بەڕێوەبەرایەتی کەشناسی هەرێم لەبارەی کەشی پێشبینیکراوی ٤٨ کاتژمێری
داهاتوو رایگەیاند، ئاسمان پەڵە هەور و نیمچە هەور دەبێت و لە كاتەكانی شەودا دەگۆڕێت
بۆ هەوری تەواو لەگەڵ ئەگەری بارینی نمە باران بە تایبەت لە ناوچە شاخاوییەكان . دەشڵێت،
" پلەکانی گەرما زیاتر بەرزدەبنەوە".
ئەمرۆ هەینی، بەڕێوەبەرایەتی کەشناسی و بومەلەرزەزانی هەرێم لەبارەی کەشوهەوای
رۆژی ١٠ـی ئایار رایگەیاند، ئاسمان پەڵە هەور و نیمچە هەور دەبێت و پلەکانی گەرما
بە نزیکەی یەک بۆ دوو پلە بەرزتر دەبێت بەراوورد بە تۆمارکراوەکانی دوێنێ.
لەبارەی کەشی پێشبینیکراوی رۆژی شەممە ئەوەشی خستە روو، ئاسمان بە گشتی پەڵەهەوردەبێت
و لە کاتە جیاوازەکاندا دەگۆرێت بۆ نیمچە هەور لەگەڵ ئەگەری نمەبارانێکی کەم لە
کاتەکانی شەودا.
وتیشی، " پلەکانی گەرما بەراورد بە ئەمرۆ و رۆژی پینجشەممە ١-٢ پلەی دیکە
بەرزدەبنەوە".
لەلایەکی دیکەشەوە کەشناسی عێراق رایگەیاند، پلەکانی گەرما روو لە بەرزبوونەوە
دەکەن و شەپۆلێکی خۆڵبارینیش ناوچە جیاوازەکانی عێراقدەگرێتەوە ، لە رۆژی دووشەممەدا
پلەکانی گەرما روو لە دابەزین دەکەن.
بەرزترین پلەکانی گەرمای پێشبینیکراو بە پلەی سیلیزی
هەولێر : ٣٠
سلێمانی: ٢٩
دهۆک : ٣٠
زاخۆ : ٣٢
هەڵەبجە : ٣١
کەرکوک: ٣٤
سۆران : ٢٩
حاجی ئۆمەران: ١٩
گەرمیان : ٣٥
S.A