شاسوار عەبدولواحید: پێویستە هاوڵاتیان لەپێناو دروستکردنی گۆڕانکاری بەشداری هەڵبژاردن بکەن
بەڕێوەبەری ناحیەی کەڵەکچی راگەیاند، لە ناحیەی کەڵەکچی لە سنووری دهۆک سێ کەس کوژران کە ئەندامی یەک خێزانن.
بەرپرسی راگەیاندنی فەرمانگەی تەندروستی کەرکوک رایگەیاند، بەهۆی خۆڵبارینەوە لە سنووری پارێزگای کەرکوک ٤٨ کەس سەردانی نەخۆشخانەیان کردووە.
وەزیری کشتوکاڵی عێراق بڕیاریدا گەنمی بەپلان و بێ پلانی پارێزگای کەرکوک بە نرخی پاڵپشتیکراوی حکومی لەسایلۆکان وەربگیرێت.
سەرۆکی جوڵانەوەی نەوەی نوێ رایگەیاند، پێویستە هاوڵاتیان لەپێناو دروستکردنی گۆڕانکاری بەشداری هەڵبژاردن بکەن، بۆ ئەوەی نەوەی نوێ گۆڕانکاری بۆ خزمەتی هاوڵاتیان بهێنێتە کایەوە.
لەکاتی بەڕێوەچوونی کۆڕبەندی وەبەرهێنانی سعودی و ئەمریکی لەریازی پایتەختی سعودییە، سەرۆکی ئەمریکا رایگەیاند، پەیوەندییەکانی نێوان ئەمریکا و سعودییە لە ئاستێکی زۆر باشدایە، لەو چەند مانگەی رابردوو زۆرترین دەستکەوتیان هەبووە، زۆرترین خەڵک لە چەند مانگی رابردوو هاتونەتە ریزی سووپا و چوار هەزار هەلیکاریان رەخساندووە.
کەشناسی عێراق، پێشبینی دەکات سبەی، کاریگەری ئەو شەپۆلە خۆڵبارینە نەمێنێت کە ماوەی چەند کاتژمێرێکە بەشێک لە ناوچەکانی هەرێمی کوردستانی گرتووەتەوە.
سەرۆکی کۆمەڵی دادگەری رایگەیاند، بڕیارەکەی پەکەکە لە کۆنگرەی ١٢ـەیەمدا بڕیارێکی بوێرانە و گرنگە و شایستەی دەستخۆشییە.
دوای دانوستانەکانی سعودییە و ئەمریکا لە ریازی پایتەخت، کە لە کۆشکی یەمامە دەستیپێکرد، شازادەی جێنشینی سعودیە و سەرۆکی ئەمریکا، بەڵگەنامەی هاوبەشی ئابووریی ستراتیژییان واژۆ کرد.
عەبدوڵا ئۆجەلان لەسەر خۆهەڵوەشاندنەوەی پەکەکە پەیامێکی بڵاوکردەوە و دەڵێت، بڕیارەکەی کۆنگرەی ١٢ مێژووی بووە.
وەزارەتی دارایی حکومەتی کاربەڕێکەر لیستی مووچەی مانگی چواری بڵاوکردەوە، بە گوێرەی لیستەکەش، سبەینێ چوارشەممە، مووچەی وەزارەتەکانی خانەنشینانی شارستانی و خاوەن پێداویستی تایبەت و زیندانە سیاسیەکان و بەرکەوتووانی کیمیاباران و کەسوکاری شەهیدان و ئەنفالکراوان دابەشدەکرێت.
پەیامنێری ئێن ئاڕ تی رایگەیاند، بۆ مووچەی مانگی چوار دارایی عێراق بڕی ٧ ملیار دینار زیاتری ناردووە بەراورد بە مانگەکانی پێشوو، پارە زیادەکەش بۆ ئەو خانەنشینانەیە کە مامەڵەی خانەنشینبوونەکەیان تەواوبووە و ئەم مانگە چوار مووچە وەردەگرن.
کۆمەڵ و یەکگرتوو و پارتی و یەکێتی و چەند هێزێکی دیکە لە کۆبوونەوەدان بۆ پێکهێنانی هاوپەیمانی لە ناوچە دابڕێندراوەکان.
کەمێک پێش ئێستا لە گوندێکی سەیدسادق جوتیارێک لەکاتی کارکردندا بە تراکتۆرەکەی وەرگەڕا بەسەر خۆیدا و بووەهۆی گیان لەدەستدانی.
وەزارەتی دەرەوەی ئێران دەڵێت، "پێشوازی لە هەڵوەشاندنەوەی پارتی کرێکارانی کوردستان (پەکەکە) ده‌كەین و بە "هەنگاوێکی گرنگی دەزانین بۆ رەتکردنەوەی توندوتیژی و بەهێزکردنی ئاسایش".
پلاتفۆرمی وزە لە واشنتن دەڵێت، عێراق هەشتەمین وڵاتی عەرەبییە لە بواری وزەی نوێبووەوە لە بەرهەمهێنانی کارەبادا وتیشیوڵاتەکە ١.٥٩ گێگاوات لە وزەی نوێبووەوە بەرهەمدەهێنێت.
سەرۆكی رێكخراوی یەكێتیی مامۆستایانی كوردستان دەڵێت، ئەمساڵیش هاوشێوەی ساڵی رابردوو چەند رێوشوێنێك بۆ تاقیكردنەوەی وزاریی قۆناغی ١٢ـی ئامادەیی دەگیرێتەبەر و هێڵەكانی ئینتەرنێت رادەگیرێن.
به‌ڕێوه‌به‌رایه‌تی پۆلیسی پارێزگای سلێمانی رایگه‌یاند، له‌لایه‌ن مه‌فره‌زه‌كانی بنكه‌ی پۆلیسی سه‌یدسادقه‌وه تۆمه‌تباری کوشتنی کەسێک دەستگیرکرا کە له‌به‌شی پۆلیسی شاره‌زوور داواكراوبوو.
وه‌زاره‌تی دارایی حكومه‌تی کاربەڕێکەر رایگه‌یاند، ئه‌مڕۆ بڕی له ٩٥٩ ملیار و ٥١٤ ملیۆن دینار خرایه سه‌ر هه‌ژماری بانكی وه‌زاره‌ته‌كه‌یان بۆ دابه‌شكردنی مووچه‌ی مانگی نیسانی مووچه‌خۆران.
وەزیری تەندروستی هەرێم دەڵێت، دۆخی تووشبوانی شێرپەنجە لە ئاستێکی باشدایە و وتیشی، تۆمارکردنی حاڵەتەکانی شێرپەنجە لە هەرێم بەراورد بە شوێنەکانی دیکە کەمترە.
بەپێی زانیارییەکانی ئێن ئارتـی، ڕووداوەکانی کوشتن لە ٤٨ کاتژمێری ڕابردووـدا گەیشتووەتە پێنج کەس لە پێنج ڕووداوی جیاوازی ناوچەکانی هەرێم.
كەشناسی هەرێم رایگەیاند، ئەمڕۆ و سبەی ئەگەری پروشکە باران هەیە، کەشناسی عیراقیـش، پێشبینی دەكات لە دوو رۆژی داهاتوودا شەپۆلی بارانبارین روو لە ناوچە جیاوازەکانی عیراق و هەرێم بكات و پلەكانی گەرما داببەزن.
شەوی رابردوو پایتەختی لیبیا شەوێکی سەختی بەخۆیەوە بینی، ئەوەش دوای سەرهەڵدانی شەڕ و پێکدادانێک لە نێوان گروپە چەکدارەکان، کە بووە هۆی کوژرانی عەبدولغانی قاسم خەلیفە کوکەلی، فەرماندەی ئامێری پشتیوانی سەقامگیری، شەڕ و پێکدادانەکان بۆ ماوەی چەند کاتژمێرێک بەردەوام بوو و ترس و دڵەڕاوکێی لە ناو خەڵکی شارەکە دروستکرد.
وادەی تۆماركردنی ناوی هاوپەیمانی و حزب و لیستە تاكەكەسییەكان بۆ بەشداریكردن لە هەڵبژاردنی خولی شەشەمی پەرلەمانی عێراق، تا کۆتایی دەوامی فەرمی رۆژی ٢٠ـی ئەم مانگە درێژكرایەوە.
به‌رێوه‌به‌رایه‌تی گشتی حه‌ج و عومره‌ی هه‌رێم رایگه‌یاند، ئه‌مساڵ رێكاری توند له‌باره‌ی "به‌ده‌ل حه‌ج"ه‌وه گیراوه‌ته‌به‌ر و به‌شێك له‌و ریكلام و بانگه‌شانه‌ی ده‌كرێن نادروستن كه به ٣٠٠ دۆلار ئه‌نجامده‌درێن، چونكه مۆڵه‌تی حه‌جكردن تەنها بڕی سێ هه‌زار دۆلاری ده‌وێت.
وەزیری سەرچاوە ئاوییەکانی عێراق رایگەیاند، لەگەڵ تورکیا رێککەوتووین تا ئاوی پێویست بەربدەنەوە بۆ عێراق، دەشڵێت لە ئێستادا لەگەڵ ئێران لە گفتوگۆدان سەبارەت بە هەمان پرس.
پەرلەمانتارێکی نەوەی نوێ لە پەرلەمانی عێراق بە ئێن ئاڕ تی راگەیاند، وەزارەتی دارایی عێراق دەستیکرد بە تەمویلی مووچەی مانگی چواری هەرێم.
کەشناسی هەرێم دەڵێت، ئه‌مڕۆ و سبه‌ینێ پله‌كانی گه‌رما روو له‌نزمبوونه‌وه ده‌كه‌ن و ئه‌گه‌ری به‌رزبوونه‌وه‌ی تۆز و خۆڵ هه‌یه، هه‌روه‌ها له‌چه‌ند ناوچه‌یه‌كیش ئه‌گه‌ری پروسكه و تاوه بارانیش هه‌یه. کەشناسی عێراقیش رایگەیاند، بارانبارین لە ئێوارەوە دەستپێدەکات و پلەکانی گەرما روو لە نزمبوونەوە دەکەن.
سەرۆکی ئەمریکا گەشتەکەی بۆ رۆژهەڵاتی ناوەڕاست دەستپێکرد و كەمێك لەمەوبەر گەیشتە وڵاتی سعودییە، هاوکات بەگوێرەی ئاژانسەکانی هەواڵ پێشبینی دەکرێت رێککەوتنی ملیار دۆلاری لەگەڵ وڵاتانی کەنداو بکات.
ئەمڕۆ هەر ئۆنسەیەک زێڕ لە بازاڕەکانی جیهاندا، بە سێ هەزار و ٢٥٢ دۆلار مامەڵەی پێوەکرا و نرخەکەی بەراورد بە چەند رۆژی رابردوو نزیکەی ٢٦ دۆلار دابەزیوە و نرخی مسقاڵێک زێڕی عەیارە ٢١ـیش بە ٦٦٢ هەزار دینار مامەڵەی پێوەدەکرێت و بەراورد بە دوێنی نرخەکەی نزیکەی شەش هەزار دینار دابەزیوە.
دوای ئەوەی نرخی نەوت لە ماوەی رابردوودا بە شێوەیەکی بەرچاو رووی لە دابەزین کردبوو، ئەمڕۆ نرخی نەوت لە بازاڕەکانی جیهاندا بە ٦٤ دۆلار و ٨١ سەنت مامەڵەی پێوەکرا و بەراورد بە دوێنێ نرخەکەی نزیکەی سێ دۆلار بەرزبووەوە.