مریشک بە شێوازی مەکسیکی جۆرێکی لێنانی مریشکە کە تامێکین خۆشی هەیە و ئاسان دروست دەکرێت.

-دوو کەوچکی گەورە زەیتی زەیتوون

- پیازێکی مام ناوەندی وورد کرابێت

- یەک بیبەری سەوزی تیژ ووردکراو بێت

- سێ لاچکە سیر، وورد کراوبێت

- گۆشتی مریشک ٥٠٠ گرام

- تەماتە ٤٥٠ گرام .. سپیکراو بێت و کەرت کەرت کرابێت

-گۆشتاوی مریشک (ماجی) دوو دانە

- دوو کوپ ئاو

- دوو کەوچکی گەورە معجون تەماتە

- دوو کەوچک کەمون

- یەک کەوچک کەرەوز، فرێش بێت و ووردکرابێت

چۆنیەتی ئامادەکردنی

• زەیتەکە لەناو مەنجەڵێک گەرم دەکرێت و پیاز وبیبەر و سیرەکەی له‌ناو دەکوڵیندرێت لەسەر ئاگرێکی ھێمن بێت تا پیازەکە تەواو نەرم دەبێت.

• ئینجا مریشکەکەی دەخرێتە ناو مەنجەڵەکە و بۆماوەی دوو خولەک تێکدەدرێت، ئینجا گۆشتاوەکە و معجون تەماتەکەی دەخرێتە ناوی ئینجا ئاو لەگەڵ کەمونەکەی تێ دەکرێت.

• مەنجەڵەکە دادەپۆشرێت و تێکەڵەکەی له‌ناو دەکوڵێندرێت بۆ ماوەی نیو کاتژمێر، لەسەر ئاگرێکی ھێمن.

• ئینجا کەرەوزەکەی تێ دەکرێت و لەگەڵی تێکەڵ دەکرێت.

• لەگەڵ برنجی کوڵاو پێشکەش دەکرێت ...