گێلاس دەوڵەمەندە بە ماددە خۆراکییە سەرەکییەکانی وەک ڤیتامین A، C و K، دژە ئۆکسێنەرە بەهێزەکانی وەک ئەنتۆسیانینەکانی تێدایە کە چارەسەری زۆرێک لە کێشەکانی پێست دەکەن.

لە گۆڤاری " Nutrients" بڵاوکراوەتەوە، لێرەدا چەند سوودێکی گێلاس بۆ تەندروستی پێست دەخەینەڕوو کە بریتین لە:

١. نەهێشتنی زیپکە:

لەنێو ئەو سوودە زۆرانەی گێلاس بۆ پێست، یەکێک لە دیارترینیان توانای نەهێشتنی زیپکەیە، پێکهاتەکانی یارمەتیدەرە لە کەمکردنەوەی هەوکردن، سووربوونەوە و ئاوسانی پەیوەست بە زیپکەوە.

٢. یارمەتی بەرهەمهێنانی کۆلاجین دەدات:

یەکێک لە سوودە زۆرەکانی گێلاس بۆ پێست توانای بەرزکردنەوەی بەرهەمهێنانی کۆلاجینە، ڤیتامین سی تێدایە کە پێویستە بۆ بەرهەمهێنانی کۆلاجین لە پێستدا.

٣. هەوکردن کەمدەکاتەوە:

گێلاس تایبەتمەندی دژە هەوکردنی بەهێزی هەیە، ئەمەش وایکردووە چارەسەرێکی سروشتی کاریگەر بێت بۆ هەوکردنی پێست، ئەم پێکهاتانە بەشێوەیەکی بەرچاو سووربوونەوە و ئاوسانی کەم دەکەنەوە.

٤. پێست بە شێداری دەهێڵێتەوە

توانای شێدارکردنەوەی پێستی هەیە، بە شێوەیەکی سروشتی دەوڵەمەندە بە ئاو، ئەمەش بەشدارە لە شێدارکردنی پێست بە شێوەیەکی گونجاو.