کۆمپانیای "Adobe"
خستنەبازاڕی وەشانێکی نوێی فۆتۆشۆپی ڕاگەیاند، کە چەند تایبەتمەندییەکی پراکتیکی AI لە خۆدەگرێت.
کۆمپانیاکە ئاماژەی بەوە کردووە، تایبەتمەندییە
نوێیەکان بە تایبەتی بۆ نەهێشتنی هەنگاوە ماندووکەرەکان و کەمکردنەوەی ئاڵۆزییەکانە،
لەگەڵ ئەوەشدا دەستکاریکردنی وردی وێنە خێراتر و ئاسانتر دەکات هەروەها کاتی دەستکاریکردنی
وێنە کەم دەکەنەوە و وردبینی زیاد دەکەن.
بەپێی ئاژانسی " Adobe" ئەم تایبەتمەندییە زۆرترین داواکاری لەلایەن
بەکارهێنەرانەوە هەیە، تەکنەلۆژیای AI کە
تێیدا بەکارهاتووە، بەکارهێنەران دەتوانن وێنەکان تا ٨ مێگاپێکسڵ گەورە بکەن و لە
هەمان کاتدا کوالیتی بەرز دەپارێزن و ڕێگری لە شێواندن دەکەن.
ئامرازەکە بە نوێترین مۆدێلی AI لە کۆمپانیای ئەدۆبی فایەرفلای نوێکراوەتەوە،
ئامرازەکە ئەرکی سڕینەوەی توخمە نەخوازراوەکان بە شێوەیەکی کاراتر ئەنجام دەدات، ئەم
تایبەتمەندییە مۆدێلی فایرفلایی ئەدۆبی بەکاردەهێنێت بۆ شیکردنەوەی چوارچێوەی دەوروبەر
لە وێنەیەکدا، خۆکارانە ڕەنگ و ڕووناکی و سێبەر و تۆنی بینراو ڕێکدەخات بۆ
دروستکردنی پێکهاتەی هاوسەنگ و یەکگرتوو لە وێنەکەدا، ئەدۆب بانگەشەی
ئەوە دەکات کە ئەم تایبەتمەندییە پێویستی دەستکاریکردنی دەستی بە شێوەیەکی بەرچاو
کەمدەکاتەوە.
ئەم وەشانە تایبەتمەندی "Projects" زیاد دەکەن، کە شوێنی هەڵگرتنی یەکگرتوو بۆ هەموو فایلەکانی بەکارهێنەر
دابین دەکات و توانای ناردنی تەواوی کۆمەڵە دیزاینەکان بۆ کڕیارەکان بە یەکجار
زیاد دەکات نەک یەک کۆپی لە یەک کاتدا بنێردرێت.