جەستن بیبەر بە فەرمی بەشداری لە کۆنسێرتی نێوان دوو تایمی یاریی کۆتایی مۆندیالی ٢٠٢٦دا دەکات کە بڕیارە لە ١٩ی تەممووزدا بەڕێوەبچێت.

بەپێی هەواڵێکی ماڵپەڕی"nypost"، بیبەر وەک یەکێک لە ئەستێرە سەرەکییەکان هاوشانی شاکیرا، مادۆنا و گرووپی BTS لەم نمایشە مێژووییەدا دەردەکەوێت، کە ئەمەش دەبێتە یەکەمین کۆنسێرتی نێوان دوو تایم(Halftime show) لە مێژووی جامی جیهانیی فیفادا.

جگە لەم ئەستێرانە، چەندین هونەرمەندی تریش بەشداری لە نمایشەکەدا دەکەن، لەوانە گۆرانیبێژی ناسراوی شێوازی ئەفرۆبیتس "بێرنا بۆی" (کە پێشتر لەگەڵ شاکیرا گۆرانی فەرمیی مۆندیالیان بە ناوی Dai Dai گوتووە)، ڕێبەری ئۆرکێسترای ڤەنزوێلی گوستابۆ دودامێل، و گرووپی کۆرس و گۆرانیوتنی قوتابییانی سەرەتایی نیویۆرک (PS22 Chorus) بە هاوبەشی لەگەڵ گرووپی کۆڵدپلەی (Coldplay).