باڵیۆزخانەی ئەمریکا لە بەغدا: هەواڵی کشانەوەی تەواوەتی هێزەکانمان لە عێراق ناڕاستن
باڵیۆزخانەی ئەمریکا لە عێراق ئەو هەواڵانەی رەتکردەوە کە باس لەوە دەکەن هێزەکانی ئەمریکا لە سبەینێوە بەتەواوی بەغدا چۆڵ بکەن و ده‌ڵێت، ئه‌و ده‌نگۆیانه "نادروستن".
باڵیۆزخانەی ئەمریکا لە ئەو دەنگۆیانە رەتدەکاتەوە کە باس لەوە دەکەن سبەینێ هێزەکانی ئەمریکا بە تەواوی بەغدا چۆڵدەکەن.
دوای ئەوەی دەنگۆی گیانلەدەستدانی کەسێک بڵاوبووەوە کە بەهۆی ناوک کەوتنەوە سەردانی مەلایەکی کردووە و مەلاکەش بە مەبەستی چارەسەر لەو کەسەی داوە و ئەمەش بووەتە هۆی گیانلەدەستدانی، وەزیری تەندروستی لەم بارەیەوە دەڵێت،" شتێک نیە بەناوی ناوک کەوتن"
گرفتی بێ ئاوی چەمچەماڵ بەردەوامە و دانیشتوانەکەی بە دوو هەفتە جارێک ئاویان بۆ بەردەدرێتەوە و دەڵێن، هەموو هەڵبژاردنێک بۆ بانگەشە دەستدەکەنەوە بە کارکردن لە پرۆژەی ئاوی گۆپتەپە و دوای هەڵبژاردنیش وازیلێدەهێنن.
دوای کشانەوەی هێزەکانی ئەمریکا لە ناوچەی عەین ئەسەد، كه‌ناڵى حه‌ده‌س لە زاری چاوگێکەوە دەڵێت، سبەینێ هیزەکانی ئەمریکا ناوچەی سەوز و فڕۆکەخانەی بەغداش چۆڵ دەکەن.
هاتووچۆی دهۆک دەڵێت، لە سنووری سێخان بەهۆی رووداوێکی سەختی هاتووچۆ نێوان دوو ئۆتۆمبێلدا، کەسێک گیانی لەدەستدا و کەسێکی تریش برینداربوو
دوای کەوتنە خوارەوەی فڕۆکەیەک لە شاخی ئەزمەڕ، لە میدیا ناوخۆییەکاندا دەنگۆی ئەوە هەبوو کە فڕۆکەوانەکەی گیانی لەدەستداوە، بەڵام هاتوچۆی سلێمانی تەواوی ئەو دەنگۆیانەی رەتکردەوە.
سایلۆی سلێمانی دەڵێت، ئەو جوتیارانەی کە لە ساڵەکانی ٢٠١٤، ٢٠١٥، ٢٠١٦، گەنمیان رادەستی سایلۆکەیان کردووە و تاوەکو ئێستا پارەیان وەرنەگرتووە، پێویستە سەردانیان بکەن و بەڵگەنامەی پێویستیان پێبێت.
هاتووچۆی سلێمانی دەڵێت، لە میانەی هەوڵی رزگارکردنی شۆفێر و سەرنشینانی ئۆتۆمبێلێک کە بە رووداوێکی هەڵدێران کەوتبووە خوارەوە لە شاخی هەڕووتە، هەلیکۆپتەرێکی فریاگوزاری لەو کاتەدا تووشی هەڵەیەکی تەکنیکی بووە و کەوتووەتە خوارەوە.
بە گوێرەی راپۆرتی میدیا یەمەنی و ئیسرائیلییەکان، سەرۆک وەزیرانی حوسییەکانی یەمەن لە هێرشێکی ئاسمانیدا کوژراوە.
چاوگێکی ئەمنی بە ئێن ئار تی وت، لە چیای ئەزمەڕی سنووری سلێمانی شۆفێرێک بەهۆی کەوتنەخوارەوەی ئۆتۆمبێلەکەی گیانی لەدەستدا، هەلیکۆپتەرێکیش لە هەوڵی دەرهێنانی تەرمەکەی کەوتە خوارەوە.
وەزارەتی دەرەوەی ئەڵمانیا هۆشداری بە هاوڵاتیانی دەدات کە نەچن بۆ ئێران و دەشڵێت، ئەو هاوڵاتیانەی لەوێن خێرا وڵاتەکە بەجێ بهێڵن.
بەڕێوەبەری نەخۆشخانەی خەلیفان بە ئێن ئاڕ تی وت، لە گوندێکی سنووری خەلیفان بەهۆی شەڕ و دەمەقاڵێ نزیکەی ١٢ کەس برینداربوون
دوای کۆنترۆڵکردنی ئاگری گوندی هەڵاڵاوای سنووری پێنجوێن، درەنگانی شەوی رابردوو دووبارە سەری هەڵدایەوە و بەهۆیەوە دوو کەس کە سەرقاڵی کوژاندنەوەی ئاگرەکە بوون، بە سەختی سووتان و برینداربوون؛ ئاگرەکە تاوەکو ئێستاش کۆنترۆڵ نەکراوە.
بەرپرسی هەواڵگری عێراق لەگەڵ سەرۆکی سوریا کۆبووەوە. میدیا عێراقییەکانیش دەڵێن، تەوەرێکی کۆبوونەوەکە پرسی چالاککردنەوەی هێڵی بۆریی نەوتی کەرکوک - بانیاس بووە.
لەگەڵ نەهێشتنی موەلیدەی جێگرەوە بۆ ئەم حاڵەتانە، بەڕێوەبەرایەتیی دابەشکردنی کارەبای سلێمانی دەڵێت، سبەینێ بەهۆی گۆڕینی کێبڵی ژێرزەمینی گۆڕەری ژمارە ٢٧، ئەمشەو تا سبەی نیوەڕۆ، شەقامی مەولەوی بێ کارەبا دەبێت.
ئاسایشی سلێمانی دەڵێت، چوار کەس بە تۆمەتی کوستنی هاوڵاتییەک لە دهۆک کە پێشتر هەڵهاتبوون، لە ئوتێلێکی سلێمانی خۆیان حەشاردابوو، دەستگیرکران.
دوای ئەوەی سەردانی عەبدوڵا ئۆجەلانییان کرد، شاندی ئیمراڵی لە راگەیەنراوێکدا دەڵێت، بۆ ماوەی سێ کاتژمێر لەگەڵ ئۆجەلان گفتوگۆمان کرد وتویەتی، ئامانجیان کۆتاییهێنانە بە قۆناغی ئازار و دەردەسەری.
کەشناسی هەرێم کەشی ئەمرۆ و سبەی بڵاوکردەوە و دەڵێت، ئەمڕۆ ئاسمان سامال دەبێت و سبەینێش پلەکانی گەرما بەرزدەبنەوە.
کاردانەوەی واشنتن لەبارەی سەپاندنەوەی سزاکان بەسەر ئێراندا لەلایەن وڵاتانی بەریتانیا، ئەڵمانیا و فەرەنسا جیاوازە، ئەمریکا دەڵێت، ئامادەن بۆ گفتوگۆی راستەوخۆ لەگەڵ تاران بە مەبەستی چارەسەرکردنی پرسی بەرنامە ئەتۆمییەکەیان و ئیسرائیلیش گێڕانەوەی سزاکان بۆسەر تاران بە هەنگاوێکی گرنگ دەزانێت.
تەندروستی عێراق دەرگای دامەزراندنی بۆ بەشێک لە دەرچووانی کۆلێژە پزیشکییەکان کردەوە و دەڵێت، دەرگای داخستنی فۆرم بۆ دەرچووانی هەرێم ١ـی ئەلیلول دەبێت.
ده‌سته‌ی سه‌ربه‌خۆی مافی مرۆڤ له هه‌رێمی كوردستان دەڵێت، نیگه‌رانن له هێرشكردنه‌سه‌ر ئه‌و كه‌سانه‌ی له كاتی دادگایی شاسوار عه‌بدولواحید ئاماده‌بوون، وه‌ك پەرلەمانتارانی نەوەی نوێ، ده‌شڵێت، "دژی هه‌موو جۆره پێشێلكاریه‌كین و به‌هه‌موو شێوه‌یه‌ك توندوتیژی ره‌ت ده‌كه‌ینه‌وه".
بەبێ گوێدانە نارەزایی هاوڵاتییان لە گرانی نرخەکەی، حکومەتى ماوەبەسەرچوو دەڵێت، کارەباگرانەکەیان گەیاندووەتە تەواوی گەڕەکەکانی ناو سەنتەری سلێمانی.
وەزارەتی نەوتی عێراق ئاماری فرۆشتنی نەوتی بۆ مانگی تەمموز راگەیاند و بەپێی داتاکە عێراق لەمانگی تەمموزدا بەبڕی حەوت ملیار و ١٨٤ ملیۆن و ٨٠٤ هەزار دۆلار نەوتی فرۆشتووە.
چاوگێک لە وەزارەتی دارایی عێراق بە ئێن ئاڕ تی وت، بەهۆی درەنگ رادەستکردنی ١٢٠ ملیارەکەی داهاتی ناوخۆ لەلایەن هەرێمەوە، ناردنی مووچەی مانگی شەش کەوتە هەفتەی داهاتوو.
پەرلەمانتارێکی نەوەی نوێ لە پەرلەمانی عێراق دەڵێت، "له‌ناو دادگای سلێمانی بە بەرچاوی سەرۆکی دادگاوە ده‌یان (به‌ڵته‌جی یه‌كێتی) كه‌وتنه گیانمان و به‌چه‌ندین كه‌س لێیانداین".
لە رۆژى یەکشەممەوە، شەقامى تاسلوجە بە ئاراستەى پردە کۆنەکە دادەخرێت، بەمەش ئەو شۆفێرانەى لە دوکانەوە دەچنە سلێمانى پێویستە رێگەى جێگرەوە بەکاربهێنن.
پەیامنێری ئێن ئاڕ تی وتی، هاوڵاتییەک لە شارەزوور لەکاتی کارکردندا بەهۆی تەزووی کارەباوە گیانی لەدەستدا.
کەمێک پێش ئێستا لە دوو رووداوی هاتووچۆدا لەسەر رێگای چەمچەماڵ - تەکیە حەوت کەس برینداربوون و برینی چەند کەسێکیان سەختە.
پسوڵەی خۆراکی سلێمانی دەڵێت، بەشێک لە هاوڵاتییان کێشەکەیان چارەسەربووە و بۆ مانگی هەشت دەتوانن بەشە خۆراک وەربگرن.