گرووپی جیهانی BTS دوای
چوار ساڵ دابڕان بەهۆی ئەنجامدانی خزمەتی سەربازییەوە گەڕایەوە مەیدانی میوزیک.
بە پێی
هەواڵێکی ماڵپەڕی "NPR"، گروپە کۆرییەکە بە ئەلبوومێکی نوێ
بە ناوی "Arirang"دەگەڕێنەوە سەر ستەیجەکان ئەم
ئەلبوومە کە ناوەکەی لە گۆرانییەکی فۆلکلۆری کۆن و ڕەسەنی کۆرییەوە وەرگیراوە وەک
هێمایەک بۆ ناسنامە و مێژووی نەتەوەیی بەکارهاتووە.
لەم بەرهەمە نوێیەدا ئەندامانی گرووپەکە
توانیویانە بە هاوکاری بەرهەمهێنەرە ناودارەکانی جیهان وەک دیپلۆ و کێڤن پارکەر
شێوازێکی نوێ لە میوزیکی پۆپ و ڕاپ پێشکەش بکەن.
ئەلبوومەکە
گوزارشت لە گەشتێکی قووڵ دەکات بۆ ناو ڕەگ و ڕیشەی هونەریی گرووپەکە و پیشاندانی
ئەو گۆڕانکارییانەی لە دوای ساڵی ٢٠٢٢وە بەسەریاندا هاتووە.
سەرکردەی گرووپەکە " RM"ڕۆڵێکی سەرەکی
لە نووسینی تێکستەکاندا هەبووە و هەوڵدراوە هاوسەنگییەک لە نێوان زمانی کۆری و
ئینگلیزیدا ڕابگیرێت.
گەڕانەوەی BTS لە
کاتێکدایە کە کاریگەریی کەی-پۆپ لەسەر ئاستی جیهان گەیشتووەتە لووتکە و ئەم
ئەلبوومە وەک سەلماندنی هێزی بەردەوامی ئەوان لە پیشەسازی میوزیکدا دەبینرێت.
"Arirang" نەک تەنها گەڕانەوەیەکە بۆ سەر ستەیج بەڵکو
نوێکردنەوەی ئەو بەڵێنەیە کە گرووپەکە وەک پردێک لە نێوان کولتووری کۆری و جیهاندا
دەمێنێتەوە.
ئێستا
هەوادارانی ئەم گرووپە لە سەرتاسەری جیهان بە جۆش و خرۆشێکی زۆرەوە پێشوازی لەم ئەلبومە نوێیە
دەکەن.