گێزەر نەک هەر شیرین و بەتامە، بەڵکو بڕێکی زۆر لە سوودە خۆراکیەکانی تێدایە، گێزەر دەوڵەمەندە بە ڤیتامین و کانزا و دژە ئۆکسێنەر، ئەمەش وای لێدەکات سوودێکی زۆری هەبێت بۆ تەندروستیت.

بەگوێرەی ڕاپۆرتێک کە لە ماڵپەڕی " Verywell Health" بڵاوکراوەتەوە، زۆرێک لە سەوزەکان ئاستی ڕیشاڵەکان زیاد دەکەن و هەرسکردن باشتر دەکەن، لەوانەش گێزەر، پسپۆران باس لەوە دەکەن گێزەر دۆستی گەدەیە، هەروەها یەکێکە لە سەوزە گرنگ و بەسوودەکان کە تەندروست و گرنگە بۆ ڕیخۆڵە و کۆئەندامی هەرس.

ڕیشاڵی ناو گێزەر یارمەتی باشترکردنی هەرسکردن و کەمکردنەوەی گرژبوون و قەبزی دەکات، گێزەر دژە ئۆکسانی تەندروست و گرنگی تێدایە کە یارمەتی کەمکردنەوەی هەوکردن دەدات جگە لەوەش ڤیتامین و کانزای تەندروست لەخۆدەگرێت بەتایبەت ڤیتامین سی کە تەندروستە بۆ بەهێزکردنی جەستە.

دژە ئۆکسێنەرەکانی یارمەتیدەرن بۆ باشترکردنی تەندروستی بەشێوەیەکی گشتی و کەمکردنەوەی ئاستی شەکر و کۆلیسترۆڵی زیانبەخش هەروەها ڤیتامین ئەی تێدایە کە تەندروستی پێست باشتر دەکات و ڕێگری لە نەخۆشییەکانی پێست دەکات.

گێزەر ماددەی دژە ئۆکسانی تێدایە کە یارمەتی کەمکردنەوەی ئەگەری تووشبوون بە کێشەی تەندروستی و کێشەی ڕیخۆڵە دەدات.

ڤیتامین B6 لە گێزەردا دەبێتە هۆی بەرەوپێشبردنی تەندروستی گەدە و ڕیخۆڵە، بەمەش لە قەبزی و تێکچوونی گەدە و غازات و گرژبوون ڕزگار دەکات هەروەها گەدە لە دڵەکزێ و ترشەڵۆکی و هەرس نەکردن دەپارێزێت.