شێلمی کوڵاو یەکێکە لەو خواردنانەی کە لە وەرزی زستاندا بەڕاددەیەکی زۆر دەخورێت، چونکە تام و چێژێکی خۆشی هەیە و جەستە گەمدەکاتەوە.

لاپەڕەی " گیا دەرمان" لە فەیسبووك بەم جۆرە ئاماژەی بە شێوازی دروستکردنەکەی کردوە:

کەرەستەکانی:

کیلۆیەک شێلم

کوپێک دۆشاوی خورما

شەکر بەپێی پێویست

نیو کەوچکی زەڵاتە خوێ

ئاو بەپێی پێویست

ئامادەکردنەکەی:

سەرەتا شێلمەکان بەرگە خراپەکانی لێدەکرێتەوە و بە شێوەی بازنەیی کەرت دەکرێت و دەشۆرێتەوە، بەڵام نابێت زۆر تەنک کەرت بکرێت.

دەخرێتە مەنجەڵێکی قوڵەوە و خوێ و شەکری تێدەکرێت ئەگەر حەز بکەیت زۆر شیرین بێت لەگەڵ دۆشاوی خورماکەی تێدەکرێت، دەتوانرێت لە بری دۆشاوی خورما دۆشاوی هەرمێ یان سێوی تێبکرێت.

ئاوەکەی تێکەڵدەکرێت و سەری دادەپۆشرێت و دەخرێتە سەر ئاگرێکی بەرز، نابێت ئاگرەکە کز بێت چونکە ئاوەکەی زۆرە و پێویستی بە کاتی زیاترە، وازیلێدەهێنرێت تا بەجوانی دەکوڵێت.

دەتوانرێت راستەوخۆ بە گەرمی پێشکەش بکرێت، یاخود هەڵبگیرێت و سەری داپۆشرێت بەیانییەکەی گەرم بکرێتەوە ئەوکات ڕەنگەکەی تۆختر بووە و تامەکەی خۆشتر بووە بەتایبەت بۆ ئەو کەسانەی کە حەزدەکەن زۆر شیرین بێت.