پسپۆرێکی تایبەت بە نەخۆشییەکانی ژنان ئاشکرایکردووە، ھەوکردنی زێ حاڵەتێکی باوە لە خانماندا بەتایبەتی ئەوانەی هاوسەرگیرییان کردووە، کە بۆ چەندین هۆکار دەگەڕێتەوە.

چرۆ حسێن عەزیز پزیشکی نەشتەرگەریی و پسپۆڕی ژنان و منداڵبوون و نەزۆکی، لە پەڕەی فەرمی خۆی لە فەیسبووک ئەو هۆکارانەی خستووەتە ڕوو کە ئەگەری هەوکردنی زێ لە خانماندا زیاد دەکەن: :

یەکەم: گۆڕانکارییە هۆڕمۆنییەکان بەتایبەت لە قۆناغی وەستانی سووڕی مانگانەدا، تیایدا ئاستی هۆڕمۆنی ئیسترۆجین کەم دەکات و ئەمەش دەبێتە هۆی وشکبوونەوەی ناوچەی زێ، لەگەڵ لە کاتی شیرپێداندا.

دووەم: باش پاک نەکردنەوەی ناوچەی زێ یان پاککردنەوەی ناوچەی زێ لە دواوە بۆ پێشەوە.

سێیەم: بەهۆی سێکسی ناتەندروستەوە لە خانماندا.

چوارەم: بەکارهێنانی دەرمانی دژەبەکتريا یان دژە سکپڕی یان کرێم یان شاف بۆ ناوچەی زێ بە ڕێژەیەکی زۆر بەبێ ڕێنمای پزیشکی.

پێنجەم: زۆر شتنی ناوچەی زێ و بەکارهێنانی شامپۆ.

ئ.ل