کاندیدی سەرۆک وەزیرانی عێراق یەکلایکرایەوە
چاوگێک لە چوارچیوەی هەماهەنگی بە ئێن ئاڕ تی راگەیاند، عەمار حەکیم وخەزعەلی رازیبوون بە کاندیدکردنەوەی مالیکی بۆ پۆستی سەرۆک وەزیران.
وەزارەتی دارایی عێراق دەڵێت، وەزیری دارایی پێشوازی لە شاندێکی بانکی نێودەوڵەتی کرد و کۆبوونەوە، لە کۆبوونەوەکەدا تیشکخرایە سەر زیادکردنی داهاتی نانەوتی، لە رێگەی ئەلکترۆنیکردنی سیستمی باج و گومرگ، تەیف سامی وتی، حکومەتی عێراق سوورە لە جێبەجێکردنی چاکسازیی قووڵی پێکهاتەیی، بە ئامانجی هەمەجۆرکردنی سەرچاوەی داهاتی نیشتمانی و کەمکردنەوەی پشتبەستن بە داهاتی نەوت لە بودجەی گشتیدا بە کاراکردنی سیستمی باجی ئەلیکترۆنی و کۆنتڕۆڵکردنی دەروازە سنوورییەکان.
شەڕ و رووبەڕووبوونەوەکانی نێوان هێزەکانی هەسەدە و چەکدارانی دیمەشق لە ناوچەکانی حەسەکە و کۆبانێ بەردەوامە و شەوی رابردوو دوو تەقینەوەی بەهێز لە دوو شوێنی سەربازی هەسەدە لە قامیشلۆ.
کەشناسی دەڵێت، ئەمڕۆ ئاسمان ساماڵ و پەڵە هەور دەبێت و سبەینێش بەفر دەبارێت.
بارەگای بارزانی دەڵێت، مەسعود بارزانی و ئەحمەد شەرع پەیوەندییەکی تەلەفونییان ئەنجامدا و دۆخی سوریا و راگرتنی شەڕ و پاراستنی مافی کورد گفتوگۆی لەسەرکراوە.
وتەبێژی کۆشکی سپی دەڵێت، فڕۆكەكەی سەرۆكی ئەمریكا كە بەرەو داڤۆسی سویسرا دەچوو، بەهۆی كێشەی تەكنیكیی كارەباییەوە ناچاربوو بگەڕێتەوە بنكەی ئەندرۆز، دواتر فڕۆكەكەیان گۆڕیو و گەشتەكە ئەنجام درا.
ڤیتامینE ماددەیەکی خۆراکی گرنگە کە پێویستە بۆ جەستە،بەو پێیەی رۆڵێکی سەرەکی دەگێڕێت وەک دژە ئۆکسێنەر پارێزگاری لە خانەکان دەکات و لە تێکچوون دەیانپارێزێت.
وتەبێژی پارتی ئازادیی کوردستان بە ئێن ئاڕ تی راگەیاند، بەرەبەیانیی ئەمڕۆ جارێکی تر بەموشەک و درۆن هێرشکرایە سەر بارەگایەکیان لەسەر رێگای هەولێر - دهۆک لەلایەن ئێرانەوە و کەسێک شەهید بوو.
نرخی زێڕ لە بازاڕەکانی جیهاندا بەرزبووە و ئەمڕۆ یەک ئۆنسە لەو کانزا زەردە بە چوار هەزار و ٨٧٠ دۆلار مامەڵەی پێوەدەکرێت و مستقاڵێک زێڕی عەیارە ٢١ بە ملیۆنێک و دوو هەزار دینارە.
نرخی نەوت لە بازاڕەکانی جیهاندا دابەزی و نرخی بەرمیلێک نەوتی خاوی برێنت بە ٦٤ دۆلار و ١٥ سەنت مامەڵەی پێوە دەکرێت.
سەرۆک وەزیرانی عێراق، لە پەیوەندییەکی تەلەفۆنیدا لەگەڵ فەرماندەی گشتیی هێزەکانی سووریای دیموکرات، گفتوگۆیان لەبارەی مەترسییە ئەمنییەکانی سووریا کرد و سوودانی جەختی لەوە کردەوە کە دەبێت ڕێگری لە هەڵاتنی تیرۆریستان لە زیندانەکان بکرێت.
محەمەد شیاع سودانی و ئەحمەد شەرع پەیوەندییەکی تەلەفۆنییان ئەنجامدا، تێیدا سەرۆک وەزیرانی عێراق داوای لە سەرۆکی سوریا کرد مافی کورد و پێکهاتەکانی دیکەی وڵاتەکە پارێزراو بێت.
جێگری سەرۆکی حکومەتی ماوەبەسەرچوو لە پەیامێکدا لەبارەی هێرشەکان بۆ سەر رۆژئاوای کوردستان دەڵێت، هێرش بۆ سەر رۆژئاوا هێرشە بۆ سەر شکۆ و کەرامەتی کورد لە هەموو جیهان".
پارێزگای هەولێر رایگەیاند، بەهۆی سەرما و سۆڵەوە، سبەینێش لە ناوەندەکانی خوێندنی حکومی و نا حکومی پشووی فەرمی دەبێت.
فەرماندەی گشتیی هێزە چەکدارەکانی عێراق رایگەیاند، سنوورەکانی عێراق، لەگەڵ سوریا، بە تەواوی پارێزراون. دەشڵێت، پێویستە کۆمەڵگەی عەرەبی و نێودەوڵەتی کار بکەن بۆ دۆزینەوەی چارەسەری خێرا لە سوریا.
یەکێتی زانایانی ئیسلامی کوردستان پەیامەكەی ئەوقافی سوریا بە پەڵەیەكی رەش ناودەبات و دەڵێت، ئەو هەنگاوە بە هەموو پێوەرێک پێچەوانەی ئایینی پیرۆزی ئیسلامە، داواش لە وتاربێژان دەكات لەوتاری هەینی داهاتوو، سەركۆنەی هێڕشەکان بكەن كە دژ بە ئایین و ئینسانیە و بۆ خەڵکی روون بکەنەوە.
ئیدارەی سۆران بڕیاریدا، رۆژانی چوارشەممە و پێنچشەممە لە چۆمان، سیدەکان، مێرگەسۆر، رواندز و و خەلیفان بکرێنە پشوو.
فەرماندەیی گشتیی هێزەکانی سووریای دیموکرات (هەسەدە)، پابەندبوونی تەواوی خۆی بە رێککەوتنی ئاگربەست لەگەڵ حکومەتی سووریا راگەیاند و ئامادەیی نیشاندا بۆ جێبەجێکردنی رێککەوتننامەی ١٨ـی کانوونی دووەمى ٢٠٢٦.
مەسعود بارزانی رایگەیاند، بە وردی بەدواداچوون بۆ پەرەسەندنەکانی دۆخی سوریا دەکەن و داواش لە كۆمەڵگەی نێودەوڵەتی و هاوپەیمانان دەكەن بە بەرپرسیارێتیی خۆیان هەڵبستن و دەستبەجێ گرژی و شەڕ و پێکدادانەکان رابگیرێن.
سەرۆکایەتیی سووریا، بە فەرمی رایگەیاند کە لەگەڵ هێزەکانی سووریای دیموکرات (هەسەدە) گەیشتووینەتە لێکتێگەیشتنێکی هاوبەش سەبارەت بە چارەنووسی پارێزگای حەسەکە و شێوازی تێکەڵکردنەوەی هێزەکان و ئیدارەی ناوچەکە.
فەرماندەی گشتیی هێزەکانی سووریای دیموکرات (هەسەدە)، لە لێدوانێکیدا رەوشی سەربازیی باکوور و رۆژهەڵاتی سووریای بە مەترسیدار وەسف کرد. دەشڵێت، "ناوچە کوردییەکان هێڵی سوورن و بە توندی بەرگرییان لێدەکەن".
وەزارەتی بەرگریی سوریا رایگهیاند، ئامادەیی تەواوی خۆیان رادەگەیەنن بۆ وەرگرتنی کەمپی هۆڵ و تەواوی زیندانەکانی داعش لە ناوچەکەدا، دهشڵێت، "جەخت لەسەر پابەندیی خۆمان دەکەینەوە بۆ پاراستنی خەڵکە کوردەکەمان و پاراستنی ئاسایشیان و دوبارە بەڵێن دەدەین کە هێزەکانمان ناچنە ناو گوند و شارۆچکە کوردییەکان".
هێزەکانی سووریای دیموکرات (هەسەدە) بڕیاری کشانەوەی لە ناو کەمپی هۆل راگەیاند و هۆکارەکەشی بۆ بێباکیی کۆمەڵگەی نێودەوڵەتی بەرامبەر مەترسییەکانی داعش دەگێڕێتەوە.
مەكتەبی سیاسیی یەكێتیی رایگهیاند، نیگهرانن لهو رووداوانهی له رۆژاڤای كوردستان روودهدهن و "سهركۆنهی بێدەنگی بەرامبەر هەڕەشەکردن لە گەلەکەمان دەکەین کە جێی قبوڵ نییە".
کەشناسی هەرێم رێژەی بەفر بارینی ٢٤ کاتژمێری رابردووی لە پارێزگاکانی هەولێر، سلێمانی و دهۆک بڵاوکردەوە و زۆرترین رێژەی بەفر بارین لە سەفین بووە لە سنووری هەولێر.
هەسەدە دەڵێت، هێرشەکان بۆ سەر باشووری کۆبانێ بەردەوامن، بەڵام تەواوی ئەو هێرشانەی کە لەلایەن چەکدارانی دیمەشقەوە کراون تەواویان تێکشکێنراون.
سەرۆکی یەکێتیی جیهانیی موسڵمان دەڵێت، هەسەدە پەیوەست نەبووە بە رێككەوتنەكانەوە بۆیە دەبێت بەرپرسیارێتی هەڵبگرێت و وەک خۆی پشتیوانی لە بڕیارەكانی ئەحمەد شەرع دەكات.
جوڵانەوەی نەوەی نوێ دەڵێت، ئەو قەتڵ و عام و هێرشەی سەر رۆژئاوای کوردستان بە توندتریین شێوە ئیدانە و سەرکۆنە دەکەین.
سەرۆکی جوڵانەوەی نەوەی نوێ لەگەڵ سەرۆکی رەوتی حیکمە و سەرۆکی عەسایبی ئەهلی حەق کۆبووەوە.
سەرۆکی حکومەتی ماوەبەسەرچوو دەڵێت، نیگەرانن بە پەرەسەندنی گرژی و شەڕ لە سوریا و رۆژئاوای کوردستان و پێویستە مافەکانی گەلی کورد بپارێزرێت.