کەی شەپۆلی بەفربارین کۆتایی دێت؟
وەزیری جەنگی ئەمریکا دەڵێت، چەکدارە بیانییەکانی داعش لە عێراق بەشێوەیەکی کاتی دەستبەسەر دەکرێن و دواتر دەگەڕێندرێنەوە وڵاتی خۆیان.
کەشناسی هەرێم دەڵێت، ئەمڕۆ کاریەگەرییەکەی بەفر و باران بارین تا کاتەکانی ئێوارە بەردەوامی دەبێت بە تایبەت لە ناوچە شاخاوییەکان و سبەینێش کەشەکە ئاسایی دەبێتەوە و پلەکانی گەرما چوار تا شەش پلە دادەبەزن.
سوپای عەرەبی سوریا دەڵێت، یەکەکانی سوپا دەستیان کرد بە گواستنەوەی ئەندامانی هەسەدە لە زیندانی ئەقتان و دەوروبەری لە پارێزگای رەققەوهێزهكانی هەسەدەش دەستیانکرد به چۆڵكردنی زیندانی ئهقتان له سنورکە.
ماڵپەڕی عەرەبیە حەدەس لە زاری سەرچاوە کوردییەکانەوە دەڵێت، بە سەرپەرشتی بارزانی و ئامادەبوونی تۆم باراك شاندی حكومەتی سوریا و هەسەدە لەهەولێر كۆدەبنەوە و كار بۆ درێژكردنەوەی وادەی رێككەوتنی هەسەدە و دیمەشق دەكرێت.
سەرۆکی ئەمریکا دەڵێت، هێزێکی دەریاییان بەرەو ئاوەکانی نزیک لە ئێران جووڵاندووە و بە وردی چاودێریی تاران دەکەن.
لە قامیشلۆ پەرلەمانتارانی نەوەی نوێ لەگەڵ هاوسەرۆکانی پەیەدە کۆبوونەوە و تاوتوێی بارودۆخی رۆژئاوایان کرد و پەرلەمانتارانی نەوەی نوێ پشتیگیری خۆیان بۆ رۆژئاوا دوپاتکردەوە.
سەرۆکی فەرەنسا، لە پەیوەندییەکی تەلەفۆنیدا لەگەڵ فەرماندەی گشتیی هێزەکانی سووریای دیموکرات، پشتیوانیی تەواوی وڵاتەکەی بۆ هەوڵەکانی ئاگربەست و دەستپێکردنەوەی گفتوگۆ لە سووریا دووپات کردەوە. هاوکات جەختی لە گرنگیی جێبەجێکردنی ئەو رێککەوتنانە کردەوە کە لەم دواییەدا لە نێوان هەسەدە و دیمەشق واژۆکران.
فهرماندهی هێزهكانی سوریای دیموكرات (ههسهده) دەڵێت، كۆبوونهوهیهكی بهرههمداریان لهگهڵ نێردهی تایبهتی ئهمریكا بۆ سوریا ئهنجامدا و دهشڵێت، "پێشوازی له پشتگیری ئهمریكا و سیاسهتی دۆناڵد ترهمپ دهكهین بۆ دهستپێكردنهوهی گفتوگۆ و دانوستانهكانی نێوان ئێمه و حكومهتی سوریا".
سەرۆک وەزیرانی عێراق لەگەڵ نێردەی ئەمریکا لە سوریا کۆبوونەوە و باسیان لەگرنگی ئاسایشی سوریا كردووە بۆ عێراق و ناوچەكە.
برێت مهكگۆرگ، رێکخەری پێشووی کۆشکی سپی بۆ کاروباری رۆژهەڵاتی ناوەڕاست و باکوری ئەفریقا، پشتیوانی خۆی بۆ کوردەکانی رۆژئاوا دەربڕی و دەڵێت، كورد له سهرانسهری عێراق و سوریا هاوبهشی چهسپاون و پێویسته بهوشێوهیه مامهڵهیان لهگهڵدا بكرێت، جیهان بههۆی ئهوانهوه زۆر سهلامهتتره.
كونسوڵخانهی ئهمریكا له ههولێر رایگهیاند، بهبڕیاری وهزارهتی دهرهوهی وڵاتهكه پێدانی ڤیزای کۆچی هەمەجۆری (ڤیزەی یانسیب) بە داواکارانی ڤیزەکە راگیراوه.
وتەبێژی حکومەتى عێراق رایگەیاند، گواستنەوەى تیرۆریستانى داعش لە سووریاوە بۆ عێراق، هەنگاوێکى پێشوەختەیە بۆ پاراستنى ئاسایشى نیشتیمانی، رێکارە دادوەرییەکانیش لەگەڵ زیندانییەکان دەستیپێکردووە.
روانگەی سووری بۆ مافەکانی مرۆڤ رایگەیاند، فڕۆکەیەکی بارهەڵگری سەربازیی رووسیا لە فڕۆکەخانەی قامیشلۆ لە باکووری رۆژهەڵاتی سووریا نیشتووەتەوە، کە بارێکی چەک و کەرەستەی لۆجستی هەڵگرتبوو.
ئەنجومەنی باڵای دادوەریی عێراق رێوشوێنی یاسایی دژی ئەو دەستگیرکراوانەی داعش دەستیپێکرد، کە لە سوریاوە رادەستی عێراق کراونەتەوە، عێراق دەڵێت، تۆمەتباران ملکەچی دەسەڵاتی دادوەریی وڵات دەبن.
چوارچێوەی هەماهەنگیی شیعەکان بۆ تاوتوێکردنی بارودۆخی سوریا کۆبوونەوە و بەپێی راگەیەندراوی کۆبوونەوەکە، "پێداچوونەوەیان بە دۆخی ئەمنی و ئاستی ئامادەیی هێزە چەکدار و ئەمنییەکان کراوە".
ژمارەیەکی زۆر لە هونەرمەندان و کەسایەتییە دیارەکانی سلێمانی کەمپینێکی فراوانیان بۆ پشتیوانیی رۆژئاوای کوردستان راگەیاند و جەختیان کردەوە کە ئێستا کاتی یەکڕیزییە و پێویستە کورد لە هەموو پارچەکان پێکەوەبن.
بەشێک لە پەرلەمانتارانی نەوەی نوێ بۆ پشتیوانی کوردان گەیشتنە رۆژئاوای کوردستان و رایانگەیاند، ئیدانەی هێرشەکان دەکەن و پێویستە سەرجەم لایەنە کوردستانییەکان یەکبگرن بۆ پشتیوانیکردنی رۆژئاوا.
بەرپرسی باڵیۆزخانەی عێراق لە لیبیا رایگەیاند، سبەینێ ١٠٠ کۆچبەر لە لیبیاوە دەگەڕێندرێنەوە بۆ عێراق و ئەوانی تریش کە ماون لە رۆژاندی داهاتوودا دەگەڕێندرێنەوە.
ناوهندی راگهیاندنی هێزهكانی سوریای دیموكرات (ههسهده) رایگەیاند، سهرهڕای رێككهوتنی ئاگربهست، حکومەتی دیمەشق له هێرشهكانی بهردهوامه و زیندانی ئهقتان و ناوچهكانی سنووری كۆبانێی كردووەته ئامانج.
پاسپۆرتی سلێمانی رایگەیاند، بۆ دەرکردن و نوێکردنەوەی پاسپۆرت بەهیچ جۆرێک کار بە صورە قیدی ئەلیکترۆنی ناکرێت و هاوڵاتیان پێویستە كارتی نیشتیمانی پێبێت.
نێچیرڤان بارزانی له دیدارێكدا لهگهڵ مەزڵوم عەبدی رایگەیاند، پێویسته ههمو لایهنه پهیوهندیدارهكان پابهندبن به ئاگربهست و راگرتنی گرژییهكان و دهستپێكردنهوهی دهستبهجێی گفتوگۆ لهنێوان ههسهده و دیمهشقدا.
وەزارەتی بازرگانیی عێراق نرخی وەرگرتنی بەشەخۆراکی مانگانەی بۆ هەر هاوڵاتییەک زیادکرد، لەوبارەیەوە بەڕێوەبەری دابەشکردنی خۆراکی سلێمانیش رایگەیاند، تا ئێستا هیچ نووسراوێکیان لەو بارەوە بە دەست نەگەیشتووە.
رۆژنامەی دەیلی مەیلی بەریتانی بڵاویکردەوە، دۆناڵد ترەمپ، سەرۆکی ئەمریکا، بیر لە پڕۆژەیەکی بێپێشینە دەکاتەوە بۆ لکاندنی دوورگەی گرینلاند بە ئەمریکاوە لەڕێگەی پارەوە و سەرۆکی ناتۆش دەڵێت، سەروەریی گرینلاند بە پارە ناکڕدرێت.
لە هەولێر كەمپینێكی گەورە لەسەر ئاستی ئیدارەی شار دەستپێكردووە بۆ كۆكردنەوەی پێداویستی رۆژانە و هاوكاری بۆ كوردانی رۆژئاوای كوردستان و پارێزگاری هەولێریش دەڵێت، داوا لە هاوڵاتیان دەكەن بەشداریی كەمپەینەكە بكەن .
کەشناسی دەڵێت، بەفربارین لە کاتەکانی شەوی پێنجشەممە دەستپێدەکات لە سنوری پارێزگای دهۆک و ئیدارەی زاخۆ پاشان درێژدەبێتەوە بۆ بەشەکانی ناوەڕاست و رۆژهەڵاتی هەرێم، سبەینێ پلەکانی گەرما دوو بۆ چوار پلەی دیکە نزمببنەوە، بەهۆیەوە لەکاتەکانی شەو و بەیانیدا، دیاردەی بەستن و شەختە روودەدات.
بڕیارە ئەمڕۆ مەزڵوم عەبدی و تۆم باراك لە هەولێر كۆببنەوە و رێككەوتنی ئەمدواییەی دیمەشق و هەسەدە تاوتوێبکەن.
لە قوتابخانەکانی سلێمانی چالاکی بۆ پشتگیری رۆژئاوای کوردستان بەڕێوەچوو، قوتابیان بە جلوبەرگی کوردی و پێشمەرگە و بە ئاڵای کوردستانەوە پشتیوانی خۆیان دووپات کردەوە.
بەرپرسێکی باڵای ئەمەریکا دەڵێت، بەم نزیکانە دیلسی رۆدریگێز، سەرۆکی کاتی ڤەنزوێلا سەردانی ئەمەریکا دەکات.
بەڕێوەبەرایەتی خۆسەر دەڵێت، هێزە چەکدارەکانی سەر بە دیمەشق بەردەوامن لە پێشێلکردنی ئاگربەست و هێرشکردنەسەر کۆبانێ و جزیرە.
هاتووچۆی پارێزگای سلێمانی شۆفێران ئاگاداردهكاتهوه و دەڵێت، كهشناسی و ناوهندی ههماههنگی قهیرانهكان پێشبینییان كردووه، سبهی ههینی شهپۆلێكی چڕی بهفربارین سهرجهم ناوچهكانی ههرێمی كوردستان، بهتایبهت سنووری پارێزگای سلێمانی بگرێتهوه، بۆیە شۆفێران ئاگادار بن.