ئەنجامدانی چەند هەڵەیەك وادەکەن هاوسەرەکەت لەگەڵتدا خراپ بێت

PM:01:57:23/06/2022

9084 جار خوێندراوەتەوە

ئەنجامدانی چەند کردارێکی هەڵە بە شێوازێکی بەردەوام ئەگەری هەیە کێشەی هاوسەری زیادبکات و وابکات پەیوەندی نێوان هاوسەران لاواز ببێت.
ماڵپەڕی "سەیدەتی" ئاماژەی بە سێ لە دیارترینی ئەو کردارانە کردووە کە زیاتر لەلایەن ئافرەتانەوە ئەنجامدەدرێن و ئەگەری هەیە وابکات لەگەڵ هاوسەرەکانیان تووشی ناخۆشی ببن، بەم جۆرە:

بەردەوام لۆمەی بکەیت:

لۆمەکردنی هاوسەرەکەت بە شێوازێکی بەردەوام لە هەرکاتێكدا کە کێشە لە نێوانتاندا ڕوودەدات، ئەمە وادەکات هەستی بەرامبەر بە تۆ بگۆڕێت و تا ڕاددەیەك لێت دوور بکەوێتەوە.

ڕەخنەگرتن لێی:

ڕەخنەگرتن بە بەردەوامی وادەکات هاوسەرەکەت هەست بکات کەسایەتی لاوازە بەمەش هەوڵدەدات دژ بە تۆ بوەستێت بۆئەوەی ڕێگە بگرێت لەوەی تۆ زیاتر بەسەریدا زاڵ بیت.

گرنگی نەدان بە ڕای هاوسەرەکەت:

ئەمە وادەکات هاوسەرەکەت هەست بکات کە پێگەیەکی گرنگی نییە و لە خێزانەکەی خۆیدا ڕۆڵی کەمە، لەم کاتەشدا ئەگەری تووشبوون بە کێشە زیاتر دەبێت.