PM:03:17:30/04/2025
148 جار خوێندراوەتەوە
+
-
لیڤەرپوڵ ئامادەیە لە هاوینی داهاتوودا جۆتا بە 50 ملیۆن
یۆرۆ بفرۆشێت و یانەکانی ئەستۆن ڤێلا و نیوکاسڵ و نەسڕ و هیلال ئارەزووی
گواستنەوەی دەکەن.
بەرپرسانی یانەی لیڤەرپوڵ دەیانەوێت لە هاوینی داهاتوودا
گۆڕانکاری گەورە لەسەرجەم پێگەکانی یاریگا ئەنجام بدەن و چەندین یاریزان بخەنە
لیستی فرۆشتنەوە.
تۆڕی فیچاجێس بڵاویکردووەتەوە لیڤەرپوڵ بڕیاریداوە دیگۆ
جۆتا بفرۆشێت و هەر یانەیەک زیاتر لە 50 ملیۆن یۆرۆ بدات لەبەرامبەر کڕیندا
گفتوگۆی لەگەڵدا ئەنجام دەدەن.
سەرچاوەکە بڵاویکردووەتەوە لە ئینگلتەرا هەریەکە لە
یانەکانی نیوکاسڵ و ئەستۆن ڤێلا ئامادەن ئەو یاریزانە بگوازنەوە ریزەکانیان.
فیجاجێس باسی لەوەش کردووە لە سعودییە هەریەکە لە هیلال
و نەسڕ ئامادەن گرێبەست پێشکەشی ئەو ئەستێرە پورتوگالییە بکەن.
گرێبەستی جۆتا لەگەڵ لیڤەرپوڵ لە هاوینی ساڵی 2027
کۆتایی پێدێت و لەگەڵ ئەو یانەیە لەم وەرزەدا بەشداری 34 یاری کردووە و توانیوێتی نۆ
گۆڵ و چوار ئەسیست تۆماربکات.