پسپۆڕێکی خۆراک رایدەگەیەنێت، کۆبوونه‌وه‌ی چه‌وری له‌ ناوچه‌ی پشت و لاکه‌له‌که‌، یه‌کێکه‌ له‌و کێشانه‌ی که‌ به‌ زۆری خانمان به‌ ده‌ستییه‌وه‌ ده‌ناڵێنن و جوانی له‌ش و لاریان ده‌شێوێنێت، ئه‌م حاڵه‌ته‌ له‌ هه‌موو جیهاندا زۆر باوه‌ وبۆ نەهێشتنی کۆمه‌ڵێک ڕێگا و شێوازی چاره‌سه‌ری تازه‌ هه‌یه‌.

کامەران رەسوڵ ژاژڵەیی پسپۆڕی زانستی خۆراک لە پەڕەی فەرمی خۆیگرنگترین هۆکاره‌کانیکۆبوونەوەی چەوری پشت و لاکەلەکەی بەمجۆرە خستووەتە ڕوو:

یەکەم:زۆر خواردنی خۆراکی ناته‌ندروست به‌ به‌رده‌وامی وه‌ک :خواردنی شیرینی و چه‌وری و خواردنه‌وه‌ گازی و کهولییه‌کان و برنجی سپی و ئاردی سفر و به‌کارهێنانی چه‌وری ئاژه‌ڵ و زه‌یتی موهه‌دریجی ڕووه‌کی بۆ چێشتلێنان له‌گه‌ڵ ناڕێکی له‌ کاتی ژه‌مه‌کانی خواردندا.

دووەم:که‌می جووڵه‌ و وه‌رزش نه‌کردن.

سێیەم:له‌به‌رکردنی ستیانی نه‌گونجاو یان بە هەڵە لەبەربکرێت.

چوارەم: رۆژانە دانیشتن بۆ ماوه‌یه‌کی زۆر له‌ کاتی ده‌وام یان به‌ دیار کۆمپیوته‌ر و مۆبایل و ته‌له‌فزێونه‌وه‌، چه‌مانه‌وه‌ی پشت بۆ ماوه‌ی چه‌ند کاتژمێرێک له‌ سه‌ریه‌ک: ئه‌مه‌ش ده‌بێته‌ هۆی پوکانه‌وه‌ و بێهێزی ماسوولکه‌کانی پشت.

پێنجەم: قه‌ڵه‌وی و زۆری کێشی هه‌موو جه‌سته‌.

شەشەم: چوونه‌ ته‌مه‌نه‌وه‌ دوای سی ساڵ ئه‌م دیارده‌یه‌ زۆر زیاتره‌.

چارەسەرەکانی بەمجۆرە ئاشکراکردووە:

یەکەم:ڕێجیمکردن و دابه‌زاندنی کێش.

دووەم:وه‌رزشکردن و زیاد کردنی جووڵه‌.

سێیەم:وازهێنان و دوورکه‌وتنه‌وه‌ یان که‌مکردنه‌وه‌ی هۆکاره‌کانی و هه‌ڵس و که‌وته‌ هه‌ڵه‌کان.

چوارەم: توانه‌وه‌ی چه‌وری پشت و توندکردنه‌وه‌ی به‌ ڕێگه‌ تازه‌کانی ته‌کنه‌لۆژیا بەبێ نه‌شته‌رگه‌ریی.