دوای ١٤ ساڵ دوورکەوتنەوە، هونەرمەندی میسری عادل ئیمام
دەگەڕێتەوە سینەماکان، بە دووبارە نمایشکردنی نوێترین فیلمی بەناوی "ئەلزەهایمەر"
، هاوکات لەگەڵ ئاهەنگ گێڕان بەبۆنەی ٨٤ ساڵەی لەدایکبوونی.
هونەرمەند و بەرهەمهێنەری میسری"عیساد یونس"
وەک لە "العربیة"دا هاتووە، بڕیاریدا
عادل ئیمام بگەڕێنێتەوە بۆ هۆڵەکانی سینەما، بەو پێیەی کۆمپانیای بەرهەمهێنان و
دابەشکردنی فیلمی عەرەبی کە ئەو خاوەندارییەتی دەکات، بەیاننامەیەکی بڵاوکردەوە و
تیایدا روونیکردەوە کە گەڕاندنەوەی فیلمەکەی عادل ئیمام بۆ شاشەکانی سینەما لە
ناوخۆی میسر و وڵاتانی عەرەبی لە چوارچێوەی ستراتیژییەکی نوێ دەبێت.
فیلمی "ئەلزەهایمەر" بڕیارە لە ١٧ی ئایارەوە لە
سەرجەم سینەماکانی میسر و وڵاتانی عەرەبی نمایش بکرێت.
H.Y