لەدوای ئەوەی زنجیرەیSquid game بینەرێکی زۆری هەبوو لە تەواوی جیهاندا و ژمارەی بینەرەکانی بەبەردەوامی بەرزدەبێتەوە، لەگەڵ ئەمانەشدا خواستی خەڵکی بۆ فێربوونی زمانی دراماکە بەشێوەیەکی بەرچاو زیادیکردووە، کە بەیەکێک لە گرنگترین سوودەکانی دراماکە بۆ گەلی کۆریا و زمانی کۆری دادەنرێت.

بەپێی هەواڵێکی ماڵپەڕی "سکای نیوز"، خواستی بەکارهێنەرە نوێیەکانی ئاپی بەناوبانگی تایبەت بە فێربوونی زمان "دولینگۆ" بۆ فێربوونی زمانی کۆری لە بەریتانیا ٪٧٦ زیادی کردووە و لە ئەمریکاش لە ٪٤٠ زیادی کردوە، ئەمەش تەنها لە دوو هەفتەی رابردوودا.   

درامای سکوید گەیم درامایەکی کۆریای باشورە و یەک وەرز و نۆ ئەڵقەی لێ بڵاوکراوەتەوە تاوەکو ئێستا دەنگدانەوەیەکی زۆری دروست کردووە و لە ترێندی زۆرترین تەماشاکراوی ٩٠ وڵاتدایە و پێدەچێت ببێتە زۆرترین بینراو لە جیهاندا.