لەکاتی چوون بۆ هۆڵی وەرزش یان تەنانەت لە کاتی وەرزشکردن لە ماڵەوە پێویستە گرنگی بە خۆراکی تەندروست و کاتەکەی بدەیت، بەتایبەتی پێش ئەنجامدانی وەرزشەکەت.

بەپێی راپۆرتێکی تەندروسی ماڵپەری "العین"، پێویستە دڵنیا بیت لە خواردنی ژەمێکی سووک نزیکەی یەک بۆ سێ کاتژمێر پێش وەرزشکردن، بەڵام ئەگەر بڕیارە یەکێک لە ژەمە سەرەکییەکان بخۆیت، پێویستە نزیکەی چوار کاتژمێر پێش وەرزشکردن بیخۆیت.

هەروەها خواردنی پێش وەرزشکردن فەرامۆش مەکە، چونکە کاریگەری نەرێنی لەسەر چالاکی وەرزشەکە دەبێت، دەبێتە هۆی سەرگێژخواردن و سەرسوڕان و ئارەقکردنەوەی زۆر، چونکە خواردن وزەی پێویستت پێدەبەخشێت بۆ ئەنجامدانی ڕاهێنانەکان بەو کاراییەی کە پێویستە.

هەر لەبەر ئەمەشە گرنگە کاتەکانی خواردنت رێکبخەیت، جا پێش وەرزشکردن بێت یان دوای وەرزشکردن، دوای وەرزشکردن دەتوانیت دوای ١٥ خولەک بۆ ٦٠ خولەک ژەمێکی سووک بخۆیت، کاتێک دەتەوێت ژەمێکی سەرەکی بخۆیت، چەند کاتژمێرێک دوای وەرزشکردن،دەبێت نزیکەی دوو ژەم چاوەڕێ بکەیت