PM:04:33:07/12/2021
1684 جار خوێندراوەتەوە
+
-
پێکهاتەی باشترینی ئەمساڵ دیاریکرا و محەمەد سەڵاح و نگۆلۆ کانتی
دوورخراونەتەوە.
بەشی ئامار و مێژووی یەکیتی تۆپی پێی جیهان، باشترین پێکهاتەی ساڵی 2021ی
بڵاوکردەوە و هەریەکە لە محەمەد سەڵاحی یاریزانی لیڤەرپوڵ و نگۆلۆ کانتی یاریزانی
چێڵسی دوورخراونەتەوە و ئەشرەف حەکیمیش یەکەم یاریزانی عەرەبە لە پێکهاتەکەدا بونی
هەبێت.
جیانلویجی دۆنارومای ئیتاڵی وەک گۆڵچی پێکهاتەکە هەڵبژێردراوە و هەریەکە لە
لیۆناردۆ بۆنۆچی ئیتاڵی و رۆبن دیازی پورتوگالی و ئەشرەف حەکیمی مەغریبی و
ئەلفۆنسۆ دەیڤزی کەنەدی لە هێڵی بەرگریدان.
جۆرجینیۆی ئیتاڵی و کیڤن دیبرۆینی بەلجیکی و لیۆنێل میسی ئەرجەنتینی وەک
یاریزانانی هێڵی ناوەڕاستی باشترین پێکهاتەی ساڵی 2021 دیاریکراون.
لە هێڵی هێرشبردنیشدا، هەریەکە لە کریستیانۆ ڕۆناڵدۆ پورتوگالی و ڕۆبێرت لیڤاندۆڤسکی
پۆڵەندی و کیلیان مباپێی فەرەنسی دەبینرێن.
هەرچەندە محەمەد سەڵاح لە 2021دا ئاستێکی بەرزی پێشکەشکردووە و نگۆلۆ
کانتیش لەگەڵ چێڵسیش نازناوی چامپیۆنز لیگی بەدەستهێناوە بەڵام لە باشترین
پێکهاتەی ساڵدا بونیان نیە
خ . ک
