زۆربەی ئافرەتان لە ماوەی دووگیان بوونیاندا کێشی جەستەیان زیاددەکات و بەدەست قەڵەوییەوە دەناڵێنن، ئەمەش چەندین کێشەی تەندروستی و ئالۆزی لەکاتی منداڵبووندا دروست دەکات.

بە پێی هەواڵێکی"The Sun " دایکێکی تەمەن ٢٣ ساڵ بەهۆی دوگیانییەوە کێشی جەستەی ٩٥ کیلۆی تێپەڕاند، بەڵام بە کەمکردنەوەی کالۆری لە خواردنەکانی، دوای ساڵێک لەدایکبوونی کوڕەکەی توانی ٣٨ کیلۆ لە کێشی جەستەی کەمبکاتەوە.

ئەو خانمە باسی لە چیرۆکەکەی خۆی کرد و وتی، "بەدرێژایی ماوەی دووگیانیم نانم دەخوارد و دادەنیشتم، دوای لەدایکبوونی منداڵەکەم تەنانەت ئارەزووی وێنەگرتم نەدەکرد لەگەڵ منداڵەکەم چونکە شەرمم لە شێوەی خۆم دەکرد".

وتیشی، "کە دەچووم بۆ هۆڵی لەشجوانی هەمووان تەماشایان دەکردم، بۆیە جلێکی قەبارە گەورەم لەبەر دەکرد بۆئەوەی شێوەی جەستەم داپۆشم، باری دەروونیم زۆر تێکچووبوو، بڕیارم دا سیستمی خۆراکیم بگۆڕم".

لەدرێژەی قسەکانیدا وتی، "بڕیارمدا هەموو ئەو شتانە بخۆم کە حەزم لێیەتی بە لەبەرچاوگرتنی رێژەی کالۆریەکەی، لەگەڵیدا وەرزشم دەکرد، رۆژانە پاسکیلم لێدەخوڕی و پیاسەم دەکرد، زۆرترین کێشم دابەزاند".

لە کۆتاییدا ئەوەیخستەڕوو، "من دەمەوێت بەمشێوەیە ورەی دایکانی دیکە بەرز بکەمەوە، زۆرینەی کەس لێم دەپرسێت من چۆن ئەمەم کرد، تەنیا پێیان دەڵێم کاتی پێویستە لەگەڵ متمانە بەخۆبوون".

S.A