ئەمریکا بەنهێنی تاقیکردنەوەی فڕۆکەی جەنگی نەوەی شەشەمی خۆی دەکات ، وە پێشکەوتووترین فڕۆکەی جەنگی لە جیهاندا پەردەی لەسەر لادرا ، لە بابەتێکی ڕۆویتەرزدا دەڵێت ترەمپ لە کۆشکی سپییەوە قسەی کرد و فڕۆکەکەی بە "پێشکەوتووترین و بەهێزترین و کوشندەترین فڕۆکەی جەنگی تا ئێستا دروستکراو" وەسفکرد، ئەمەش ئاماژەیە بۆ بڕگەیەکی گرنگ لە پرۆگرامی نەوەی داهاتووی پنتاگۆن بۆ باڵادەستی ئاسمانی جیهانی،ئەم ڕاگەیاندنە لە میانی کۆنگرەیەکی ڕۆژنامەوانیدا کە بەرپرسانی سەربازی و سەرکردەکانی پیشەسازی ئامادەبوون، پشتڕاستی کردەوە کە وەشانێکی تاقیکاریی فڕۆکەی ئێف ٤٧ نزیکەی پێنج ساڵە بە نهێنی دەفڕێت، لەگەڵ پلانی ئەوەی کە فڕۆکەکە تا کۆتایی ئەم دەیە بخاتە خزمەتگوزاری تەواوی کارکردنی سەربازییەوە

ئەم بڕیارە هەنگاوێکی بەرچاوە لە هەوڵەکانی سوپای ئەمریکا بۆ پاراستنی باڵادەستی لە ئاسمانەکاندا لە نێوان پەرەسەندنی کێبڕکێی وڵاتانی وەک چین و ڕووسیا، کە بەرنامە پێشکەوتووەکانی فڕۆکەوانی جەنگی خۆیان نیگەرانی ستراتیژەکانی بەرگری لێکەوتووەتەوە.

کۆمپانیای بۆینگ کە بارەگا سەرەکییەکەی لە شاری ئارلینگتۆن لە ویلایەتی ڤێرجینیایە، وەک براوەی گرێبەستەکە دەرکەوت بەسەر ڕکابەرەکانی وەک لۆکهید مارتن کە دروستکەری هەردوو فڕۆکەی ئێف-٢٢ و ئێف-٣٥ لایتنینگ II بوو.