پسپۆرێکی تایبەت بە نەخۆشییەکانی ژنان و منداڵ رایگەیاندووە، هەوکردنی منداڵدان یەکێکە لە نەخۆشییەکانی منداڵدان کە بە هۆی بەکتریاوە دروست دەبێت، کاریگەریی هەیە لەسەر دووگیانی و لە حاڵەتە تووندەکاندا دەبێتە هۆی نەزۆکی یان دەبێتە هۆی هەوکردنی خوێن و ناوچەی حەوز.

لەنجە محەمەد زاهید پسپۆڕی ژنان و منداڵبوون لە پەڕەی فەرمی خۆی لە فەیسبووک هۆکارەکانی هەوکردنی منداڵدانی بەمجۆرە خستووەتە ڕوو:

بەکتریا هۆکاری سەرەکی تووشبوونە بە هەوکردنی منداڵدان، دەکرێت ئەم بەکتریایە بە چەند ڕێگایەک بگواسترێتەوە بۆ ناو منداڵدان:

یەکەم: نەخۆشییە سێکسییە گواستراوەکان.

دووەم: دانانی لەولەب.

سێیەم: بوونی پاشماوەی وێڵاش لە ناو منداڵدان پاش منداڵبوون.

چوارەم: منداڵبوون بە نەشتەرگەری.

پێنجەم: ئەنجامدانی پشکنینی منداڵدان .

شەشەم: هەوکردنی ناوچەی حەوز.

لە باوترین نیشانەکانی ئەم نەخۆشییە بریتین لە:

یەکەم: خوێنبەربوون.

دووەم: گۆڕانی ڕەنگ و بۆنی دەدراوەکانی زێ.

سێیەم: تا لێهاتن.

چوارەم: بوونی ئازاری تووندی سک.

پێجەم: ئاوسانی سک.

شەشەم: هەستکردن بە تێکچوونی گەدە .

حەوتەم: توشبوون بە قەبزی.

سەبارەت بە چارەسەرکردنی هەوکردنی منداڵدان ئەو پزیشکە ئاماژەی بەوەکردووە،ئەگەر هاتوو لە پشکنیندا دەرکەوت کە خانمەکە توشبووە بە هەوکردنی منداڵدان پێویستە، پزیشک دەرمانی دژە-زیندەییەکانی وەک چارەسەری هەوکردنی منداڵدان بەکاردەهێنێت، بەڵام لە حاڵەتە تووندەکاندا دژە-زیندەیی خوێنبەری واتە لە ڕێگایی کانۆلاوە بۆ بەکاردەهێنرێت، بەتایبەت ئەگەر هاتوو هۆکاری هەوکردنەکە بەهۆی پاشماوەی وێڵاشەوە بوو.

ئ.ل