لە نوێترین چاوپێکەوتنیدا لەگەڵ ڕۆژنامەی تی ئێن تی، ڤینیسیۆس جۆنیۆری هێرشبەری ڕیاڵ مەدرید دوپاتیکردەوە بە هیچ شێوەیەک لە رابردوودا هاندەری یانەی بەرشەلۆنە نەبووە.

ڤینیسیۆس وتی: هەموو کات سەرسامبووم بە نەیمار دا سیلڤای هاونیشتیمانم لەهەر یانەیەک یاری کردبێت و ئەوەش هەموو بابەتەکەیە و  بەردەوامیش هاندەری ڕیاڵ مەدرید بووم .

وتیشی: ئامانجم دڵخۆشکردنی هاندەرانی ڕیاڵ مەدریدە و یانەکەش کەمترین پارەی پێشکەشکردم لەسەرەتادا بەڵام بڕوابونێکی تەواو و پرۆژەیەکی گەورەی لە بیرکردنەوەمدا درووستکردووە و پێبەخشیوم.

ئاماژەی بەوەشدا، گرێبەستەکەی لەگەڵ یانەکەیدا تا 2025ەوە هێشتا زوە تا باسی کۆتاییهاتنی گرێبەستەکەی بکرێت، گرنگیش نادات بەوەی گرێبەستەکەی تا چەند ساڵە و بڕی پارەکەی چەندە بەڵکو تەنیا گرنگی بەوە دەدات چۆن یارمەتی یانەکەی بدات  کە باشترینە لە جیهاندا.