PM:11:25:06/12/2025
192 جار خوێندراوەتەوە
+
-
ئارنۆڵد جەختیکردەوە عێراق فێری عەقڵیەتی
بردنەوە بووە و دەتوانن لە یارییە داخراوەکانیش گۆڵ تۆماربکەن.
گراهام ئارنۆڵدی راهێنەری هەڵبژاردەی
عێراق، دوای بردنەوەیان لە سودان وتی: دڵخۆشم بە ئەنجامی یارییەکە، بە تایبەتر هۆکاری
دڵخۆشیم مانەوەی تەرکیزی یاریزانەکان بوو تا کۆتایی یارییەکە.
وتیشی: یارییەکە ئاسان
نەبوو و سودان بەرگرییەکی بەهێزیان کردوو و لە تایمی یەکەمدا فشارێکی زۆریان دروست
کرد، سودان تیمێکی ڕێکخراوە و وەک چۆن بەرامبەر جەزائیر یەکسان بوون، ئێمەشیان ماندوو
کرد.
دوپاتیشیکردەوە، یاریزانە یەدەگەکان توانییان وزەیەکی نوێ بە
تیمەکە ببەخشن و یارییەکە یەکلابکەنەوە، بەتایبەت کاریگەریی موهەنەد عەلی لە
گۆڕینی ئەنجامەکەدا.
گراهام باسی لەوەشکرد: عێراق فێری ئەوە بووە بە عەقڵییەتی بردنەوە یاری
بکات و تەنانەت لەو یارییانەشدا کە داخراون، دەتوانن ڕێگایەک بۆ گۆڵکردن بدۆزنەوە.