حکومەتی کاربەڕێکەر: بەردەوام دەبین لە گفتوگۆ و دانوستانی بەردەوام لەگەڵ عێراق
وتەبێژی حکومەتی کاربەڕێکەر دەڵێت، وردبینی و پێداچوونەوەی لیستی مووچەی مانگی پێنج تەواوبووە و تەنها خەرجکردنی پارەکە ماوە.
ئەمینداری گشتی یەکگرتوو دەڵێت، پێویستە رێز لە پیشەی مامۆستا بگیرێت و شكۆیان بپارێزرێت، وتیشی، نابێت دەسەڵات بیر لە بڕینی مووچە و بژێوی مامۆستایان و فەرمانبەران بكاتەوە.
حکومەتی کاربەڕێکەر رایگەیاند، هەرێمی کوردستان بەردەوام دەبێت لە گفتوگۆ و دانوستانە بەردەوامەکانی لەگەڵ حکومەتی عێراق.
ئەندامێکی مەکتەبی سیاسی یەکێتی دەڵێت، لەگەڵ پارتی دیدگای هاوبەشی حکومڕانییان ئامادەکردووە و وتیشی، ئامانجیان خزمەتکردنی خەڵکی کوردستانە.
خۆڵبارین چەند ناوچەیەکی هەرێم و ناوچەیەکی فراوانی عێراقی گرتووەتەوە و پرۆفیسۆرێکی سەرچاوە ئاوییەکانیش هۆكاره‌كه‌ى بۆ وشکبوونى زۆنگاوەکانی عێراق دەگەرێنێتەوە.
یەکێتی بەفشار هەژماری من بە مووچەخۆرانی سنووری سلێمانی پڕ دەکاتەوە، مووچەخۆرانیش دەڵێن، پێیان وتوون ئەگەر هەژماری من پڕنەکەنەوە مووچە وەرناگرن.
بەڕێوەبەری کوشتارگەی هەولێر بە ئێن ئاڕ تی وت، دەستیان کردووە بە ناو نوسین بۆ وەرگرتنی ئەو کەسانەی لە رۆژانی جەژندا قوربانی دەکەن، وتیشی، تا ئێستا زیاتر لە شەش رێکراو و دەزگای خێرخوازی ناویان نووسیوە.
سەرۆک وەزیرانی عێراق وتی، لە ئێستادا عێراق بەهێز و سەقامگیرە و لە هەوڵى گەشەسەندن و بەدەستهێنانى متمانەى هاوڵاتییاندایە.
سەرۆکی تیمی راگەیاندنی کۆمسیۆنی باڵای هەڵبژاردنەکانی عێراق دەڵێت، تاوەکو ئێستا نزیکەی ملیۆنێک و ٦٠٠ هەزار کەس تۆماری دەنگدەرانیان نوێکردووەتەوە و دەشڵێت، لە چەند رۆژی داهاتوودا دەست دەكەن بە وەرگرتنی كارمەندانی سەر سندوقی دەنگدان.
قائیمقامی سلێمانی دەڵێت، هەر کەسێک بیەوێت بۆ جەژن قوربانی بکات، وا باشترە سەربڕینی ئاژەڵەکە لە کوشتارگەکان بێت. دەشڵێت، هەر کەس بیەوێت لە ماڵەوە قوربانی بکات دەبێت پێشتر پشکنین بۆ ئاژەڵەکە کرابێت.
پارێزگاری بانكی ناوەندی عێراق دەڵێت، ئەركە لەسەر هەمووان، بۆ ئەوەی سپیكردنەوەی پارە لە ریشەوە بنبڕ بكەن و هەروەها عێراق لەگەڵ هاوبەشە نێودەوڵەتییەكان بەشێوەیەكی باش هەماهەنگی كردووە و كاریان بۆ رووبەڕووبوونەوەی سپیكردنەوەی پارە کردووە.
پۆلیسی دارستان و ژینگەی پارێزگەی سلێمانی دەڵێت، لە ماوەی ٢٤ کاتژمێر رابردوودا سەدان دۆنم و ١٥٠٠ داربەڕوو لە سنووری عەربەت، سیتەک و دەربەندیخان سووتان.
پۆلیسی سوید دەڵێت، ٧٠٠ مافیای هەڵگری ناسنامەی سویدی لەدەرەوەی وڵاتەکە دەژین و لەلایەن پۆلیس و دادگاوە داواکراون، بۆ دەستگیرکردنیان وه‌فدێكیان پۆلیسیان سەردانی عێراقی کردووە.
دۆلار جارێکی دیکە لە بازاڕەکانی هەرێمدا رووی لە بەرزبوونەوە کرد و ١٠٠ دۆلار بە ١٤٠ هەزار و ٩٠٠ دینار مامەڵەی پێوەکرا و بەراورد بە دوێنێ نزیکەی ٥٠٠ دینار بەرزبووەتەوە.
کۆمسیۆن دەڵێت، تائێستا لە تەواوی عێراق نزیکەی ملیۆنێک و ٦١٥ هەزار کەس کارتی بایۆمێتریان نوێکردووەتەوە لەو ژمارەیەش زیاتر لە ٣٥٠ هەزاریان لە کەرکوک و شارەکانی هەرێم بوون.
کەشناسی هەرێم دەڵێت، ئەمڕۆ ئاسمان ساماڵ و پەڵە هەور دەبێت، خێرایی با زیاد دەکات و خۆڵبارین هەندێک ناوچە دەگرێتەوە و سبەینێش پلەکانی گەرما بەشێوەیەکی بەرچاو نزمدەبنەوە.
شەوی رابردوو ئاگر لە ناڵپارێزی سنووری پێنجوێن کەوتەوە و پوش و پاوان و دارستانێکی زۆری سوتاند، بەشێک لە هاوڵاتیانیش دەڵێن، ئەگەر لە ناوچەکەیان ئۆتۆمبێلێکی ئاگرکوژێنەوە هەبووایە بە ئاسانی ئاگرەکە کۆنترۆڵدەکرا.
دوای ئەوە سەرۆکی ئەمریکا وتی، گەر ئەو نەبوایە شتانێکی خراپ بەسەر رووسیادا دەهات، جێگری سەرۆکی ئەنجومەنی ئاسایشی رووسیا دەڵێت، تاکە شتێک جێی نیگەرانیە روودانی جەنگی جیهانی سێیەمە.
کشتوکاڵی عێراق دەڵێت، "دەمانەوێت لە هەناردەکردنی گەنمدا بۆ وڵاتانی عەرەبی ببینە بەدیلی ئەوروپا و لەمساڵیشدا ٣٥٠ هەزار تەن بەرهەمی کشتوکاڵیمان هەناردەکردووە".
سەرۆک وەزیرانی عێراق لەسەر ناردنی مووچەی مانگی پێنج بۆ هەرێم داوای روونکردنەوەی کردووە لە دادگای فیدڕاڵی.
دەستەی دەستپاکی عێراق دەڵێت، گەڕاندنەوەى سەروەت و سامانى عێراق بۆ هەمووان گرنگە و پێویستە بخرێنەوە سەر خەزێنەى گشتی حکومەت و سوودیان بۆ خەڵکی عێراق هەبێت.
بەڕێوەبەرى جێبەجێکارى پەیوەندیی بانکە تایبەتەکانى عێراق دەڵێت، ئەمڕۆ لە بەغدا کۆنگرەیەکى نێودەوڵەتى بۆ بنبڕکردنی سپیکردنەوەى پارە بەڕێوەدەچێت.
ئەمڕۆ هەر ئۆنسەیەک زێڕ لە بازاڕەکانی جیهاندا، بە سێ هەزار و ٣٠٠ دۆلار مامەڵەی پێوەکرا و نرخەکەی بەراورد بە دوێنێ نرخەکەی بە جێگیری ماوەتەوە و نرخی مسقاڵێک زێڕی عەیارە ٢١ـیش بە ٦٥٦ هەزار دینار مامەڵەی پێوەدەکرێت.
دوای ئەوەی نرخی نەوت لە ماوەی رابردوودا بە شێوەیەکی بەرچاو رووی لە دابەزین کردبوو، ئەمڕۆ نرخی نەوتی برێنت لە بازاڕەکانی جیهاندا بە ٦٤ دۆلار و ٣٦ سەنت مامەڵەی پێوەکرا و بەراورد بە دوێنێ نرخەکەی بە جێگیری ماوەتەوە.
وەزیری دەرەوەی روسیا وتی، پێیان باشە گەڕێکی دیکەی دانوستانەکانیان لەگەڵ ئۆکرانیا، لە تورکیا ئەنجام بدەن، وەزیری دەرەوەی تورکیاش ئامادەیی بۆ پێشنیازەکەی وەزیری دەرەوەی روسیا دەربڕی.
كاره‌بای سلێمانی بڵاویکردەوە، بارهه‌ڵگرێك خۆی ده‌كێشێت به دوو ستونی كاره‌با و زیان به هێڵی په‌ستان به‌رزی هه‌ردوو فیده‌ری ٣٦٣ و ٣٤٦ ده‌گه‌یه‌نێت.
رۆمان شوغدجييفی روسی تەمەن دە ساڵان، بوو بە بچوکترین یاریزانی شەتڕەنج لە مێژوودا کە نازناوی ماستەری نێودەوڵەتی بەدەستبهێنێت، ئەمەش دوای ئەوەی ئاستێکی بەرزی پێشکەشکرد لە پاڵەوانێتی " RADNICKICHESS " لەم دواییانەدا لە بێلگراد.
نوسینگەی عەلی سیستانی بڵاویکردەوە، سبەی چوارشەممە دوا رۆژی مانگی زیئەلقەعدەیە و پێنجشەممەش یەكەم رۆژی مانگی زیلحجەیە، ٧ـی حوزەیران یەكەم رۆژی جەژنی قوربانە.
یەکێتی نوێنەری خۆی لە تورکیا ناردە لای پارتەکەی ئەتاتورک و دیارییەکی حزبەکەی پێشکەش کرد.
سەرۆکی ئەمریکا بەردەوامە لە هێرشکردنە سەر سەرۆکی روسیا و دەڵێت ئەو یاری بە ئاگر دەکات و نازانێت ئەگەر من نەبومایە روسیا خراپی بەسەردا دەهات.