فیلمی بەزمی جەژن لەلایەن گروپی هونەری خێزانەوە بەرهەمهاتووە کە کارێکی كۆمەڵايەتى و كۆميدى و
ڕەخنه ئامێزه.
رێبوار محەمەد کە
دەرهێنەر و سیناریۆنوسی فیلمەکەیە بە دیجیتاڵ میدیای ئێن ئاڕ تی راگەیاند، تێچووی
ئەم فیلمەی گرتووەتە ئەستۆ کە حەڤدەهەمين بەرهەمى گروپى هونەرى خێزانه و نزيكى ٣٥
ئەكتەر بەشێوەى خۆبەخش بەشدارىیان تێدا كردوه و لەناو شارى سلێمانى كارى وێنەگرتنى
بۆ ئەنجام دراوە، و وێنەگرتن و كارى مونتاژى لەلايەن باوەر رەفيق بۆ كراوە.
ئاماژەی بەوەشدا،
"فيلمى بەزمى جەژن كارێكى كۆمەڵايەتى و كۆميدى و ڕەخنه ئامێزه و بەسەرهاتەكانى
پێش جەژن وەك و قەرەباڵغى ناو بازار و سەرەگرتن و ڕاكەڕاكى سەرتاشخانه و بەرگدوور
و كڕينى پێداويستى و خۆ ئامادەكردن بۆ جەژن و هۆشيارى خەڵك بۆ گەردن ئازايى له يەكترى
و له روژانى جه ژن دا، دەست بكەنه ناو دەستى يەكتر و تەبايى و خۆشەويستى وەك جاران
خەڵكى به دڵێكى پاك و جوانەوه ڕێزى بەرامبەرەكەى بگرێت و كەلتورى كوردى و خزمايەتى
وەك جاران بەهێزبێت".