تەیف سامی لەسەر مووچە پەیامێك بە مووچەخۆران دەدات
وەزیرى دارایی عێراق راکێشانى پارەى سپاردەى دارایی باج بۆ مووچە بە هەنگاوێکى ئاسایی دەزانێت و ئاماژە بەوە دەکات، ئەنجومەنى وەزیران دەسەڵاتى راکێشانى ئەو پارەیەى داونەتێ زیاتر لە سێ تریلیۆن دینارە بۆ تەواوکردنى مووچەى مانگى نیسان و مانگەکانى دواتر.
پۆلیسی پارێزگای هه‌ولێر رایگەیاند، دوو تۆمه‌تباریان بە تۆمەتی دەرۆزە و فێڵکردن لە هاوڵاتییان ده‌ستگیر كرد.
ئەندامێکی سەرکردایەتی یەکێتی بە ئێن ئاڕ تی راگەیاند، ئەگەر لەگەڵ پارتی بۆ هەڵبژاردنی پەرلەمانی عێراق بە یەک لیست بەشدارنەبین دەنگێکى زۆرمان لەدەستدەچێت.
پاسپۆرتی چەمچەماڵ رایگەیاند، "نووسینگەکەمان دەتوانێت پاسپۆرت بۆ سەرجەم هاوڵاتیانی هەرێمی کوردستان لە زاخۆ تا خانەقین لە ماوەی کاتژمێرێکدا دەربهێنن یاخود پاسپۆرتەکانیان بۆ تازە بکەنەوە".
وه‌زیری نه‌وتی عێراق رایگه‌یاند، عێراق له سوته‌مه‌نی گازوایلدا خۆبژێوی به‌ده‌ستهێناوه و كارده‌كات بۆ وه‌ستاندنی سووته‌مه‌نی غاز پێش ساڵی ٢٠٢٨ و سه‌باره‌ت به‌نه‌وتی هه‌رێمیش، به‌هۆی هه‌نارده نه‌كردنه‌وه‌یه‌وه، رۆژانه عێراق به‌بڕی ٣٠٠ هه‌زار به‌رمیل نه‌وت زیانی پێده‌گات.
ئاسایشی عێراق رایگەیاند، لە كەركوك مەترسیدارترین كەسیان دەستگیركردووە كە لەڕێگەی تۆڕە كۆمەڵایەتییەكانەوە هەڕەشەی لە هاوڵاتیانی شارەكە كردووە.
ئیدارەی وزەی ئەمریکا رایگەیاند، لە هەفتەی رابردوودا، عێراق لە ریزبەندیی پێنجەمی هەناردەکارانی نەوت بووە بۆ ئەمریکا.
وەزیری نەوتی عێراق رایگەیاند، تا کۆتایی ئەمساڵ ٧٠٪ی پێویستیی غازی سروشتی پڕ دەکەنەوە و هاوردەکردنی بەنزینیش لە دەرەوە رادەگرن.
ئەندامانی ئۆپیک پڵەس رێککەوتن بۆ مانگی شەش رۆژانە ٤١١ هەزار بەرمیل نەوت زیاتر بەرهەمبهێنن و ئەوەش بەراى پسپۆڕانى ئابوریی هیچ بوارێک بۆ بەرزکردنەوەى نرخى نەوت ناهێڵێتەوە.
كۆمسیۆنی باڵای سەربەخۆی هەڵبژاردنەكانی عێراق رایگەیاند، ماوەی تۆماركردنی هاوپەیمانێتییەكان بۆ هەڵبژاردنی داهاتوی پەرلەمانی عێراق تاوەكو كۆتایی دەوامی فەرمی رۆژی ١٤ی ئەم مانگە درێژكرایەوە.
پاش چەندین دانیشتنی دادگا لەسەر سکاڵایەکی رۆژنامەنووس کاوە گەرمیانی، فەرمانی گرتن بۆ بەڕێوەبەری پێشووی ئاسایشی کەلار دەرچوو.
بەڕێوەبەرایەتی پاسپۆرتی سلێمانی رایگەیاند، هەرکەسێک دەیەوێت مامەڵەی پاسپۆرت ئەنجام بدات، پێویستە خاوەنی کارتی نیشتمانی بێت.
بەهۆی کەمبارینەوە، رێژەی بەرهەمی گەنمی ئەمساڵ کەمی کردووە بەراورد بە ساڵی رابردوو
نوێنەری گشتیی مامۆستایانی گرێبەست ئاشكرای دەكات، كە بەشێكی مامۆستایانی وانەبێژی لادراو، ماوەی ٧ مانگە مووچەیان وەرنەگرتووە.
بەڕێوەبەری گشتیی پەروەردەی سلێمانی رایگەیاند، میکانزیمی گەشتی قوتابخانەکان دەگۆرن لەپێناو سەلامەتی خوێندکاران و ئەو مامۆستایانەی دوای شکاندنی بایکۆت نەگەڕاونەتەوە هۆڵەکانی خوێندن، سزا نادرێن.
وتەبێژی کۆمسیۆنی عێراق رایگەیاند، ئەمڕۆ كۆتا رۆژی تۆماركردنی حزب وهاوپه‌یمانێتییه‌كانه لە كۆمسیۆن، كه ده‌یانه‌وێت به‌شداریی هه‌ڵبژاردنی داهاتووی پەرلەمانی عێراق بكه‌ن، هاوکات ئەمڕۆ ئەنجومەنی باڵای کۆمیسیاران کۆدەبنەوە بەمەبەستی درێژکردنەوەی وادەی تۆمارکردنی لیستی هاوپەیمانێتییەکان.
کەشناسی هەرێم بڕی بارانبارینی ٢٤ کاتژمێری رابردووی ناوچەکانی هەرێمی بڵاوکردەوە و بە پێی ئامارەکە، زۆرترین بڕی باران لە حاجی ئۆمەران باریوە.
پارتی سۆسیالیست دیموکراتی کوردستان رایگەیاند، داوا دەکەن پەلە بکرێت لە پێکهێنانی حکومەتی هەرێم.
بومەلەرزەیەک لە سنوری خانەقین رویدا و تا ئێستا نازانرێت بە گوڕی چەند بووە.
دوای بڵاوبونەوەی چەند هەواڵێک لەسەر نەبوونی پارەی نەختینە، بانکی رافیدەین رایگەیاند، هەواڵەکان ناراستن و هیچ قیرانێکی نەختینەییان نییە و خاوەنی زیاتر لە هەشت ترلیۆن دینار یەدەگن لە بانکی ناوەندیی عێراق.
بڕیارە ئەمڕۆ شاندی هەڵبژاردنی پارتی و یەکێتی بۆ تاوتوێکردنی بەشداریکردن لە هەڵبژاردنی خولی شەشەمی پەرلەمانی عێراق لە هەولێر کۆببنەوە.
پەرلەمانتارێکی عێراق رایگەیاند، سەرۆک وەزیرانی عێراق، بریاری لەسەر خەرجکردنی سەرەمووچەی مانگی چوار و دەرماڵەی بڕوانامە و شایستەی دارایی مووچەخۆران داوە.
بە پێی دواین زانیاری لەسەر مووچەی مانگی چوار، بڕیارە لە ئەمڕۆوە رێکارەکانی ناردنی مووچەی مانگی چوار بۆ هەرێم لە دارایی عێراق دەستپێبکات و شاندێکی حکومەتی کاربەڕێکەریش گەیشتنە بەغدا.
دوای ئەوەی زێڕ نزیکەی ٢٠٠ دۆلار لە نرخەکەی دابەزی، ئۆنسەیەک زێڕ لە بازاڕەکانی جیهاندا بەراورد بە دوێنێ نرخەکەی جێگیرە و نرخی ئۆنسەیەک زێڕ بە سێ هەزار و ٢٤١ دۆلار مامەڵەی پێوەدەکرێت.
بەهای دۆلار بەرامبەر دینار دابەزی و ئەمڕۆ لە بازاڕەکانی هەرێم ١٠٠ دۆلار بە ١٤٤ هەزار و ٧٠٠ دینار مامەڵەی پێوەدەکرێت، بەراورد بە دوێنێ بەهاکەی نزیکەی ١٠٠ دینار دابەزیوە
دوای ئەوەی نرخی نەوت لە ماوەی رابردوودا بە شێوەیەکی بەرچاو رووی لە دابەزین کردبوو، ئەمڕۆ نرخی نەوت لە بازاڕەکانی جیهاندا بە ٦١ دۆلار و ٢٩ سەنت مامەڵەی پێوەکرا کە بەراورد بە دوێنێ دۆلارێک و ٩٥ سەنت نزمبووەوە
زەنجەفیل بە ماددەیەکی زۆر بەسوود دادەنرێت بۆ تەندروستی، بەو پێیەی ژمارەیەکی زۆر ڤیتامین و کانزا گرنگەکانی تێدایە بەڵام زیادەڕۆی کردن لە خواردنی زیان بە تەندروستی دەگەیەنێت.
فەرماندەی گشتیی هێزەکانی سوریای دیموکرات لە رایگەیاند، هەوڵەکانی سری سورەیا ئۆندەر بۆ سەرخستنی پرۆسەی ئاشتی بۆ هەمیشە لە بیری گەلان دەمێنێتەوە.
وه‌زیری ده‌ره‌وه‌ی ئێران رایگەیاند، وڵاته‌كه‌ی نایەوێت ده‌ستبه‌رداری پیتاندنی یۆرانیۆم بێت و وتیشی، هه‌موو وڵاتان مافیان هه‌یه خاوه‌نی به‌رنامه‌ی ئه‌تۆمی بن بۆ بواری ئاشتی.
رێبەری زیندانی کراوی کورد رایگەیاند، سرەی سورەییا ئۆندەر کۆشش و ماندووبوونێکی لەبیرنەکراوی هەبوو بۆ پێکەوە ژیان لە ئاشتیدا و سەرۆکی تورکیاش دەڵیت، سری سورەییا رۆڵێکی گرنگی لە پرۆسەی تورکیایەکی دوور لە تیرۆر هەبوو.