PM:08:38:07/12/2021
868 جار خوێندراوەتەوە
+
-
لە جامى عەرەب، ئوردن لە فەڵەستینى بردەوە و سەرکەوت بۆ قۆناغى چارەکى
کۆتایى، سعودیەش ماڵئاوایى لە پاڵەوانێتییەکە کرد.
لە جەولەى سێیەمى و کۆتایى قۆناغى کۆمەڵەکانى جامى عەرەب، کە یارییەکانى لە
قەتەر بەڕێوەدەچن، لە کۆمەڵەى سێیەمدا، هەردوو هەڵبژاردەى ئوردن و فەڵەستین ڕووبەڕووى
یەکبوونەوە.
ئوردن بە پێنج گۆڵ بەرامبەر بە گۆڵێک یارییەکەى بردەوە و سەرکەوتنى بۆ
قۆناغى چارەکى کۆتایى بەدەستهێنا و فەڵەستینیش لە جامەکە کرایە دەرەوە.
لە یارییەکى ترى هەمان کۆمەڵەدا، مەغریب، کە پێشتر سەرکەوتنى بۆ قۆناغى
داهاتوو مسۆگەرکردبوو، بەرامبەر سعودیە یاریکرد و بە گۆڵێکى بێ بەرامبەر یارییەکەى
بردەوە، بەمەش سعودیە ماڵئاوایى لە جامەکە کرد.
لە قۆناغى چارەکى کۆتایى جامى عەرەبدا، ئوردن بەرامبەر یەکەمى کۆمەڵەى
چوارەم و مەغریبیش بەرامبەر دووەمى هەمان کۆمەڵە یارى دەکەن.
گ . ف