جارێکی تر هێرشی درۆنیی کرایە سەر هەولێر
بەهای زێڕ لە بازاڕەکانی جیهاندا دابەزی و ئەمڕۆ یەک ئۆنسە لەو کانزا بە چوار هەزار و ٩٩٤ دۆلار مامەڵەی پێوەدەکرێت و مستقاڵێک زێڕی عەیارە ٢١ بە ملیۆنێک و ٧٨ هەزار دینارە.
وەزارەتی سامانە سروشتییەكانی هەرێم رایگەیاند، دەستکرا بە هەناردەكردنی ٢٥٠ هەزار بەرمیل نەوتی کەرکوک لە رێگەی بۆریی نەوتی هەرێمی كوردستانەوە.
پەیامنێری ئێن ئاڕ تی رایگەیاند، ئەمڕۆ جارێکی تر هێرشی درۆنیی کرایەوە سەر هەولێر و لەلایەن سیستەمی بەرگریی هاوپەیمانانەوە تێکشکێندرا.
جەنگی ئێران و ئیسرائیل لەگەڵ ئێران نزیک دەبێتەوە لە سێ هەفتە و شەوی رابردوو ئێران شەپۆلی ٦١ـی مووشەکی بەرەو ئیسرائیل و بنکەکانی ئەمریکا لە ناوچەکە هەڵدا و فەرماندەیی ناوەندی ئەمریکاش وتی، ١٥ پێگەی هێزەکانی بەسیجیان لە ئێران پێکاوە و میدیاکانی ئێران رایانگەیاند، چەندین ناوچەی باکووریتاران کرانە ئامانج.
لە ماوەی رابردوودا بازاڕی نەوتی جیهان تووشی گۆڕانکارییەکی گەورە بووە و ئەمڕۆش نرخی نەوت دابەزی، نرخی بەرمیلێک نەوتی خاوی برێنت بە ١٠٠ دۆلار و نۆ سەنت مامەڵەی پێوە دەکرێت.
بەیانیی ئەمڕۆ دوای گفتوگۆکانی شەوی رابردووی بەرپرسانی هەرێم و بەغدا هەناردەی نەوتی هەرێم لەرێگەی بۆریی کوردستان - جەیهانەوە دەستیپێکرد.
کەمێک پێش ئێستا بە چەند درۆنێک هێرش کرایە سەر سلێمانی و لەلایەن هێزە ئەمنییەکانەوە تێکشکێندران و خرانەخوارەوە.
ئەنجومەنی ئاسایشی نەتەوەیی ئێران بەفەرمی کوژرانی عەلی لاریجانی پشتڕاستکردەوە و رایگەیاند، عەلی لاریجانی، سکرتێری ئەنجومەنی باڵای ئاسایشی نیشتیمانیی ئێران، گەیشتە کاروانی شەهیدان.
سەرۆکی حکومەتی ماوەبەسەرچوو لە پەیوەندییەکی تەلەفۆنیدا لەگەڵ نێردەی تایبەتیی سەرۆکی ئەمریکا بۆ سوریا گفتوگۆیان لەبارەی باردۆخی گشتیی عێراق و هەرێم و ناوچەکە کرد.
شاندی دانووستانکاری هەرێم وردەکاری رێککەوتنەیەکەیان لەگەڵ عێراق ئاشکرا کرد و رایگەیاند، هەردوولا رێککەوتن لەسەر گرتنەبەری رێکارییە ئاسایشییە پێویستەکان بۆ پاراستنی سەلامەتی کێڵگە نەوتییەکان و دڵنیابوون لە بەردەوامی هەناردەکردنی نەوت.
سەرۆکی پەرلەمانی عێراق لە میانەی دانیشتنی ئەمشەوی پەرلەمان رایگەیاند، "وەک پەرلەمان بەهیچ شێوەیەک قبوڵ ناکەین حوکمەتی عێراق دەست بەرێت بۆ مووچەی فەرمانبەرانی کوردستان هەرچەندە ناکۆکیش هەبێت لە نێوان حکومەتی هەرێم و بەغدا".
سوپای پاسداران بە فەرمی کوژرانی عەمید غوڵامڕەزا سولەیمانی، سەرۆکی رێکخراوی بەسیجی راگەیاند.
وەزیری نەوتی عێراق بۆ ئێن ئاڕ تی ئاشکراکرد، لەسەر هەناردەکردنەوەی نەوت لەگەڵ هەرێم گەیشتوونەتە رێککەوتن و ئەگەر هەرێم گرفت دروستنەکات لە سبەینێوە هەناردەکردن لە رێگای بەندەری جەیهانەوە دەستپێدەکاتەوە.
سەرۆکی حکومەتی ماوەبەسەرچوو رایگەیاند، بڕیارماندا کە لە زووترین کاتدا، رێگە بدەین نەوت لە رێگەی بۆڕی هەرێمی کوردستاندا بڕوات". دەشڵێت، سوپاسی هاوبەشەکانمان دەکەم لە ویلایەتە یەکگرتووەکانی ئەمریکا بۆ رۆڵیان و پشتیوانییە بێوچانیان بۆ ئەم پرۆسەیە.
چاوگێک بە ئێن ئاڕ تی راگەیاند، بەفشاری ئەمریکا هەرێم و بەغدا لەسەر هەناردەکردنی نەوت گەیشتنە لێکتێگەیشتن و بەپێی زانیارییەکان بڕیارە لە دوو رۆژی داهاتوودا رێککەوتن بکرێت بۆ هەناردەکردنەوەی نەوتی عێراق لەڕێگای هەرێمەوە.
پەرلەمانتارێکی نەوەی نوێ لە پەرلەمانی عێراق دەڵێت، بەهۆی بڕیاری تاکلایەنانەی مەسرور بارزانی و تیمەکەی لە وەزارەتی سامانە سروشتییەکان بۆ رێگریکردن لە هەناردەکردنی نەوت، هێزە سیاسییەکانی عێراق دەستەواژەی حکومەتی هەولێر بەکاردەهێنن لە جیاتی حکومەتی هەرێم ئەوەش پەیامێکی مەترسیدارە بۆ داهاتووی هەرێمی کوردستان.
فراکسیۆنی پارتی لە پەرلەمانی عێراق بایكۆتی كۆبوونەوەی ئەمشەوی پەرلەمانی راگەیاند و دەڵێت، کۆبوونەوەكە پێچەوانەی رێوشوێنەکانی یاسادانانە .
پەرلەمانی عێراق لە دانیشتنێکی تایبەتدا و بە ئامادەیی بەرپرسانی باڵای نەوتی بەغدا و هەولێر، هەوڵ بۆ چارەسەرکردنی کێشەی هەناردەکردنەوەی نەوت لەڕێگەی بەندەری جەیهانی تورکیاوە دەدات.
ئێوارەی رۆژی چوارشەممە، ليژنەی باڵای بینینی مانگ بە هەماهەنگی لەگەڵ لێژنە لاوەکیيەکان لە پارێزگا و ئیدارە سەربەخۆکان کۆدەبێتەوە، بە پشتبەستن بە بەڵگە شەرعییەکان و بەشداری یەکێتی زانایان و ئەنجومەنی فەتوای هەرێمی کوردستان یەکەم رۆژی جەژنی رەمەزان دیاریدەکرێت.
عیماد ئەحمەد، لێپرسراوی مەکتەبی راگەیاندنی یەکێتی دەڵێت،هەرێمی کوردستان نابێت بە بەشێک لە ئاڵۆزیەکانی ناوچەکە، وتیشی، هەرێم و بەغدا پێویستە کێشەکانیانن بە دیالۆگ چارەسەر بکەن.
ئەمڕۆ لە شاری سلێمانی، مەراسیمی پرسەی عەلی خامنەیی، رێبەری باڵای پێشووی ئێران بەڕێوەچوو، کە تێیدا ژمارەیەک لە بەرپرسانی حکومی و لایەنە سیاسییەکانی هەرێم بەشدارییان تێدا کرد.
سەرۆکی حکومەتی ماوەبەسەرچوو دەڵێت، هەرێمی کوردستان لەگەڵ ئەوەیە نەوت هەناردە بکرێت و رێگر نییە و پەرۆشی ئەوەین عێراق و هەرێم ئەم قەیرانە ئابووریە تێپەڕێنن. دەشڵێت، دەبێت عێراق رێگری لە هێرشی گرووپە لە یاسا دەرچووەکان بکات.
عەلی لاریجانی یەکێکە لە کەسایەتییە دیار و کاریگەرەکانی گۆڕەپانی سیاسیی کۆماری ئیسلامی ئێران، ئەو وەک سیاسەتمەدارێکی میانڕەو ناسراوە و لە ماوەی چەندین دەیەدا پۆستی زۆر هەستیار و باڵای لە ناو دامەزراوە جیاوازەکانی ئێراندا بەڕێوەبردووە.
داخستنی گەرووی هورمز عێراق ناچار بە بەکارهێنانی رێگای دیکە بۆ هەناردەکردنی نەوتەکەی دەکاتەوە، خۆشی خاوەنی چەند برۆیەکی نەوتە بۆ هەناردەکرندی نەوت بۆ جیهان.
حکومەتی عێراق بڕیاریدا بە بۆنەی جەژنی رەمەزانەوە شهش رۆژ بكرێته پشووی فهرمی و پشووەکە لە سبەینێووە دەستپێدەکات و رۆژی سێشهممه ٢٤ـی ئازار دهوامی فهرمی دهستپێدهكاتهوه.
وەزیری بەرگری ئیسرائیل بە شێوەیەکی فەرمی رایگەیاند، لە هێرشە ئاسمانییەکەی شەوی رابردووی سەر تاران، توانیویانە عەلی لاریجانی، راوێژکاری باڵای رێبەری کۆماری ئیسلامی ئێران و سکرتێری پێشووی ئەنجومەنی باڵای ئاسایشی نیشتمانی بکەنە ئامانج و بیکوژن.
کەشناسی کەشوهەوای ئەمڕۆ و سبەینێی بڵاوکردەوە و رایگەیاند، ئەمڕۆ ئاسمان نیمچە هەوردەبێت و لە ناوچە شاخاویەکان هەوری تەواو دەبێت لە ئێوارە و شەودا دەگۆڕێت بۆ پەڵەهەور و ساماڵ.
کەناڵی ١٢ـی ئیسرائیل رایگەیاند، غوڵام رەزا سلێمانی، فەرماندەی بەسیجی ئێران کوژرا.
هێرشەکانی ئیسرائیل لە ئێران و بەیروت بەردەوامن، لە بەرامبەردا ئێران هەڕەشەی کردنەئامانجی فڕۆکەکانی ئەمریکا دەکات.
پاکستان هێرشێکی ئاسمانی بۆ سەر نەخۆشخانەیەکی کابول لە ئەفغانستان کرد و بەهۆیەوە نزیکەی ٤٠٠ کەس گیانیان لەدەستدا.