رووداوێکی هاتووچۆ لەژێر پردی تاسلوجە روویدا
پەیامنێری ئێن ئاڕ تی رایگەیاند، لەژێر پردی تاسلوجە رووداوێکی هاتووچۆ روویداوە کە بارهەڵگرێک خۆی کێشاوە بە چەند ئۆتۆبێلێکدا.
وتەبێژی وەزارەتی دەرەوەی ئێران رایگەیاند، کە گۆڕانکاری لە کاتی بەڕێوەچوونی خولی داهاتووی دانوستانە ناڕاستەوخۆکانی نێوان ئێران و ئەمریکا کراوە، کە بڕیار بوو رۆژی شەممە لە شاری رۆما بەڕێوەبچێت.
لە بنەسڵاوەی هەولێر، کرێکارێک لە کاتی کارکردندا بەهۆی ئەوەی دیوارێک بەسەریدا دەڕووخێت گیان لەدەستدەدات.
سەرۆک وەزیرانی عێراق، سپۆنسەری مەراسیمی واژۆکردنی رێککەوتننامەی هاوکاریی وزە و دوو گرێبەستی چاککردنەوە لەگەڵ کۆمپانیای سیمێنس ئینێرجی ئەڵمانی کرد.
راوێژکاری ئاسایشی نیشتمانیی ئەمریکا و جێگرەکەی، دەستیانلەکارکێشایەوە بەهۆی لەدەستدانی متمانەی بەرپرسانی دیکەی ئیدارەی ئەمریکا.
وەزارەتی گواستنەوە و گەیاندنی عێراق رایگەیاند، بەهۆی خۆڵبارینەوە سەرجەم گەشتە ئاسمانییەكان لە فڕۆكەخانەی نێودەوڵەتیی بەغدا راگیران.
وەزیری دەرەوەی سەڵتەنەی عومان رایگەیاند، گەڕی چوارەمی دانوستانەکانی نێوان ئێران و ئەمەریکا دواخرا، کە بڕیاربوو دوو رۆژی دیکە لە رۆما بەڕێوەبچێت.
بەڕێوەبەرایەتیی تەندروستیی راپەڕین رایگەیاند، بەهۆی سەرپێچییەوە، چەند دەرمانخانە و نۆرینگەیەکی تەندروستی و کلینکی ددان سزادران و داخران.
بەڕێوەبەری چاکسازیی دهۆک دەستگیرکردنەوەی زیندانە هەڵاتووەکە راگەیاند و دەڵێت، سزای زیندانییەکە ساڵی ٢٠٢٩ کۆتایی دێت.
بانکی ناوەندیی عێراق رایگەیاند، بڕی دوو هەزار دۆلار بە نرخی فەرمی (هەزار و ٣٢٠ دینار بۆ هەر دۆلارێک)، بە حاجییانی عێراقی دەفرۆشرێت.
سەرۆک وەزیرانی عێراق رایگەیاند، ئەو کرێکارانەی کە بیمەیان هەیە لە کەرتی تایبەت لەگەڵ فەرمانبەران یەکسانن لە رووی پێدانی قەرز و زەوی نیشتەجێبوونەوە و بۆ ئەو مەبەستەش رێنماییەک بۆ بانکەکان دەردەکرێت.
قایمقامییەتی سلێمانی حەوت شوێنکاریان داخستووە و هەزار و ١٠٤ شوێنیان ئاگادار کردووەتەوە و شوێنێکیشیان رادەستی دادگا کردووە لەپێناو پاراستنی کرێکاران و پێشێلنەکردنی مافەکانیان.
ئاگر لە کارگەیەکی شیش لە شەقامی مەخمور لە شاری هەولێر کەوتەوە تیمەکانی بەرگریی شارستانیی گەیشتوونەتە شوێنی رووداوەکە.
سەرۆکی لقی سلێمانیی سەندیکای کرێکارانی کوردستان، رایگەیاند، هەر کرێکارێک ئەمڕۆ کار بکات دەبێت خاوەن کار کرێی دوو رۆژی پێبدات.
بەڕێوەبەری نەخۆشخانەی هیوا دەڵێت، ئەو داهاتەی بۆ سندوقی شێرپەنجە دابین کراوە ناگەڕێتەوە بۆ نەخۆشخانەکەمان. کێشەی دارایی چارەسەرنەکرێت ناتوانین وەک پێویست دەرمان بۆ نەخۆشخانەی هیوا دابینبکەین.
کەشناسی هەرێم هۆشداریی دەداتە هاوڵاتیان، کەشی هەرێم و عیراق ناسەقامگیر دەبێت و رەشەبا و هەورەبروسکە و تاوەباران دەبێت، خۆڵبارینیش بەردەوام دەبێت.
نێچیرڤان بارزانی، بە بۆنەی رۆژی جیهانی کرێکارانەوە دەڵێت، پشتگیريی لە تەواوی مافەکانی کرێکاران و داوا رەواکانیان له هەرێمی کوردستان دەکات.
لە غەززە قەیرانی برسییەتی دەچێتە قۆناغێکی مەترسیدار و بەهۆیەوە گرووپێکی فەڕەنسی مانیان گرتووە.
وتەبێژی بەڕێوەبەرایەتی كارەبای سلێمانی دەڵێت، تا كۆتایی ئەمساڵ، پڕۆژەی رووناكی تەواوی ناو شاری سلێمانی دەگرێتەوە و لە ئێستادا ١٠ گەڕەك و ١٣ هەزار هاوبەش لە سلێمانی چوونەتە ناو پڕۆژەی رووناكی.
سەرۆکی دانیشتنی یەکەمی پەرلەمان لە کۆنفرانسی رۆژنامەنوسی فراکسیۆنی نەوەی نوێ رایگەیاند، هەڵنەبژاردنی دەستەی سەرۆکایەتی پەرلەمان پێچەوانەی یاسایە.
بەرپرسێکی دارایی عێراق بە ئێن ئاڕ تی راگەیاند، چاوەڕوان دەکرێت سەرەتای هەفتەى داهاتوو پارەی مووچەی مانگی چوار ڕەوانەی هەرێم بکرێت و هۆکاری دواکەوتنی پارەکە بوونی کێشە بووە لە لیستی مووچە.
سەرۆكی حكومەتی کاربەڕێکەر بەبۆنەی رۆژی جیهانی کرێکارانەوە پەیامێک ئاڕاستە دەکات و دەڵێت، كرێكاران بەشداریی كارایان هەبووە لە پرۆسەی ئاوەدانكردنەوەی هەرێمی كوردستان.
دوای هێرشەکەی هەفتەی رابردوو بۆ سەر هاوڵاتیانی مەدەنی کشمیر لە هیندستان، سەرۆک وەزیرانی هیندستان، ئازادی تەواوی بە سەربازەکانی بەخشی بۆ وەڵامدانەوەی هێرشەکە و ئاسمانی خۆی بەڕووی ئەو فڕۆکانەدا داخست کە لە پاکستان تۆمارکراون.
جێگری سەرۆکی حکومەتی کاربەڕێکەر سەبارەت بە رۆژی جیهانی کرێکاران رایگەیاند، گەشەسەندنی راستەقینە بەدی نایەت بەبێ هێزێکی کاری شارەزا.
تیمی هەژماری من دەڵێت، لە ماوەی چوار رۆژدا زیاتر لە دوو هەزار كارتیان لە سلێمانی بۆ مووچەخۆران گەڕاندووەتەوە و لە پڕۆژەكەدا سوودمەند بوون.
رۆژی یه‌کی ئایار وه‌ک رۆژێک بۆ چینی کرێکار له میژوودا په‌یوه‌سته به خه‌باتی کرێکارانەوه، کە تیایدا داوایان دەکرد کاتژمێرەکانی کارکردنیان بۆ هەشت کاتژمێرلە رۆژێکدا بۆ کەم بکرێتەوە، ئه‌م رۆژه‌ش لە سەدەی نۆزدە‌‌وه له ئه‌مریکا کراوه به رۆژی پشوو.
بەڕێوەبەرایەتی حەج وعومرەی هەرێمی كوردستان رایگەیاند، بۆ ئەمساڵ، ٥ هەزارو ١٣٦ هاوڵاتی هەرێمی كوردستان فەریزەی حەج جێبەجێ دەكەن.
کەشناسی هەرێم دەڵێت، لە سبەینێوە کەشوهەوا ناسەقامگیر دەبێت، بەپێی پیشبینییەکانیش رەشەبایەکی بەهێز هەڵدەکات و بارانبارین و هەورە بروسکەیشی لەگەڵدا دەبێت.
نرخی زێڕ بەردەوامە لە دابەزین و ئەمڕۆ نرخی ئۆنسەیەک زێڕ لە بازاڕەکانی جیهاندا ٦٥ دۆلار نزمبووەوە بەراورد بە دوێنێ.
دوای ئەوەی نرخی نەوت لە ماوەی رابردوودا بە شێوەیەکی بەرچاو رووی لە دابەزین کردبوو، ئەمڕۆ نرخی نەوت لە بازاڕەکانی جیهاندا بە ٦١ دۆلار و یەک سەنت مامەڵەی پێوەکرا کە بەراورد بە دوێنێ چوار دۆلار و دوو سەنت نزمبووەوە.