هونەرمەندی گۆرانیبێژ بەھجەت یەحیا سێ بەرھەمی نوێ
بڵاودەکاتەوە.
بەھجەت یەحیا لە هەژماری فەرمی خۆی لە تۆڕی
کۆمەڵایەتی فەیسبووک
ئاماژەی بە نوێترین گۆرانییەکانی خۆی کردووە و نووسوێتی " لەگەڵ ھونەرمەندی دەستڕەنگین کاک ئارام سەردار لە ڤینۆ ستۆدیۆ لەکاتی
ئامادەکردنی بەرھەمە نوێکەمان، شایەنی باسە کە کۆی کارەھونەریەکان وەک (کاری موزیک
و تۆمارکردن و میکس و ماسترینگ و کلیپکردن) لەلایەن بەڕێزیانەوە زۆر بەدڵسۆزانە و
بەشێوازێکی ئەکادیمی ئەنجامدراوە"
ئاماژەی بەوەش کرد لە ئێستادا سێ بەرھەمی نوێی لە
تەواوبووندایە، بەم شێوەیە:
١. گۆرانیی پرچی
سپیت
ئەم گۆرانییەی لە هۆنراوە و ئاوازی هونەرمەند
خۆیەتی، ئارام سەردار کاری موزیکی بۆ کردووە.
٢. گۆرانیی گوڵ لە گوڵستان
لە ئاوازی هونەرمەند خۆیەتی و ھۆنراوەی بێسارانییە
و کاری موزیکی لەلایەن ئارام سەردارەوە بۆ ئەنجامدراوە.
٣. گۆرانیی گۆزەکەی خیام
بەھجەت یەحیا ئاوازی گۆرانییەکەی داناوە، ھۆنراوەی
خیامە و ئارام سەردار کاری موزیکی بۆ کردووە، بەھاوکاریی ھونەرمەندانی تر:
سەنتوور : ڕێبین سالار
نەی : خەلیل عەبدوڵڵا
کەمانچە : عەلی ھەورامی
تار : بھزاد ڕەواقی
عود ، پیانۆ ، پێرکەیشن « ڕیتم » : ئارام سەردار
جێگەی باسە ڕۆژی پێنج شەممە ١-٨-٢٠٢٤ ھەرسێ
گۆرانیەکە بڵاودەکرێتەوە.