زۆرن ئەو کەسانەی کە چەوری لە ناوچەی کەمەر و
ورگیاندا کۆدەبێتەوە ، چەوری ئەم ناوچەیەش بە ئاسنی لاناچێت و تەنانەت مەترسی
لەسەر تەندروستی کەسەکە دروستدەکات و ئەگەری تووشبوونی بە هەندێك لە نەخۆشییەکانی
وەك دڵ و شەکرە زیاد دەکات.
بۆ ئەم مەبەستەش بەگوێرەی هەواڵێکی ماڵپەڕی
"برایت ساید" ئاماژە بە چەند رێنماییەکی گرنگ و ئاسان کراوە کە
یارمەتیدەرن بۆ رزگاربوون لە چەوری ورگ و کەمەر بە ئاسانی و سروشتی، بەم جۆرە:
١ ریشاڵەکان لە ژەمە خۆراکییەکانتدا زیاد بکە.
٢. شەوانە زوو بخەوە و ماوەی خەوتن بە لە ٧-٨
کاتژمێر کەمتر نەبێت.
٣. راهێنانی وەرزشی بکە بەتایبەت ئەوانەی
قورسایی هەڵگرتنیان تێدایە بۆئەوەی کالۆری زیاتر بسوتێنیت.
٤. ژەمی سووك بخۆ و واز لە خواردنی چەور و
شیرین بهێنە و بڕی خواردنەکانت کەمبکەرەوە.
٥. واز لە خواردنی بنێشت بهێنە چونکە شەکری تێدایە
و دەبێتە هۆی ئاوسانی سك.
٦. قاوەی رەش زۆر بخۆ، چونکە هەوکردنەکان
کەمدەکاتەوە.
٧. لەجیاتی خواردنەوە گازییەکان ئاو و لیمۆ
بخۆرەوە.
٨. ئاو زۆر بخۆرەوە.
٩. دانەوێڵە تەواوەکان بخۆ وەك شۆفان و برنجی
قاوەیی و گەنمی تەواو.
١٠. رۆژانە کوپێك چای سەوز بخۆرەوە.