سەروپێ یەکێکە لەو
خواردنانەی زۆر کەس ئارەزووی خواردنی دەکات، شێوازی ئامادەکردنی جیاوازی هەیە، زیاتر
لە کەشی سارددا ئامادە دەکرێت.
پێداویستییەکان:
ورگ، قاچ و زمانی بەرخ.
نیو کیلۆ قیمە.
دوو کوپ برنجی خڕ.
زەیت.
دوو کەوچکی چێشت زیرە،
زەردەچەوە، ئاڵەتی رەش و بەهاراتی سەروپێ.
چەند دەنکێک مێخەک.
خوێ بەپێی پێویست.
زەیت.
ئاو.
بادەم.
گوێز.
کشمیش.
شێوازی
ئامادەکردنەکەی:
سەروپێکە بەباشی پاککرابێت و بیشۆرەوە، قاچ و
زمانەکەی بە لەتکراوی بخەرە ناو بووخارێکەوە، بەهارات، خوێ و ئاوی گەرمی تێبکە، لەسەر
ئاگرێکی بەهێز دایبنێ، دوای پێنج خولەک ئاگرەکە کەمبکرێتەوە.
ورگەکان پارچە پارچە بکە
و بە دەزوو لاکانی بدوورەرەوە جگە لە لایەکی کە برنجەکەی تێبکەیت.
قیمەکە لە تاوەیەکدا
سووربکەرەوە، کەمێک زەیتی تێبکە.
خوێ، گوێز، بادەم و
کشمیشەکەی تێکەڵ بکە و پێکەوە سووریان بکەرەوە.
برنجەکە بشۆرەوە، زیرە،
ئاڵەتی رەش، زەردەچەوە، خوێ و مێخەکەکەی تێبکە و تێکی بدە. قیمە سوورکراوەکەی تێکەڵ
بکە.
برنجەکە بە کەوچک بکەرە گیپەکانەوە، نیوەی گیپەکە
برنجی تێبکە بۆئەوەی برنجەکەی ناوی رەق دەرنەچێت.
قاچ و زمانەکان لەناو
بوخارەکە دەربهێنە و بیکە مەنجەڵێکەوە و گیپەکانی تێبکە.
بیخەرە سەر ئاگرێکی
مامناوەند هەتا دەکوڵێت، پێشکەشی بکە.
S.A