مەسعود بارزانی: ئەو مامەڵەیەی بەغدا لەگەڵ مووچەخۆران دەیکات جێگەی قبووڵ نییە
سه‌رۆكی پارتی رایگه‌یاند، پێویسته له‌م قۆناغه‌دا پابه‌ندبوون به ده‌ستووری عێراق رابگه‌یه‌نرێت و ئه‌گه‌ر نه‌گه‌ڕێنه‌وه بۆ ده‌ستوور دۆخی عێراق سه‌قامگیر نابێت، هه‌ر لایه‌نێكیش بیه‌وێت كاری به زۆرینه بكات له عێراق سه‌رناگرێت، ده‌شڵێت، ره‌فتاری به‌غدا له‌باره‌ی مووچه‌وه چیتر قابیلی قبوڵكردن نیه.
کەشناسی هەرێم رایگەیاند، ئەمڕۆ بارینی تاوەباران و بروسکەی پچر پچر لەزۆربەی ناوچەکانی هەرێم بەردەوام دەبێت تاکو درەنگانی ئەمشەو، دواتر کەشوهەوا سەقامگیر دەبێتەوە و پلەکانی گەرما بەرز دەبنەوە و سبەینێ ئاسمان ساماڵ دەبێت.
فراکسیۆنی نەوەی نوێ لە پەرلەمانی کوردستان رایگەیاند، دژی گرانکردنی نرخی کارەباین و بێدەنگ نابین لێی و هەموو رێکارێکی یاسایی دژی دەگرینەبەر.
لە نەخۆشخانەیەکی شاری سلێمانی تەنێکی نامۆ لە سورێنچکی هاوڵاتییەکی تەمەن ٢٣ ساڵ دەرهێندرا.
بەرەبەیانیی ئەمڕۆ هونەرمەندی ناوداری كورد "محەمەد عەباس بارام" لە نەخۆشخانەیەکی وڵاتی ئوردن لە تەمەنی ٧٢ ساڵیدا كۆچی دوایی كرد.
سبەینێ یەکەم کاروانی حاجییانی هەرێمی کوردستان بەرێدەکەون بۆ سعودییە بە مەبەستی ئەنجامدانی فەریزەی حەج.
ئەمڕۆ تاقیکردنەوەی نیشتمانیی قۆناغی نۆی بنەڕەتی دەستیپێکرد، بەڕێوەبەری گشتی پەروەردەی سلێمانیش دەڵێت، بۆ ئەمساڵی خوێندن ٢٩ هەزار و ٧٣٥ قوتابی بەشداری لە تاقیکردنەوەکان دەکەن.
رۆژی زمانی کوردی بەرامبەرە لەگەڵ ١٥ـی ئایاری هەموو ساڵێک، هەر لەم رۆژەدا لە ساڵی ١٩٣٢، یەکەمین ژمارەی گۆڤاری ھاوار بە دەستی جەلادەت عالی بەدرخان لە شاری دیمەشق پایتەختی سوریا بڵاو کراوەتەوە، دواتر پێشنیاز کراوە ئەو رۆژە وەک رۆژی زمانی کوردی دەستنیشان بکرێت، لە ئێستاشدا، رۆژی ١٥ـی ئایاری هەموو ساڵێک وەک رۆژی زمانی کوردی دەناسرێت.
سه‌رۆك وه‌زیرانی عێراق، جه‌ختی له‌وه كرده‌وه كه حكومه‌ته‌كه‌ی بوونی چه‌ك له‌ده‌ره‌وه‌ی ده‌وڵه‌ت ره‌تده‌كاته‌وه، ده‌شڵێت، لوتكه‌ی عەرەبی لە به‌غدا سوپرایزی ده‌بێت.
ئەمڕۆ هەر ئۆنسەیەک زێڕ لە بازاڕەکانی جیهاندا، بە سێ هەزار و ١٤٠ دۆلار مامەڵەی پێوەکرا و نرخەکەی بەراورد بە چەند رۆژی رابردوو نزیکەی ٨٣ دۆلار دابەزیوە و نرخی مسقاڵێک زێڕی عەیارە ٢١ـیش بە ٦٣٩ هەزار دینار مامەڵەی پێوەدەکرێت و بەراورد بە دوێنی نرخەکەی نزیکەی ٢٠ هەزار دینار دابەزیوە.
دوای ئەوەی نرخی نەوت لە ماوەی رابردوودا بە شێوەیەکی بەرچاو رووی لە دابەزین کردبوو، ئەمڕۆ نرخی نەوت لە بازاڕەکانی جیهاندا بە ٦٤ دۆلار و ٤٨ سەنت مامەڵەی پێوەکرا و بەراورد بە دوێنێ نرخەکەی نزیکەی دوو دۆلار دابەزیوە.
سێیەمین خولی فیستیڤاڵی هەزار دەف لە گوندی پاڵنگانی هەورامانی تەخت لە پارێزگای سنە بەڕێوەچوو، زیاتر لە ٦٠ هەزار کەس بە ژن و پیاوەوە سەرقاڵی دەف ژەنین بوون.
شەپۆلێکی خۆڵبارینی چڕ بەشێکی زۆری ناوچەکانی هەرێمی گرتەوە و بەهۆیەوە زیاتر لە ١٠٠ کەس لە کەرکوک و لە سلێمانیش نزیکەی ١٥ کەس رەوانەی نەخۆشخانە کراون، کەشناسی هەرێمیش دەڵێت، ئەمرۆ خۆڵبارین بەردەوام دەبێت و لە هەندێک شوێنیش باران دەبارێت.
ئاسایشی راپەرین رایگەیاند، دەست بەسەر ١٢ کیلۆگرام ماددەی هۆشبەر لە جۆری کریستاڵدا گیرا و سێ بازرگانی ماددەی هۆشبەر دەستگیرکران.
وەزیری خوێندنی باڵای عێراق لە میانەی گفتوگۆکردن لەگەڵ باڵیۆزی كۆماری چین، داوای دامەزراندنی زانکۆیەکی عێراقی - چینی تایبەت بە زیرەکی دەستکرد دەکات.
ئاسایشی هه‌ولێر رایگه‌یاند، ژماره‌یه‌ك تۆمەتباریان ده‌ستگیركردووه کە هەستاون بە دزیکردن و رێگریكردن له هاوڵاتیان، بە پێی دوایین زانیارییەکان، ئه‌و تۆمه‌تبارانه پێشینه‌ی تاوانیان هه‌یه و پێشتر سزادراون و ئازادكراون.
بە مەبەستی پاراستنی جوتیاران لە رووداوی نەخوازراو و ئاگر کەوتنەوە، بەڕێوه‌به‌رایه‌تی گشتی كشتوكاڵی هه‌ولێر چەند رێنماییەک بڵاودەکاتەوە.
سەبارەت بە کارەبا گرانەکە سەرۆکی جوڵانەوەی نوێ وتی، ئەمەى کە قوباد تاڵەبانی و مەسرور بارزانی دەیکەن دزیەکی گەورەیە لە خەڵکی دەکەن و وەک چۆن جاری پێشوو پەرلەمانی کوردستانیان هەڵوەشاندەوە ئەم جارەش پەرلەمانى ئێستا و ئەم حکومەتەش هەڵدەوەشێننەوە.
میدیا عێراقیەکان بڵاویان کردەوە، لە پارێزگای نەینەوا چوارەم حاڵەتی تای خوێنبەربوون لە ماوەی دوو هەفتەدا تۆمار کرا.
دوای ئەوەی وتەبێژی حکومەتی کاربەڕێکەر رایگەیاند، بە تێکڕای دەنگی وەزیرەکان حکومەت نرخی کارەبا گرانەکەی جێگیرکرد، کەمێک پێش ئێستا حکومەتی کاربەڕێکەریش رایگەیاند، ئەجومەنی وەزیران نرخی کارەبا گرانەکەی پەسەندکردووە.
نوێنەرێکی گشتی مامۆستایانی گرێبەست رایگەیاند، هەفتەی داهاتوو مووچەی مانگی نیسانی مامۆستایانی گرێبەست لە سەرتاسەری کوردستان دابەشدەکرێت.
ئەمیری قەتەر لە دەوحە پێشوازی لە سەرۆکی ئەمریکا كرد و رێككەوتنی ئابووری و بازرگانیان واژۆكرد و دوای رێککەوتنەکە ترەمپ وتی، هێڵی ئاسمانی قەتەریی داوای كڕینی زیاتر لە ١٦٠ فڕۆكەی لە كۆمپانیای بۆینگ كردووە.
راگەیاندنی بەڕێوەبەرایەتی گشتی کاروباری مینی هەولێر رایگەیاند، دانیشتوانی سنوری چۆمان و ناحیەی گەڵالە و ناحیەی سمیلان ئاگادار دەکەنەوە هەڵدەستن بە لە ناوبردنی ژمارەیەک مین و پاشماوەی تەقەمەنی جەنگی لە بەرزاییەکانی چیای بەردەبووک، بەم هۆیەوە دەنگی تەقینەوەکە بەرز دەبێت.
بەرێوەبەرایەتی گشتی حەج و عومرەی کوردستان رایگەیاند، گۆڕینەوەی ٢ هەزار دۆلار بۆ هەر حاجییەک بە نرخی ١٣٢ هەزارە و لە ئەمڕۆوە حاجیان دەتوانن سەردانی لقەکانی بانکی جیهان بکەن بە مەبەستی سوودمەندبوونیان لەو بڕە پارەیە.
کارمەندانی گرێبەستی تەندروستی لە هەولێر بەهۆی وەرنەگرتنی موچەکانیانەوە گردبوونەوە و دەڵێن، لە مانگی ١٢ـی ساڵی رابردووەوە مووچەیان وەرنەگرتووە.
ئەنجومەنی باڵای دادوەری دەڵێت، دادگای لێکۆڵینەوەی دووەمی کەرخ بڕی شه‌ش ملیار دیناری وه‌رگرته‌وه كه هه‌وڵدراوه به‌رێگه‌ی نایاسایی و سوودوه‌رگرتن له جیاوازی نرخی فه‌رمی له‌گه‌ڵ بازاڕه‌كان دۆلاری لێوه به‌ده‌ستبهێنرێت.
دژی هاتنی عەرەبی هاوردە جوتیارانی سنووری گوندەکانی دووزخورماتوو گردبوونەوەو دەڵێن، عەرەبی هاوردە دەیانەوێت زەوییە کشتوکاڵییەکانیان داگیر بکەن.
وەزیری دەرەوەی عێراق وتی، لوتكەی بەغدا كاریگەری چۆنایەتی دەبێت و گفتوگۆكانیش واقیعی دەبن، دەشڵێت، راگەیاندنی هەڵگرتنی سزاكان لەسەر سوریا هەنگاوێكی گرنگە و ئەوەی ئه‌مڕۆش لە ریاز روویدا لە بەغداش روودەدات و قۆناغێكی تەواوكەرە.
جوتیارانی سنووری گەرمیان بەهۆی ساغنەبوونەوەی بەرهەمەکانیان گردبوونەوە و دەڵێن، هاوردەکردنی پەتاتەی ئێرانی وایکردووە بەرهەمەکانی ئەوان ساغنەبێتەوە.
وتەبێژی حکومەتی کاربەڕێکەر وتی، بە تێکڕای دەنگی وەزیرەکان حکومەت نرخی کارەبا گرانەکەی جێگیرکرد، پارتی و یەکێتی لە رێگەی حکومەتی کاربەڕێکەرەوە نرخی کارەبایان تا زیاتر لە ١٥ هێندەی ئێستا گرانکرد لەسەر هاوڵاتیان.