پەیامێکی بەپەلە لە سەرۆکی پەرلەمانی عێراقەوە لەبارەی مووچەی هەرێم
شاندی دانووستانکاری هەرێم وردەکاری رێککەوتنەیەکەیان لەگەڵ عێراق ئاشکرا کرد و رایگەیاند، هەردوولا رێککەوتن لەسەر گرتنەبەری رێکارییە ئاسایشییە پێویستەکان بۆ پاراستنی سەلامەتی کێڵگە نەوتییەکان و دڵنیابوون لە بەردەوامی هەناردەکردنی نەوت.
سەرۆکی پەرلەمانی عێراق لە میانەی دانیشتنی ئەمشەوی پەرلەمان رایگەیاند، "وەک پەرلەمان بەهیچ شێوەیەک قبوڵ ناکەین حوکمەتی عێراق دەست بەرێت بۆ مووچەی فەرمانبەرانی کوردستان هەرچەندە ناکۆکیش هەبێت لە نێوان حکومەتی هەرێم و بەغدا".
سوپای پاسداران بە فەرمی کوژرانی عەمید غوڵامڕەزا سولەیمانی، سەرۆکی رێکخراوی بەسیجی راگەیاند.
وەزیری نەوتی عێراق بۆ ئێن ئاڕ تی ئاشکراکرد، لەسەر هەناردەکردنەوەی نەوت لەگەڵ هەرێم گەیشتوونەتە رێککەوتن و ئەگەر هەرێم گرفت دروستنەکات لە سبەینێوە هەناردەکردن لە رێگای بەندەری جەیهانەوە دەستپێدەکاتەوە.
سەرۆکی حکومەتی ماوەبەسەرچوو رایگەیاند، بڕیارماندا کە لە زووترین کاتدا، رێگە بدەین نەوت لە رێگەی بۆڕی هەرێمی کوردستاندا بڕوات". دەشڵێت، سوپاسی هاوبەشەکانمان دەکەم لە ویلایەتە یەکگرتووەکانی ئەمریکا بۆ رۆڵیان و پشتیوانییە بێوچانیان بۆ ئەم پرۆسەیە.
چاوگێک بە ئێن ئاڕ تی راگەیاند، بەفشاری ئەمریکا هەرێم و بەغدا لەسەر هەناردەکردنی نەوت گەیشتنە لێکتێگەیشتن و بەپێی زانیارییەکان بڕیارە لە دوو رۆژی داهاتوودا رێککەوتن بکرێت بۆ هەناردەکردنەوەی نەوتی عێراق لەڕێگای هەرێمەوە.
پەرلەمانتارێکی نەوەی نوێ لە پەرلەمانی عێراق دەڵێت، بەهۆی بڕیاری تاکلایەنانەی مەسرور بارزانی و تیمەکەی لە وەزارەتی سامانە سروشتییەکان بۆ رێگریکردن لە هەناردەکردنی نەوت، هێزە سیاسییەکانی عێراق دەستەواژەی حکومەتی هەولێر بەکاردەهێنن لە جیاتی حکومەتی هەرێم ئەوەش پەیامێکی مەترسیدارە بۆ داهاتووی هەرێمی کوردستان.
فراکسیۆنی پارتی لە پەرلەمانی عێراق بایكۆتی كۆبوونەوەی ئەمشەوی پەرلەمانی راگەیاند و دەڵێت، کۆبوونەوەكە پێچەوانەی رێوشوێنەکانی یاسادانانە .
پەرلەمانی عێراق لە دانیشتنێکی تایبەتدا و بە ئامادەیی بەرپرسانی باڵای نەوتی بەغدا و هەولێر، هەوڵ بۆ چارەسەرکردنی کێشەی هەناردەکردنەوەی نەوت لەڕێگەی بەندەری جەیهانی تورکیاوە دەدات.
ئێوارەی رۆژی چوارشەممە، ليژنەی باڵای بینینی مانگ بە هەماهەنگی لەگەڵ لێژنە لاوەکیيەکان لە پارێزگا و ئیدارە سەربەخۆکان کۆدەبێتەوە، بە پشتبەستن بە بەڵگە شەرعییەکان و بەشداری یەکێتی زانایان و ئەنجومەنی فەتوای هەرێمی کوردستان یەکەم رۆژی جەژنی رەمەزان دیاریدەکرێت.
عیماد ئەحمەد، لێپرسراوی مەکتەبی راگەیاندنی یەکێتی دەڵێت،هەرێمی کوردستان نابێت بە بەشێک لە ئاڵۆزیەکانی ناوچەکە، وتیشی، هەرێم و بەغدا پێویستە کێشەکانیانن بە دیالۆگ چارەسەر بکەن.
ئەمڕۆ لە شاری سلێمانی، مەراسیمی پرسەی عەلی خامنەیی، رێبەری باڵای پێشووی ئێران بەڕێوەچوو، کە تێیدا ژمارەیەک لە بەرپرسانی حکومی و لایەنە سیاسییەکانی هەرێم بەشدارییان تێدا کرد.
سەرۆکی حکومەتی ماوەبەسەرچوو دەڵێت، هەرێمی کوردستان لەگەڵ ئەوەیە نەوت هەناردە بکرێت و رێگر نییە و پەرۆشی ئەوەین عێراق و هەرێم ئەم قەیرانە ئابووریە تێپەڕێنن. دەشڵێت، دەبێت عێراق رێگری لە هێرشی گرووپە لە یاسا دەرچووەکان بکات.
عەلی لاریجانی یەکێکە لە کەسایەتییە دیار و کاریگەرەکانی گۆڕەپانی سیاسیی کۆماری ئیسلامی ئێران، ئەو وەک سیاسەتمەدارێکی میانڕەو ناسراوە و لە ماوەی چەندین دەیەدا پۆستی زۆر هەستیار و باڵای لە ناو دامەزراوە جیاوازەکانی ئێراندا بەڕێوەبردووە.
داخستنی گەرووی هورمز عێراق ناچار بە بەکارهێنانی رێگای دیکە بۆ هەناردەکردنی نەوتەکەی دەکاتەوە، خۆشی خاوەنی چەند برۆیەکی نەوتە بۆ هەناردەکرندی نەوت بۆ جیهان.
حکومەتی عێراق بڕیاریدا بە بۆنەی جەژنی رەمەزانەوە شهش رۆژ بكرێته پشووی فهرمی و پشووەکە لە سبەینێووە دەستپێدەکات و رۆژی سێشهممه ٢٤ـی ئازار دهوامی فهرمی دهستپێدهكاتهوه.
وەزیری بەرگری ئیسرائیل بە شێوەیەکی فەرمی رایگەیاند، لە هێرشە ئاسمانییەکەی شەوی رابردووی سەر تاران، توانیویانە عەلی لاریجانی، راوێژکاری باڵای رێبەری کۆماری ئیسلامی ئێران و سکرتێری پێشووی ئەنجومەنی باڵای ئاسایشی نیشتمانی بکەنە ئامانج و بیکوژن.
کەشناسی کەشوهەوای ئەمڕۆ و سبەینێی بڵاوکردەوە و رایگەیاند، ئەمڕۆ ئاسمان نیمچە هەوردەبێت و لە ناوچە شاخاویەکان هەوری تەواو دەبێت لە ئێوارە و شەودا دەگۆڕێت بۆ پەڵەهەور و ساماڵ.
کەناڵی ١٢ـی ئیسرائیل رایگەیاند، غوڵام رەزا سلێمانی، فەرماندەی بەسیجی ئێران کوژرا.
هێرشەکانی ئیسرائیل لە ئێران و بەیروت بەردەوامن، لە بەرامبەردا ئێران هەڕەشەی کردنەئامانجی فڕۆکەکانی ئەمریکا دەکات.
پاکستان هێرشێکی ئاسمانی بۆ سەر نەخۆشخانەیەکی کابول لە ئەفغانستان کرد و بەهۆیەوە نزیکەی ٤٠٠ کەس گیانیان لەدەستدا.
وتەبێژی وەزارەتی نەوتی عێراق دەڵێت، لە ١٠ رۆژدا دەست بەهەناردەی نەوتی کەرکوک دەکەنەوە لەبۆرییەکەی عێراقەوە و نەوتەکە دەبرێتە بەندەری جەیهان بەبێ تێپەڕبوون بە هەرێمی کوردستاندا. چاوگێکیش وتی، بەسەرپەرشتی ئەمریکییەکان ئەمڕۆ وەزارەتی نەوتی عێراق و سامانە سروشتییەکانی هەرێم کۆدەبنەوە.
دۆناڵد ترەمپ سەرۆکی ئەمریکا، بەدووری دەزانێت ئیسرائیل لە جەنگی ئێران چەکی ئەتۆمی بەکاربهێنێت، هاوکات ئیدارەکەی ترەمپ لە هەوڵدایە سوپای پاسداران و حزبوڵڵا وەک رێکخراوی تیرۆریستی بناسێنن.
شەوی رابردوو بە درۆن هێرشکرایە سەر سنووری هەولێر و بەپێی زانیارییەکان زیاتر لە ٢٠ هێرشی درۆنی بۆ سەر چەند ناوچەیەکی جیاوازی سنووری هەولێر ئەنجامدراون.
وهزارهتی نهوتی عێراق وهڵامی راگهیهندراوهكهی وهزارهتی سامانه سروشتیهكان دهداتهوه و رایدەگەینێت جێگای سەرسوڕمانە کە وەزارەتی سامانە سرووشتییەکانی حکومەتی هەرێم پرسی هەناردەکردنی نەوتی گرێداوەتەوە بە پرسی مووچەی فەرمانبەرانی هەرێمەوە، ئەم ههنگاوه زیان به بهرژهوهندیهكانی عێراق و هەرێم دهگهیهنێت، ئهگهر هەڵوێستی حكومهتی هەرێم بەردەوام بێت، حكومهتی عێراق ههموو رێوشوێنێكی یاسایی پێویست دهگرێتهبهر.
دوای چەند رۆژێک لە داخران بڕیارە سێ دەروازەی سنووری دیکەی هەرێم لەگەل ئێران بکرێنەوە و بەرپرسی یەکێک لە دەروازەکان دەڵێت، ئێران ئاگاداری کردنەوە بڕیاری کردنەوە دراوە.
رێکخراویسی پی تی ئاماری هێرشەکانی سەر هەرێمی کوردستانی لەسەرەتای شەڕەوە بڵاوکردەوە و رایگەیاند، تا ئێستا زیاتر لە ٣٠٧ هێرشکراوەتەسەر هەرێم و هەشت کەس گیانیان لەدەستداوە و ٥١ـی دیکەش برینداربوون.
شەوی رابردوو سوپای پاسداران رایگەیاند، جارێکی دیکە چەند مووشەکێکی دیکەیان ئاڕاستەی ئیسرائیل کرد و بۆجاری سێیەم سەربازگەیەکی ئەمریکیان لە نزیک فڕۆکەخانی بەغدا کردە ئامانج، سوپای ئیسرائیلیش باسی لەوەکرد، ئێستا زیاتر لە ٤٠٠ چەکداری حزبوڵایان کوشتووە و وتیشیان، خۆیان بۆ قۆناغەکانی داهاتووی جەنگ ئامادە دەکەن .
دوای پەیامەکەی شاسوار عەبدولواحید، بافڵ تاڵەبانیش وتی، لەم کاتەدا کە ناوچەکە ڕووبەڕووی گرژی و ناسەقامگیرییەکی سەخت بووەتەوە، نابێت بە هیچ شێوەیەک ئەو بڕیارانەی پەیوەندییان بە چارەنووس و ژیانی گەلەکەمانەوە هەیە، بە شێوەیەکی تاکلایەنە بدرێن.
لە سنووری پارێزگای ئەنبار، بەهۆی هێرشکردنەسەر خاڵێکی پشکنینی گروپە چەکدارەکانی عێراق، شەش کەس کوژران و چوارى دیکەش برینداربوون.