پسپۆڕانی خۆراک ئاشکرایان کردووە کە خواردنی پێستی ماسی سەلەمون دەبێتە هۆی زیادکردنی سوودە خۆراکیەکانی، بەو پێیەی ترشە چەورییە پێویستەکانی تێدایە بۆ تەندروستی دڵ باشە.

بەگوێرەی ڕاپۆرتێک کە " Fox News" بڵاوکراوەتەوە، پێستی ماسی سەلەمون دەوڵەمەندە بە ئۆمیگا سێ، چەورییە پێویستەکان کە تەنها بۆ تەندروستی مێشک و دڵ پێویست نین بەڵکو تایبەتمەندی دژە هەوکردنیشیان هەیە.

لۆرا فێڵدمان، پسپۆڕی خۆراک دەڵێت "ترشە چەورییەکان یارمەتی بەرەنگاربوونەوەی هەوکردن دەدەن و گرنگن بۆ تەندروستی مێشک و دڵ،".

هەرچەندە خواردنی پێستی سەلەمون ڕێژەی چەوری ناو ژەمەکە زیاد دەکات، بەڵام شارەزایان پێیان وایە سوودەکانی ترشی ئۆمیگا سێ زیاترە لە چەوری زیادکراو، ئەو پسپۆرە ئاماژەی بەوەشکردووە سوودەکانی ترشە چەورییەکانی ئۆمیگا سێ بریتین لە زیادکردنی ئاستی کۆلیسترۆڵی باش، دابەزینی پەستانی خوێن و کەمکردنەوەی مەترسی تووشبوون بە نەخۆشییەکانی دڵ و خوێنبەرەکان.

هەروەها ترشی ئۆمیگا سێ پەیوەندی بە باشتربوونی تەندروستی چاو و کارکردنی بینینەوە هەیە، ئەمەش بەهای خۆراکی سەلەمون زیاتر بەرز دەکاتەوە.

هەرچەندە پێستی سەلەمون بەگشتی بە سەلامەت دادەنرێت بۆ خواردن، بەڵام لەوانەیە پیسکەری ژینگەیی کاریگەری نەرێنی لەسەر پێستی ماسییەکە دروست بکەن، لەمبارەیەوە شارەزایان هۆشداری دەدەن کە پێویستە دڵنیا بیت لە ژینگەی ماسییەکە.