سودانی چەند فەرماندەیەکی سەربازی لە پۆستەکانیان دوورخستەوە
دوای ئەوەی پێنج خوێندکاری کۆلێژی سەربازی عێراق بەهۆی مەشقەوە گیانیان لەدەستدا و حەوت خوێندکاری دیکەش برینداربوون، سەرۆک وەزیرانی عێراق فەرمانی دا بە دوورخستنەوەی هەر یەکە لە سەرۆكی ئەكادیمیای سەربازی و یاریدەدەرەكەی، عەمیدی كۆلیژی سەربازیی چوارەم و ئامر فەوجی تایبەتمەند لە پۆستەكانیان.
دەستەی گشتی كەشناسی و بوومەلەرزەزانی عێراق خشتەی گۆڕانكاری لە پلەكانی گەرما لە شارەكانی عێراق بە بەراورد بە ٣٠ بۆ ٦٠ ساڵی رابردوو بڵاودەكاتەوە.
وه‌زیری ده‌ره‌وه‌ی ئه‌مریكا دەڵێت، دۆخی سوریا تا ئێستا ناسەقامگیرە و ئەگەری په‌ره‌سه‌ندنی دۆخه‌كه بۆ "جه‌نگی ناوخۆیی ته‌واو" به‌دوور نازانێت.
وەزیری دەرەوەی عوممان وتی، بڕیارە گەڕی پێنجەمی دانووستانی ئەتۆمی نێوان ئەمریكا و ئێران لە رۆمای پایتەختی ئیتاڵیا بەڕێوەبچێت.
كۆمسیۆنی باڵای هه‌ڵبژاردنه‌كانی عێراق روونکردنەوەیەک لە بارەی سیستمی تۆمارکردن و پەسەندکردنی کاندیدەکان بۆ هەڵبژاردنی داهاتووی په‌رله‌مانی عێراق بڵاو کردەوە.
سەرۆک وەزیرانی عێراق، فەرمانی تەرخانکردنی زەویی نیشتەجێبوونی بۆ ئەفسەر و کارمەندانی وەزارەتی ناوخۆی عێراق دەرکرد.
لە هەولێر شاندی دانوستانکاری پارتی و یەکێتی کۆبوونەوە. قوباد تاڵەبانی دەڵێت، هەنگاوێکی دیکە نزیک بوونەتەوە لە پێکهێنانی حکومەت لەگەڵ پارتی، بەپێی زانیارییەکانیش، هەردوولا رێککەوتوون تا دوای هەڵبژاردنی پەرلەمانی عێراق حکومەت پێکنەهێنن تا بۆ کاتی بانگەشە دەستبەکەنەوە بە هێرشی میدیایی بۆسەر یەکتری.
بەڕێوەبەری سندووقی بیمەی تەندروستی وتی، سەرەتای ساڵی داهاتوو لەشەش پارێزگای دیکەی عێراق بیمەی تەندروستی بۆ هاوڵاتییان دەخرێتە بواری جێبەجێکردنەوە کە هەریەک لەپارێزگاکانی (بەسرە، میسان، زیقار، نەجەفە، کەربەلاو بابل) دەگرێتەوە.
وەزیری دارایی عێراق، تەمەنی ٦٠ ساڵی، وەک تەمەنی یاسایی بۆ خانەنشینی دیاریکرد و دەڵێت، ئەگەر فەرمانبەر لە دایکبووی رۆژی ١ـی ئایاری ١٩٦٥ بێت، وادەی ناردنی بۆ خانەنشینی رۆژی ١ـی ئایاری ٢٠٢٥ دەبێت.
وەزیری نەوتی عێراق رایگەیاند، کۆتایی ئەمساڵ یەکەم وێستگەی بەرهەمهێنانی کارەبا لە تیشکی خۆر دەکەوێتەکار کە توانای بەرهەمهێنانی ٢٥٠ مێگاوات کارەبای دەبێت.
لە سلێمانی کرێکارێک لەکاتی کارکردن گیانیلەدەستدا، سەندیکای کرێکارانیش لە سلێمانی دەڵێت، رووداوەکە بەهۆی بەرکەوتن بە تەزووی کارەباوە روویداوە.
بەڕێوەبەرایەتی سایلۆی گەرمیان بە ئێن ئاڕ تی رایگەیاند، لە ساڵی رابردووەوە فەرمانبەرانی تازە دامەزراوی سایلۆی کەلار مووچەیان وەرنەگرتووە.
لە کەلار منداڵێکی تەمەن چوار ساڵ کەوتە ژێر ئۆتۆمبێلێکی هەڵگرتنەوەی زبڵ و خاشاک و گیانی لەدەستدا.
باڵیۆزی تورکیا لە عێراق سەردانی سەرۆکی جوڵانەوەی نەوەی نوێی کرد و باس لە پرۆسەی ئاشتی لە تورکیا و دۆخی عێراق و هەرێم کرا.
کەشناسی هەرێم رایگەیاند، ئەمرۆ ئاسمان ساماڵ و پەڵە هەور دەبێت، وتیشی، سبەی پلەکانی گەرما بەرز دەبنەوە بەراورد بە تۆمارکراوەکانی ئەمرۆ.
بەشی ئاشکراکردنی بەرژەوەندییە داراییەکانی دەستەی دەسپاکی هەرێم، بە پێی مادەی ١٤ی رێنماییەکانی ئاشکراکردنی ئەستۆی دارایی ژمارە ٢ی ساڵی ٢٠١٦، ژمارەیەک بەرپرسی باڵای هەرێم بۆ لێکۆڵینەوە لە سەروەت و سامانیان بانگێشت دەکات.
دوای زیاتر لە ١٠ رۆژ لە دواکەوتنی، چاوگێکی باڵا لە حکومەتی کاربەڕێکەر بە ئێن ئاڕ تی راگەیاند، سبەینێ لیستی مووچەی مانگی پێنج رادەستی بەغدا دەکرێت.
لە هەولێر شاندی دانوستانکاری پارتی و یەکێتی بە مەبەستی گفتوگۆکردن لەسەر پێکهێنانی حکومەت، دوور لە چاوی میدیاکان لە کۆبوونەوەدان.
فراکسیۆنی نەوەی نوێ سکاڵای لەسەر حکومەتی کاربەڕێکەر تۆمار کرد و دەڵێت، بڕیارەکانی حکومەتی کاربەڕێکەر بۆ سەپاندنی باج و سەرانە نایاساییە و بەهۆیەوە دۆخی هاوڵاتییان لەوپەڕی خراپیدایە.
بە پێی توێژینەوەی کۆمپانیایەکی ئەمریکی لەسەر رادەی تووڕەبوونی خەڵکی وڵاتانی جیهان، عێراق پلەی یەکەمی لە ریزبەندی وڵاتانی عەرەبیدا بەدەستهێناوە و پلەی دووەمیش لەسەر ئاستی جیهان.
سەرۆکی ئەمریکا دەستپێکردنی پرۆژەی دانانی گومەزی زێڕینی دژە مووشەکی بۆ پاراستنی ئاسمانی ئەمریکا راگەیاند، تێچووی پرۆژەکە نزیکەی ١٧٥ ملیار دۆلارە و ماوەی سێ ساڵ دەخایەنێت.
وەزارەتی خوێندنی باڵای عێراق رایگەیاند، عێراق لە ریزبەندی دووەمی وڵاتانی عەرەبیدا دێت لە توێژینەوەی زانستی بۆ بواری زیرەکی دەستکرد.
ئەمڕۆ هەر ئۆنسەیەک زێڕ لە بازاڕەکانی جیهاندا، بە سێ هەزار و ٣٠٢ دۆلار مامەڵەی پێوەکرا و نرخەکەی بەراورد بە دوێنێ نزیکەی ٨٥ دۆلار بەرزبووەوە و نرخی مسقاڵێک زێڕی عەیارە ٢١ـیش بە ٦٦٩ هەزار دینار مامەڵەی پێوەدەکرێت.
دوای ئەوەی نرخی نەوت لە ماوەی رابردوودا بە شێوەیەکی بەرچاو رووی لە دابەزین کردبوو، ئەمڕۆ نرخی نەوتی برێنت لە بازاڕەکانی جیهاندا بە ٦٦ دۆلار و ٤٤ سەنت مامەڵەی پێوەکرا و بەراورد بە دوێنێ نرخەکەی کەمێک بەرزبووەوە.
بەڕێوەبەرایەتیی ئاوی سلێمانی رایگەیاند، دابەشكردنی ئاو لە هەردوو هێڵی یەك و دووی ئاوی دوكان – سلێمانی بۆ ماوەی ٢٤ كاتژمێر رادەگیرێت.
وەزارەتی ناوخۆی سعودییە هۆشداریدا لە سەرپێچیکردنی رێسا و رێنماییەکانی حەج و دووپاتی کردەوە کە سزای تا ٢٠ هەزار ریاڵ واتە زیاتر لە پێنج هەزار دۆلار بەسەر هەر کەسێکدا دەدرێت کە بەبێ مۆڵەت حەج ئەنجام بدات یان هەوڵی ئەنجامدانی حەج بدات.
بەڕێوەبەرایەتی هاتووچۆی راپەڕین رایگەیاند، رووداوێکی هاتووچۆ لە نێوان شارۆچکەی شکارتە ـ گوندی دواوە رویدا و بەهۆیەوە کەسێک گیانی لەدەست دا.
وەزیری دارایی عێراق پێشوازی لە شاندێکی بانکی ئەوروپا بۆ ئاوەدانکردنەوە و گەشەپێدان کرد تاوتوێی رێگاکانی بەرزکردنەوەی هاوکارییە ئابوورییەکان و پاڵپشتیکردنی کەرتی تایبەتیان کرد.
رۆژی یەکشەممەی داهاتوو وەک وادەی دەستپێکردنی بەبازاڕکردنی گەنم لە پارێزگای کەرکوک دیاریکرا و لیژنەی باڵای بە بازاڕکردن لە رۆژی پێنجشەممەی داهاتوەوە بە شێوەیەكی هەمیشەیی و تا كۆتایهاتنی پڕۆسەكە دەست بەکاردەبێت.
وەزیری دارایی عێراق و تیمی ئابووری لە باڵیۆزخانەی ئەمریکا لە بەغدا باسیان لە میکانیزمەکانی پاڵپشتیکردنی بودجەی گشتی و لایەنەکانی هاریکاری تەکنیکی نێوان وەزارەت و لایەنی ئەمریکی کرد لە بوارەکانی ئامادەکردنی بودجە و ژمێریاری حکومەت.