یەکەم رۆژی جەژنی قوربان دیاریکرا
وەزارەتی خوێندنی باڵا رایگەیاند، وەزیری خوێندنی باڵا بڕیاریداوە، بەهۆى نزیکبونەوەى جەژنی قوربانەوە ئەو خوێندکارانەی لە دەرەوەى وڵات دەخوێنن بە رێگەپێدان دەتوانن سەردانی هەرێم بکەنەوە بۆ ماوەی ١٤ رۆژ.
لەسەر رێگای سۆران ـ چۆمان ئۆتۆمبێلێک وەرگەڕاو لە نزیک پردی پیادەی بەرسرین بەهۆیەوە کەسێک گیانی لەدەستدا و کەسێکی دیکەش برینداربوو.
سەرۆکی حکومەتی عێراق دوو بەرپرسی باڵای وەزارەتی گواستنەوەی دورخستەوە بەهۆی کەمتەرخەمی لە راپەڕاندنی کارەکانیان و بڕیاریدا دۆسیەکەیان رادەستی دادگای دەستپاکی بکرێت.
سعودییە یەکەم رۆژی جەژنی قوربانی دیاریکرد و دەڵێت، شەشی مانگی شەش کە دەکاتە رۆژی هەینی یەکەم رۆژی جەنی قوربان دەبێت.
وتەبێژی یەکێتی لە بارەی پێکهێنانی کابینەی نوێی حکومەتەوە وتی، لە کۆبوونەوەکانی داهاتووی پارتی و یەکێتی پێشنیاری نوێیان دەبێت، لە قۆناغەکانی کۆتایی گفتۆگۆدان و کۆبوونەوەکانیان بەردەوام دەبێت.
کۆمسیۆنی باڵای سەربەخۆی هەڵبژاردنەکان رایگەیاند، کاندیدە سەربەخۆکان بۆ کورسییە گشتی و پێکهاتەکان کە دەیانەوێت بەشداری هەڵبژاردنی پەرلەمانی ٢٠٢٥ بکەن، پێویستە سەردانی فەرمانگەی هەڵبژاردن لەو پارێزگایە بکەن کە دەیانەوێت تێیدا خۆیان کاندید بکەن.
بەشی پرۆژەکانی شارەوانیی سلێمانی ئاگاداری سەرجەم هاوڵاتییان بە گشتی و شۆفێران بە تایبەتی دەکاتەوە.
بەهۆی رووداوێکی تەقەکردنەوە لە شاری فیلادلفیای ئەمریکا، دوو کەس کوژران و نۆ کەسی دیکەش برینداربوون.
بەڕێوەبەرایەتیی پۆلیسی راپەڕین بڵاویکردەوە، هێزەکانی نووسینگەی نەهێشتنی تاوانی پشدەر، باندێکی دزیکردنیان دەستگیرکرد.
وەزارەتی خوێندنی باڵاو توێژینەوەی زانستی رێکارەکانی جێبەجێکردنی پلانی مۆڵـەتی خوێندن لە زانکـۆکـان دیاری دەکات و دەڵێت، فەرمانبەرانی گرێبەست و تەنسیب ناگرێتەوە.
بەڕێوەبەری گشتیی بازرگانی و پیشەسازیی هەرێم بۆ ئێن ئاڕ تی، وادەی وەرگرتنی گەنمی ئەمساڵی جوتیاران لەسایلۆكان ئاشکراکرد و وتی، لە سەرەتای مانگی مانگی داهاتووەوە دەرگای سایلۆکان دەکرێنەوە بۆ وەرگرتنی گەنمی جوتیاران.
توێژینەوەی بابەتێکی زانستی توێژەرێکی کورد لە زانکۆی ستۆکهۆڵم بووەتە جێی سەرنجی میدیاکانی وڵاتی سوید و لەو نێوەندەشدا رۆژنامەی داگێنس نیهێتەری بەناوبانگی سویدی دوو راپۆرتی لەبارەوە بڵاوکردووەتەوە.
بەڕێوەبەرایەتی کەشناسی و بوومەلەرزەزانی هەرێم بڵاویکردەوە، پێشبینی هاتنی شەپۆلی تۆز و خۆڵ دەکەن، دەشڵێت، سبەی نزمبوونەوەى پلەکانى گەرما دەستپێدەکات.
مامۆستایان و فەرمانبەرانی نارازی لەکەرکووک رایانگەیاند، فۆڕمی هەژماری من پڕناکەینەوە، دەشڵێن، هیچ بانکێ ناتوانێ فشار لە هاوڵاتییان بکات بۆ پڕکردنەوەی حساب بانکی.
کۆمسیۆن لە ئامادەکارییەکانی بۆ هەڵبژاردنی پەرلەمانی عێراق بەردەوامە، لەو چوارچێوەیەدا ناوی کاندیدە تۆمارکراوەکان بۆ ١٢ دامەزراوە و لایەنی پەیوەندیداری حکومی دەنێرێت بەمەبەستی وردبینی.
سەرۆکی جوڵانەوەی نەوەی نوێ رایگەیاند، نزیکەی دوو خولە ئەم حکوومەتە ماوە بەسەرچووە هیچ شەرعییەتێکی یاسایی و کارکردنی نییە و بەبێ شەرعییەت کاردەکات.
سەرۆک وەزیرانی عێراق لەبارەی ماڵە هەژارەکانەوە رایگەیاند، هیچ خانویه‌كی زیاده‌ڕۆیی ناڕوخێندرێت به‌بێ دیاریكردنی جێگره‌وه بۆیان.
دوای ئەوەی سه‌رۆكی ئه‌مریكا رایگەیاند، خەریکە بێ هیوا دەبێت لە راگەیاندنی ئاگربەست لەنێوان رووسیا و ئۆکرانیا، رۆژنامەیەکی بەریتانی ئاشکرایکرد، تره‌مپ بیر له‌وه ده‌كاته‌وه سزای نوێ به‌سه‌ر ڕوسیادا بسه‌پێنێت.
بافڵ تاڵەبانی دەڵێت، لەگەڵ پارتی دیدگای حکومڕانی هاوبەشیان داڕشتووەتەوە بۆ بەرنامەی کابینەی نوێ.
زیاتر لە ٢٤ کاتژمێرە بەشێکی زۆر لە گەرەکەکانی سۆران بێ کارەبای نیشتیمانین و چاوگێک لە کارەبای سۆرانیش دەڵێت، بڕانی کارەبا بەهۆی کێشەی تەکنیکیەوەیە و تیمەکانیان سەرقاڵی چارەسەرکردنین.
دۆلار جارێکی دیکە لە بازاڕەکانی هەرێمدا رووی لە دابەزین کرد و ١٠٠ دۆلار بە ١٤٠ هەزار و ٤٠٠ دینار مامەڵەی پێوەدەکرێت و بەراورد بە دوێنێ نزیکەی ١٥٠ دینار دابەزیوە.
ئێوارەی ئەمڕۆ عەرەبستانی سعودیە چاودێریی بینینی مانگ دەکات و یەکەمین رۆژی جەژنی قوربان دیاریدەکات.
سەرۆکی شاندی دانوستانکاری پارتی دەڵێت، لە پیکهێنانی کابینەی نوێی حکومەت نزیکبونەتەوە و دەشڵیت، بەم زووانە کۆبوونەوەکانی شاندی یەکێتی و پارتی دەستپێدەکاتەوە.
کەشناسی عێراق دەڵێت، ئەمڕۆ لە ناوچەکانی هەرێم تاوەباران دەبارێت، سبەینێش پلەکانی گەرما چەند پلەیەک دادەبەزن. کەشناسی هەرێمیش رایگەیاند، ئەمشەو ئەگەرى بەرزبوونەوەى تۆزوخۆڵى کەم هەیە بۆ سەر بەشێک لە ناوچە جیاجیاکان.
چوارچێوەی هەماهەنگی بڕیاریداوە بۆ هەڵبژاردنی پەرلەمانی عێراق هاوپەیمانی یەکگرتوو لە پارێزگاکانی دیالە و سەڵاحەدین و نەینەوا پێکبهێنێت.
ئەمڕۆ هەر ئۆنسەیەک زێڕ لە بازاڕەکانی جیهاندا، بە سێ هەزار و ٣٣٠ دۆلار مامەڵەی پێوەکرا و نرخەکەی بەراورد بە دوێنێ نرخەکەی نزیکەی ٢٠ دۆلار دابەزیوە و نرخی مسقاڵێک زێڕی عەیارە ٢١ـیش بە ٦٦٣ هەزار دینار مامەڵەی پێوەدەکرێت.
دوای ئەوەی نرخی نەوت لە ماوەی رابردوودا بە شێوەیەکی بەرچاو رووی لە دابەزین کردبوو، ئەمڕۆ نرخی نەوتی برێنت لە بازاڕەکانی جیهاندا بە ٦٤ دۆلار و ٥٦ سەنت مامەڵەی پێوەکرا و بەراورد بە دوێنێ نرخەکەی نزیکەی دۆلارێک دابەزیوە.
ئه‌ندامی لیژنه‌ی ئاسایشی نیشتمانی و سیاسه‌تی ده‌ره‌وه‌ی په‌رله‌مانی ئێران وتی، عومان پێشنیارێكی سه‌باره‌ت به به‌رنامه ئه‌تۆمییه‌كه پێشكه‌شی ئێران كردوه، له پێشنیارەکەدا داوای راگرتنی كاتی هه‌نگاوه‌كانی پیتاندنی یۆرانیۆم ده‌كات بۆ ماوه‌ی شه‌ش مانگ وه‌ك رێگه‌یه‌ك بۆ ده‌ستپێكردنه‌وه‌ی دانوستانه‌كان.
وەزارەتی ته‌ندروستی سعودیه رایگەیاند، تاوەکو ئێستا هیچ پەتایەکی بەربڵاو لە ناو حاجیاندا بڵاو نەبووەتەوە و وتیشی، سه‌رجه‌م پێداویستییه ته‌ندروستییه پێویسته‌كان بۆ پاراستنی حاجیانی دابینكراون.
وەزارەتی دارایی حکومەتی کاربەڕێکەر رایگەیاند، مووچەی چەند مانگێکی فەرمانبەرانی گرێبەست دابەش دەکرێت.