرلەمانی عێراق رایگەیاند، ڤه‌یپ و جگه‌ره‌ی ئه‌لیكترۆنی وەک بۆمبی ژه‌هراوین، هاوكات وتیشی، هاوڵاتییانی عێراق رۆژانە نزیکەی سێ ملیار دینار بۆ جگەرەکێشان خەرج دەکەن.
سوپا و هێزە ئەمنییەكانی عیراق خرانە حاڵەتی ئامادەباشییەوە بۆ پاراستنی كارەكانی كۆنگرەی لوتكەی وڵاتانی عەرەبی كە ١٧ـی ئەم مانگە دەستپێدەكات.
ئامارەکانی کۆمپانیای "statista" ئاشکرایان کردووە کە ژمارەی بەکارهێنەرانی ئینتەرنێت لە جیهاندا تا مانگی شوباتی ساڵی رابردوو گەیشتووەتە ٥.٥٦ ملیار کەس کە دەکاتە ٦٧.٩%ی دانیشتوانی جیهان.
وتەبێژی حکومەتی عێراق دەڵێت، لوتکەی عەرەبی کە بڕیارە ١٧ـی ئەم مانگە لە بەغدا بەڕێوەبچێت، یەکێک دەبێت لە گرنگترین لوتکە عەرەبییەکان و وتیشی، هەموو ئامادەکارییەکی پێویست تەواوبووە.
بەگوێرەی میدیا جیهانیییەکان سویسرا، میوانداریی دانوستانی بازرگانی راستەوخۆی نێوان ئەمەریکا و چین دەکات.
٣٧ ساڵ بەسەر ئەنفالکردنی گوندی جەلەمۆر لە لایەن رژێمی بەعسەوە تێدەپەڕێت و کەسوکاری ئەنفالکراوان دەڵێن، حکومەتی کاربەڕێکەر هیچ کارێکی نەکردووە بۆ هێنانەوەی روفاتی کەسووکاریان.
سەرۆکی ئەمریکا رایگەیاند، هیندستان و پاکستان ئاگربەستیان بە نێوەندگیریی ئەمریکا راگەیاندووە.
هاوڵاتییەک لە گوندی بێناتان لە سنووری ئاکرێ دوای ١٦ ساڵ دابڕان لە خوێندن دووبارە بە رێگای دەرەکی توانی خوێندنەکەی تەواو بکات و ببێتە یەکەم لە سەر ئاستی کۆلێژی ئاکرێ.
سەرۆکی دەستەی دەستپاکی عێراق رایگەیاند، زیاتر لە نیو ملیار دۆلاریان لە پارەی قاچاخ گەڕاندووەتەوە بۆ گەنجینەی دەوڵەت و لە هەوڵدان بۆ بەرەنگاربوونەوەی گەندەڵی بەردەوامن.
لە پارێزگای لوڕستان هەشت کەس کە بۆ رزگارکردنی یەکتری چوونە ناو بیرێکەوە، خنکان و هەموویان سەر بە یەک خێزانن.
سەرۆک کۆماری عێراق رایگەیاند، هه‌موو لایه‌نه‌كان كۆكن له‌سه‌ر ئه‌نجامدانی هه‌ڵبژاردنی په‌رله‌مانی عێراق له واده‌ی خۆیدا.
دوای دابەزینی بەرچاوی نرخی دۆلار لە چەند رۆژی رابردوودا، ئێستا لە بازاڕەکانى هەرێمى کوردستان ١٠٠ دۆلار بە ١٤٢ هەزار و ٥٠٠ دینار مامەڵەى پێوەدەکرێت.
سەرۆکوەزیرانی عێراق، داوا لە سەربازانی وڵاتەکە دەکات بە زووترین کات پاکستان بە جێبهێڵن و بگەڕێنەوە.
زیاتر لە ٤٠ رۆژە مووچەخۆرانى هەرێم مووچەیان وەرنەگرتووە، چاوەڕوانیش دەکرێت ئەم هەفتەیە سودانى بڕیار لە ناردنى مووچەی مانگی چواری هەرێم بدات.
بەڕێوەبەرایەتی هاتووچۆی گەرمیان رایگەیاند، لە ئێستادا رێگای کەلار دەربەندیخان لە نزیک گوندی ئاوە خێری دەبێت بەیەک ساید، تا گوندی بانیخان، هاتووچۆکردن دەکەوێتە ئاراستەی رۆشتن بۆ سلێمانی.
دوای ئەوەی یەکەم حاڵەتی تای خوێنبەربوون لە دهۆک گیانی لەدەستدا وەزارەتی تەندروستی هەرێم رایگەیاند، داوا لە هاوڵاتیان دەکەن و جەخت دەکەنەوە لەسەر جێبەجێکردنی رێنماییەکانی وەزارەتی تەندروستی.
کەشناسی هەرێم رایگەیاند، بە گشتی ئاسمانی هەرێم ساماڵ دەبێت لەگەڵ بوونی تۆزێکی سووک لە هەوادا و سبەینێش، ئاسمان ساماڵ دەبێت لە دوایی نیوەرۆ دەگۆرێت بۆ نیمچە هەور و هەوری تەواو.
به‌ڕێوه‌به‌ری نه‌خۆشخانه‌ی ئازادی له دهۆك بە ئێن ئاڕ تی رایگه‌یاند، یه‌كه‌مین توشبووی تای خوێنبه‌ربون له پارێزگای دهۆک گیانی له‌ده‌ستدا.