کەشناسی هەرێم رایگەیاند، سبەی شەپۆلی باران و بای خێرا ناوچەکانی هەرێم دەگرێتەوە، هاوکات کەشناسی عێراقیش دەڵێت، دوو شەپۆلى باران روو لە ناوچەکانى عێراق دەکات، شەپۆلى یەکەم لەئەمڕۆوە تا هەینى و شەپۆلى دووەم لە هەینییەوە دەستپێدەکات تا دوو شەممە.

ئەمرۆ چوارشەممە ١٩ـی شوباتـی ٢٠٢٥، کەشناسی هەرێم رایگەیاند، شەپۆلی باران بارین ناوچەکەمان دەگرێتەوە و لە ناوچە سنورییەکان بەفر دەبارێت، لەگەڵ زیادبوونی خێرایی با.

هاوکات، کەشناسی عێراق لەبارەی هاتنی دوو شەپۆلی باران بارین رایگەیاند، بە دوو قۆناغە، سەرەتا کەشەکە لە شێوەی بارانبارین لەگەڵ ڕەشەبا ، دواتر بەرزبوونەوەی تۆز و خۆڵ لە ناوچە سنووردارەکانی رۆژئاوا دەست پێدەکات.

سەبارەت بە شەپۆلی دووەم ئەوەی خستووەتەروو، لە رۆژی هەینی دەستپێدەکات، بە هەورەبروسکە و سەرمایەکی توند و بەفر لە بەرزاییە شاخەکاندا و رەنگە ناوچە نزمەکانی شارەکانی باکوری وڵات و هەندێک ناوچەی ناوەڕاست و رۆژئاوا بگرێتەوە.